ໃນວັນທີ 22 ຕຸລາ 2019 ກໍາມະບານຮາກຖານພະແນກອຸດສາຫະກຳ ແລະ ການຄ້າ ແຂວງບໍລິຄຳໄຊ ໄດ້ເປີດກອງປະຊຸມໃຫ່ຍ ຄັ້ງທີ VI ຂຶ້ນ ທີ່ຫ້ອງປະຊຸມພະແນກ ຖວທ ແຂວງ ພາຍໃຕ້ການເປັນປະທານຂອງ ສະຫາຍ ໂພສອນ ທະລາພອນ ປະທານກໍາມະບານຮາກຖານພະແນກ ອຄ ແຂວງ, ເຂົ້າຮ່ວມໂດຍ ສະຫາຍ ດຳລົງ ທັບລາດ ຄະນະບໍລິຫານງານສູນກາງສະຫະພັນກຳມະບານລາວ ປະທານສະຫະພັນກຳມະບານແຂວງ, ສະຫາຍ ບຸນເພັງ ໄຊສົງຄາມ ຮັກສາການ ຫົວໜ້າພະແນກອຸດສາຫະກຳ ແລະ ການຄ້າ ແຂວງ ມີສະມາຊີກກຳມະບານພາຍໃນຮາກຖານ ແລະ ແຂກຖືກເຊີນຈາກກຳມະບານຮາກຖານອ້ອມຂ້າງເຂົ້າຮ່ວມ.

     ກອງ​ປະຊຸມ​ໄດ້ຮັບຟັງການຜ່ານບົດລານງານການເມືອງທັງສອງພາກ ​ເພື່ອ​ຕີ​ລາຄາ​ຄືນ​ກ່ຽວກັບ​ຜົນງານການ​ເຄື່ອນ​ໄຫວ​ຈັດ​ຕັ້ງ​ປະຕິບັດ​ວຽກງານ​ກຳມະບານ​ໃນ​ໄລຍະ 5 ປີຜ່ານມາ ​ແລະ ວາງ​ທິດ​ທາງ​ໃນ 5 ປີຕໍ່ໜ້າ 2019-2023 ​ເຊີ່ງ​​ຜ່ານ​ມາ​ໄດ້​ເອົາ​ໃຈ​ໃສ່​ ສຶກສາ​ອົບຮົມ​ການ​ເມືອງ-​ແນວ​ຄິດ ​ໃຫ້​ແກ່​ພະນັກງານ, ເອົາໃຈໃສ່ຈັດຕັ້ງເຜີຍແຜ່ເຊື່ອມຊຶມແນວທາງນະໂຍບາຍຂອງພັກ, ກົດໝາຍຂອງລັດ ແລະ ເອກະສານອື່ນໆ ເພື່ອເຊື່ອມຊືມໃຫ້ບັນດາສະມາຊິກ​ກຳມະບານຢູ່ພາຍໃນຂອບເຂດຄວາມຮັບຜິດຊອບຂອງຕົນໄດ້ຮັບຮູ້ ແລະ ເຂົ້າໃຈຢ່າງເລິກເຊີ່ງ, ມີແນວຄິດຫຼັກໝັ້ນຕໍ່ອຸດົມການຂອງພັກ, ມີແນວຄິດອຸ່ນອຽນທຸ່ນທ່ຽງຕໍ່ກັບໜ້າທີ່ວຽກງານທາງດ້ານວິຊາສະເພາະ ເປັນຕົ້ນແມ່ນ: ສົ່ງເສີມທຸລະກິດຂະໜາດນ້ອຍ ແລະ ຂະໜາດກາງ (SME), ວຽກງານສິນຄ້າໜຶ່ງເມືອງໜຶ່ງພະລິດຕະພັນ (ODOP), ວຽກງານຄຸ້ມຄອງລາຄາສີນຄ້າ-ປົກປ້ອງຜູ້ຊົມໃຊ້, ວຽກງານອຳນວຍຄວາມສະດວກດ້ານການຄ້າ, ການດຳເນີນທຸລະກິດ, ວຽກງານຄຸ້ມຄອງອຸດສາຫະກຳ ແລະ ວຽກອື່ນໆ ໃຫ້ມີບາດກ້າວສູງຂື້ນກວ່າເກົ່າ. ກອງປະຊຸມຄັ້ງນີ້ຍັງໄດ້ປ່ອນບັດຄັດເລືອກເອົາ ຄະນະປະທານກຳມະບານຮາກຖານຊຸດໃໝ່   ໂດຍເປັນເອກະສັນຄັດເລືອກເອົາ: ສະຫາຍ ໂພສອນ ທະລາພອນ ເປັນປະທານ, ສະຫາຍ ປອ ພົມວິຫານ ລາຊາວົງ ເປັນຮອງປະທານ ແລະ ສະຫາຍ ກິ່ງເພັດ ຈັນທະສອນ ເປັນຮອງ ແລະ ເປັນຜູ້ກວດກາ.