ໃນວັນທີ 6 ກັນຍາ 2019 ນີ້ຢູ່ສະໂມສອນຂອງເມືອງບໍລິຄັນ ໄດ້ຈັດກອງປະຊູມເຊື່ອມຊືມເອກກະສານທີ່ສໍາຄັນຂອງພັກ ໃຫ້ບັນດາພະນັກງານສໍາມະຊິກພັກທົ່ວເມືອງຂຶ້ນ, ໃຫ້ກຽດເຂົ້າຮ່ວມເປັນປະທານໂດຍທ່ານ ບູນສອນ ຄູນໄຊລິດາ ເຈົ້າເມືອງບໍລິຄັນ, ມີບັນດາຄະນະປະຈໍາພັກເມືອງ, ກໍາມະການພັກເມືອງ, ຫົວໜ້າຫ້ອງການ, ຮອງຫ້ອງການຂົງເຂດປກສ, ປກຊ ພ້ອມດ້ວຍພະນັກງານສໍາມະຊິກພັກອ້ອມຂ້າງເມືອງ ເຂົ້າຮ່ວມ.

     ເອກະສານທີ່ນໍາມາເຊື່ອມຊືມໃນຄັ້ງນີ້ ປະກອບມີ ມະຕິກອງປະຊຸມຄົບຄະນະບໍລິຫານງານສູນກາງພັກປະຊາຊົນປະຕິບັດລາວຄັ້ງທີ 8 ສະໄໝທີ 10, ມະຕິກອງປະຊູມເປີດກ້ວາງຂອງລັດຖະບານຄັ້ງທີ 1 ປີ 2019, ມະຕິກອງປະຊຸມເປີດກ້ວາງຄົບຄະນະບໍລິຫານງານພັກແຂວງບໍລິຄໍາໄຊ ຄັ້ງທີ 13 ສະໄໝທີ 6, ດໍາລັດເລກທີ 184/ລບ, ລົງວັນທີ 26 ພຶດສະພາ 2019 ວ່າດ້ວຍຈັນຍາບັນຂອງພະນັກງານລັດຖະກອນ ແລະ ຄໍາສັ່ງຂອງເຈົ້າແຂວງສະບັບເລກທີ 12/ຂບຊ, ລົງວັນທີ 7 ສິງຫາ 2019 ວ່າດ້ວຍການເພີ່ມທະວີຈັດຕັ້ງປະຕີບັດດໍາລັດຂອງລັດຖະບານກ່ຽວກັບຈັນຍາບັນຂອງພະນັກງານລັດຖະກອນ.

      ຈຸດປະສົງ ທີ່ນໍາເອົາເອກະສານມາເຊື່ອມຊືມໃນຄັ້ງນີ້ ແມ່ນເພື່ອເຮັດໃຫ້ພະນັກງານ ສໍາມະຊິກພັກ ກໍາແໜ້ນແນວທາງນະໂຍບາຍຂອງພັກ ເປັນພື້ນຖານຂອງການສ້າງລັດທີ່ປົກຄອງດ້ວຍກົດໝາຍ ເຊີ່ງແມ່ນຂະບວນວີວັດໜື່ງຂອງການບູລະນະລະບອບປະຊາທິປະໄຕປະຊາຊົນ ທີ່ຕ້ອງດໍາເນີນເປັນແຕ່ລະບາດກ້າວຢ່າງຮອບຄອບ ແລະ ໜັກແໜ້ນ ສູ່ຈຸດໝາຍສັງຄົມນິຍົມ.