ໂດຍປະຕິບັດຕາມກົດລະບຽບກອງທຶນຊ່ວຍເຫຼືອເຊີ່ງກັນ ແລະ ກັນ ຂອງສະຫະພັນກໍາມະບານແຂວງວາງອອກ ໃນຕອນເຊົ້າຂອງວັນທີ 7 ຕຸລາ 2019 ຜ່ານມາ ພະນັກງານຫ້ອງການສະຫະພັນກໍາມະບານເມືອງ ວຽງທອງ, ແຂວງ ບໍລິຄໍາໄຊ ໄດ້ນໍາເອົາເງິນຈໍານວນ 5,300,000 ກີບ ໄປມອບໃຫ້ຄອບຄົວ ທ່ານ ຄູນ ອິນນະຈັກ ອະດີດສະມາຊິກກອງທຶນທີ່ໄດ້ເສຍຊິວິດ ໃນວັນທີ 6 ຕຸລາ 2019 ເປັນກຽດມອບຂອງ ທ່ານ ນາງ ພູວາ ຈັນທະສອນ ປະທານສະຫະພັນກໍາມະບານເມືອງ, ກ່າວຮັບແມ່ນ ທ່ານ ນາງ ຈັນທະລີ ອິນນະຈັກ ຜູ້ເປັນເມຍຂອງຜູ້ເສຍຊິວິດ, ມີອໍານາດການປົກຄອງ, ພະນັກງານທີ່ກ່ຽວຂ້ອງ ແລະ ຍາດຕິີ່ນ້ອງເຂົ້າຮ່ວມເປັນສັກຂີພິຍານ.