ໃນຕອນເຊົ້າຂອງວັນທີ 04 ຕຸລາ 2019 ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງ ບໍລິຄຳໄຊ ໄດ້ຈັດກອງປະຊຸມສະຫຼຸບວຽກງານ 9 ເດືອນ ແລະ ວາງທິດທາງແຜນການ 3 ເດືອນທ້າຍປີ 2019 ຂຶ້ນ ຢູ່ຫ້ອງປະຊຸມພະແນກຂອງຕົນ ໂດຍການເປັນປະທານຂອງທ່ານ ອຸດອນ ສອນສຸລິນ ຮັກສາການຫົວໜ້າພະແນກ ຖວທ ແຂວງ, ມີບັນດາຫົວໜ້າ, ຮອງຫົວຂະແໜງ, ແລະ ພະນັກງານວິຊາພາຍໃນພະແນກ ເຂົ້າຮ່ວມ.

          ພະແນກ ຖວທ ແຂວງ ປະກອບມີ 6 ຂະແໜງ ແລະ 6 ກອງວິຊາການທີ່ຂຶ້ນກັບ ມີພະນັກງານລັດຖະກອນທັງໝົດ 162 ຄົນ ຍິງ 66 ຄົນ, ປະກອບມີ 5 ໜ່ວຍພັກ ໃນໄລຍະ 9 ເດືອນຜ່ານມາ ຄະນະພັກພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງ ໄດ້ມີຄວາມພະຍາຍາມດ້ວຍຄວາມເປັນເຈົ້າການນຳພາສະມາຊິກພັກ, ພະນັກງານລັດຖະກອນ ເອົາໃຈໃສ່ໃນການປະຕິບັດໜ້າທີ່ວຽກງານການເຮັດໜ້າທີ່ເປັນກະບອກສຽງອັນແຫຼມຄົມ ໃນການໂຄສະນາເຜີຍແຜ່ແນວທາງນະໂຍບາຍຂອງພັກ, ລະບຽບກົດໝາຍຂອງລັດ, ປະສານສົມທົບກັບພາຍໃນ ແລະ ຕ່າງປະເທດໃນການຄຸ້ມຄອງ ເພື່ອດຶງດູດນັກທ່ອງທ່ຽວເຂົ້າມາທ່ອງທ່ຽວແຂວງບໍລິຄຳໄຊ ໃຫ້ນັບມື້ນັບຫຼາຍຂຶ້ນ ເຊິ່ງສະແດງອອກໃນຫຼາຍດ້ານ ເປັນຕົ້ນແມ່ນເຄື່ອນໄຫວສາຍຮູບເງົາໃນວັນສຳຄັນຕ່າງໆໄດ້ 4 ຄັ້ງ, ມອບໂທລະໂຄ່ງໃຫ້ບັນດາເມືອງ ຈຳນວນ 13 ຊຸດ ປະຈຸບັນ ມີລະບົບໂທລະໂຄ່ງທັງໝົດ 279 ບ້ານ ເທົ່າກັບ 95,87%, ສະຖານີວິທະຍຸ-ໂທລະພາບ ເກັບກຳຂຽນຂ່າວໄດ້ 662 ຂ່າວ, ໄດ້ຮັບຈາກພະແນກການ ແລະ ເມືອງສົ່ງໃຫ້ 307 ຂ່າວ, ສົ່ງອອກຂ່າວທາງວິທະຍຸກະຈາຍສຽງແຫ່ງຊາດໄດ້ 411 ຂ່າວ, ສົ່ງໃຫ້ໂທລະພາບແຫ່ງຊາດ 603 ຂ່າວ, ສົ່ງໃຫ້ໂທລະພາບລາວສະຕຣາແຊນແນວ 71 ຂ່າວ, ຕັດຕໍ່ ແລະ ອອກຂ່າວສື່ໂທລະພາບ 928 ຂ່າວ, ອ່ານຂ່າວອອກທາງສື່ວິທະຍຸ 927 ຂ່າວ, ອ່ານຂ່າວໜ້າໜັງສືພິມໄດ້ 480 ໃນນັ້ນ ຂ່າວຕ່າງປະເທດ 810 ຂ່າວ, ອອກທາງເຟສບຸກ ແລະ ຢູທູບ 575 ຂ່າວ, ອັບໂຫລດຂ່າວທາງເຟສບຸກ 297 ຂ່າວ, ລົງຜະລິດຂ່າວ-ບົດ ໄດ້ 36 ບົດ, ລາຍງານຂ່າວເປັນພາສາມົ້ງໃຫ້ວິທະຍຸແຫ່ງຊາດໄດ້ 76 ຂ່າວ, ພາສາກຶມມຸ 91 ຂ່າວ, ເວບໄຊ ແລະ ສຳເນົາຟີ່ມ ປັບປຸງເນື້ອໃນໜ້າເວບໄຊໃຫ້ມີຄວາມສວຍສົດງົດງາມ ມີສີສັນດີຂຶ້ນສາມາດດຶງດູດຄວາມສົນໃຈຂອງຜູ້ເຂົ້າຊົມເວບ ຈາກ 1,500 ມາເປັນ 3,000 ເທື່ອຄົນຕໍ່ວັນ, ຂຽນຂ່າວໄດ້ 547 ຂ່າວ, ໄດ້ຮັບຈາກພະແນກການສົ່ງໃຫ້ 334 ຂ່າວ, ບົດກາບກອນ-ກະວີ 48 ກອນ, ບົດໄດ້ 83 ບົດ ໃນນັ້ນ ບົດວັດທະນະທຳ 3 ບົດ, ສາລະໜ້າຮູ້ ແລະ ສຸຂະພາບ 34 ບົດ, ເສດຖະກິດ 15 ບົດ, ຕັດຕໍ່ຟີ່ມ ແລະ ປ່ຽນສັນຍານວີດີໂອເຫດການທີ່ສຳຄັນຕ່າງໆໄດ້ 8 ຄັ້ງ ແລະ ສຳເລັດການສ້າງຫ້ອງອັດເພື່ອຜະລິດຂ່າວເວັບໄຊ ແລະ ພາກສຽງສຳເນົາຟີ່ມ, ໜັງສືພິມ ຈັດພີມໜັງສືພີມ ໄດ້ 15,200 ສະບັບ, ຈຳໜ່າຍໄດ້ 10,224 ສະບັບ, ສົ່ງຂ່າວໃຫ້ໜັງສືພີມສູນກາງ 495 ຂ່າວ, ກວດແກ້ຂ່າວລົງໜັງສືພີມ 874 ຂ່າວ, ອອກໃບອະນຸຍາດໃຫ້ຜູ້ປະກອບການດ້ານວັດທະນະທຳໄດ້ 45 ຫົວໜ່ວຍ, ອະນຸຍາດສີລະປະຕ່າງປະເທດເຂົ້າມາສະແດງຢູ່ພາຍໃນແຂວງໄດ້ 7 ຄັ້ງ, ລົງຕິດຕາມການສະແດງຂອງຕ່າງປະເທດໄດ້ 6 ຄັ້ງ, ສ້າງຄອບຄົວວັດທະນະທຳ 1,318 ຄອບຄົວ ກວມ 90,89%, ຮັບຮອງບ້ານວັດທະນະທຳໄດ້ 4 ບ້ານ, ສູນວັດທະນະທຳເດັກ ໄດ້ເຄື່ອນໄຫວກິດຈະກຳວັນຈັນຫາວັນເສົາເປັນປົກກະຕິ ມີເດັກເຂົ້າມາເຄື່ອນໄຫວ 1,884 ເທື່່ອຄົນ, ນຳພາເດັກອາສາຈັດລາຍການວິທະຍຸ 2 ລາຍການ ມີ 60 ຄັ້ງ, ນຳພາສະມາຊິກສູນໄປສະແດງຮັບໃຊ້ວັນສຳຄັນຕ່າງໆພາຍໃນແຂວງໄດ້ 8 ຄັ້ງ, ມີນັກສະແດງ 352 ເທື່ອຄົນ ລວມ 29 ລາຍການ ໄປສະແດງທີ່ແຂວງບຶງການປະເທດໄທ 1 ຄັ້ງ, ພົ້ນເດັ່ນ ສູນວັດທະນະທຳເດັກໄດ້ຮັບລາງວັນຊົມເຊີຍ ຈາກການສົ່ງຮູບແຕ້ມເຂົ້າຮ່ວມແຂ່ງຂັນທີ່ປະເທດຍີ່ປຸ່ນຈຳນວນ 2 ລາງວັນ, ຫ້ອງສະໝຸດ - ຫ້ອງວາງສະແດງ ມີຜູ້ເຂົ້າມາທ່ຽວຊົມ ແລະ ອ່ານປຶ້ມ ຈຳນວນ 475 ເທື່ອຄົນ, ຢຶມປຶ້ມໄປອ່ານ 250 ຄົນ, ນອກນັ້ນ ວຽກງານແຕ່ລະດ້ານ ສາມາດປະຕິບັດໄດ້ຕາມລະດັບຄາດໝາຍທີ່ວາງໄວ້.