ໃນວັນທີ 4 ກັນຍາ 2019 ຢູ່ຫ້ອງປະຊຸມຊັ້ນ III ຂອງຫ້ອງວ່າການປົກຄອງເມືອງວຽງທອງ ສະຫະພັນນັກຮົບເກົ່າແຂວງບໍລິຄໍາໄຊ ໄດ້ລົງມາເຜີຍແຜ່ກົດໝາຍວ່າດ້ວຍສະຫະພັນນັກຮົບເກົ່າລາວ ໂດຍເປັນກຽດເຂົ້າຮ່ວມຂອງ ທ່ານ ອາລຸນສັກ ປະທໍາມະວົງ ຄະນະປະຈໍາພັກເມືອງ, ຮອງເຈົ້າເມືອງວຽງທອງ, ທ່ານ ດວງຕາ ໄຊຍະທໍາ ປະທານສະຫະພັນນັັກຮົບເກົ່າແຂວງບໍລິຄໍາໄຊ, ມີພະນັກງານຫຼັກແຫຼ່ງຂອງເມືອງ, ສະມາຊິກສະຫະພັນນັກຮົບເກົ່າທົ່ວເມືອງ ແລະ ແຂກ ເຂົ້າຮ່ວມ.

    ສະຫາຍ ພັຕ ກິມາຍ ພຸດທະວົງ ຫົວໜ້າຂະແໜງໂຄສະນາສະຫະພັນນັກຮົບເກົ່າແຂວງໄດ້ຂຶ້ນຜ່ານກົດໝາຍສະຫະພັນນັກຮົບເກົ່າລາວກົດໝາຍສະບັບນີ້ແມ່ນກໍານົດເອົາຫຼັັກການ, ລະບຽບການ ແລະ ມາດຕະການກ່ຽວກັບການຈັດຕັ້ງ, ການເຄື່ອນໄຫວການຄຸ້ມຄອງ ແລະ ຕິດຕາມກວດກາວຽກງານຂອງສະຫະພັນນັກຮົບເກົ່າລາວ. ກົດໝາຍສະບັບນີ້ມີທັງໝົດມີ 10 ພາກ, ມີ 59 ມາດຕາ ພ້ອມດຽວກັນນີ້ ກໍ່ໄດ້ມີການທາບທາມບຸກຄະລາກອນກອງປະຊຸມໃຫຍ່ຜູ້ແທນສະຫະພັນນັກຮົບເກົ່າແຂວງບໍລິຄໍາໄຊຄັ້ງທີ່ IV ທີ່ຈະໄຂຂຶ້ນໃນຕໍ່ໜ້ານີ້.