ໃນວັນທີ 5 ຕຸລາ 2019 ຢູ່ສູນວັດທະນະທຳເດັກ ພະແນກ ຖວທ ແຂວງ ໄດ້ມີພິທີມອບ-ຮັບເຄື່ອງຊ່ວຍເຫລືອຈາກ ກອງທຶນໜຶ່ງດວງໃຈບໍລິຄຳໄຊຊ່ວຍເຫຼືອສັງຄົມຂື້ນ ກ່າວມອບໂດຍ ທ່ານ ນາງ ແອງ ໄຊສົງຄາມ ປະທານກອງທຶນໜຶ່ງດວງໃຈບໍລິຄຳໄຊຊ່ວຍເຫຼືອສັງຄົມ ກ່າວຮັບໂດຍ ທ່ານ ສົນທອງ ວີບຸນກ້ວາງ ຮອງຫົວໜ້າພະແນກ ຖວທ ແຂວງ ມີຄະນະປະທານກອງທຶນໜຶ່ງດວງໃຈບໍລິຄຳໄຊຊ່ວຍເຫຼືອສັງຄົມ, ຄະນະສູນວັດທະນະທຳເດັກ ພ້ອມດ້ວຍຫຼານນ້ອຍທີ່ມາຮ່ວມເຄື່ອນໄຫວກິດຈະກຳພາຍໃນສູນເຂົ້າຮ່ວມ.

      ເຄື່ອງທີ່ນຳມາມອບໃນຄັ້ງນີ້ ປະກອບມີຊຸດຍິງຫວຽດນາມ 5 ຊຸດ, ຊຸດຊົນເຜົາມົ້ງ 5 ຊຸດ, ເສື້ອກອງທຶນໜຶ່ງດວງໃຈ 70 ຜືນ ແລະ ເກີບ 18 ຄູ່ ນີ້ກໍ່ເພື່ອເປັນການຍົກລະດັບອີກບາດກ້າວໜື່ງ ໃນການສະແດງຂອງຫຼານນ້ອຍເຂົ້າໃນເທດສະການ ແລະ ວັນສຳຄັນຕ່າງໆຂອງຊາດ, ຂອງພັກ ໃຫ້ມີຫຼາກຫຼາຍສີສັນ ເຊິ່ງໄລຍະຜ່ານມາທາງສູນວັດທະນະທຳເດັກແຂວງໄດ້ມີຜົນງານຫຼາຍດ້ານ ທີ່ມີສ່ວນຮ່ວມໃນການຮັບໃຊ້ງານທີ່ສຳຄັນຂອງແຂວງ ເປັນຕົ້ນແມ່ນການສະແດງສີລະປະ, ວັນນະຄະດີ, ຮ້ອງເພັງ, ບົດຟ້ອນຕ່າງໆ ທີ່ຕິດພັນກັບການໂຄສະນາມູນເຊື້ອໃນວັນສຳຄັນຂອງຊາດ, ຂອງພັກ ແລະ  ເປັນການເຜີຍແຜ່ວັດທະນາທຳອັນດີງາມຂອງຊາດລາວ, ຂອງເຜົ່າໃນທ້ອງຖິ່ນ, ວິຖີຊີວິດ, ການດຳລົງຊີວິດຂອງປະຊາຊົນ ໃນແຕ່ລະທ້ອງຖິ່ນໃຫ້ສັງຄົມໄດ້ຮັບຮູ້ເຂົ້າໃຈເປັນຢ່າງດີ.