ກອງປະຊຸມເຊື່ອມຊຶມມະຕິກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 8 ສະໄໝທີ X ໄດ້ຈັດຂຶ້ນໃນວັນທີ 8 ສິງຫາ 2019 ຢູ່ສະໂມສອນແຂວງ ໂດຍການເຜີຍແຜ່ເອກະສານຂອງ ທ່ານ ປອ ກອງແກ້ວ ໄຊສົງຄາມ ກຳມະການສູນກາງພັກ ເລຂາພັກແຂວງ ເຈົ້າແຂວງບໍລິຄຳໄຊ ມີການນຳຂັ້ນຫົວພະແນກລົງຮອດຮອງຂະແໜງ ພາຍໃນຂອງແຂວງເຂົ້າຮ່ວມ.

      ເພື່ອເຮັດໃຫ້ຄະນະພັກ, ແລະ ການນຳຂັ້ນແຂວງຄຸ້ມ ມີຄວາມຮັບຮູ້ເຂົ້າໃຈ, ກຳແໜ້ນເຊື່ອມຊຶມ ແລະ ເປັນເອກະພາບສູງ ຕໍ່ບັນດາເນື້ອໃນສຳຄັນຕ່າງໆຂອງພັກ ໃຫ້ເປັນທິດທາງວຽກງານ ແລະ ເປັນແຜນປະຕິບັດງານລະອຽດ ໃນພິທີທ່ານປະທານໄດ້ຍົກໃຫ້ເຫັນເນື້ອໃນຂອງມະຕິກອງປະຊຸມຄົບຄະນະ ຄັ້ງທີ 8 ຂອງຄະນະບໍລິຫານງານສູນກາງ ພັກສະໄໝທີ X ທີ່ໄດ້ດຳເນີນຢ່າງເປັນທາງການ ແຕ່ວັນທີ 6-14 ພຶດສະພາ 2019 ເຊິ່ງໄດ້ຄົ້ນຄ້ວາ, ປຶກສາຫາລື ແລະ ເປັນເອກະພາບ ໃນຫຼາຍເນື້ອໃນສຳຄັນເປັນຕົ້ນແມ່ນ ການແກ້ໄຂຄວາມຫຍຸ້ງຍາກທາງດ້ານເສດຖະກິດມະຫາພາກ ຕິດພັນກັບການຜັນຂະຫຍາຍມະຕິກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 7 ຕ້ອງສຸມໃສ່ການປະຕິບັດຍຸດທະສາດ ແລະ ນະໂຍບາຍພັດທະນາພື້ນຖານການຜະລິດ ລົງສູ່ລາຍລະອຽດ, ແກ້ໄຂຂັ້ນຂອດ ແລະ ຄວາມໂປ່ງໃສ ໃນການພິຈາລະນາການລົງທຶນ, ສືບຕໍ່ສະກັດກັນການຮົ່ວໄຫຼຂອງແຫຼ່ງລາຍຮັບ ຫັນໄປສູ່ທັນສະໄໝ ໃນການຄຸ້ມຄອງລາຍຮັບ-ລາຍຈ່າຍ, ແກ້ໄຂໜີ້ສິນຂອງລັດ, ປະຕິຮູບບັນດາລັດວິສາຫະກິດຢ່າງຈິງຈັງ ເນັ້ນປະສິດທິຜົນຕົວຈິງ, ຍົກລະດັບຄວາມສາມາດການຄຸ້ມຄອງ, ພັດທະນາບັນດາຄວາມອາດສາມາດອັນບົ່ມຊ້ອນຂອງຊາດ, ສ້າງຄວາມເຂັ້ມແຂງດ້ານໂຄງສ້າງຂອງພື້ນຖານເສດຖະກິດ ແລະ ຖານລາຍຮັບ,  ພ້ອມດຽວກັນມະຕິສະບັບນີ້ ຍັງໄດ້ຄົ້ນຄົ້ວ, ປຶກສາຫາລື ແລະ ເປັນເອກະພາບ ກ່ຽວກັບການພັນທະນາຊົນນະບົດ ແລະ ແກ້ໄຂຄວາມທຸກຍາກຂອງປະຊາຊົນ, ການແບ່ງຂັ້ນຄຸ້ມຄອງໃນລະບົບອົງການບໍລິຫານລັດ ແລະ ການດຳເນີນຂະດີຕາມຂະບວນການຍຸຕິທຳ ແລະ ກ່ຽວກັບໂຄງຮ່າງລາຍງານການເມືອງ ຕໍ່ກອງປະຊຸມໃຫ່ຍ ຄັ້ງທີ XI ຂອງພັກ. ກອງປະຊຸມຈະໄດ້ດຳເນີນໄປເປັນເວລາ 1 ວັນເຕັມ ເຊີ່ງຈະໄດ້ຮັບຟັງເຜີຍແຜ່ດຳລັດ 184/ລບ ວ່າດ້ວຍຈັນຍາບັນຂອງພະນັກງານ-ລັດຖະກອນ, ມະຕິກອງປະຊຸມເປີດກວ້າງຄົບຄິນະບໍລິຫານງານພັກແຂວງ ຄັ້ງທີ 13 ສະໄໝ່ທີ VI, ມະຕິຕົກລົງກອງປະຊຸມລັດທະບານເປີດກວ່າງ ຄັ້ງທີ I ປີ 2019 ແລະ ອື່ນໆ.

ຂ່າວ-ພາບ: ສີປະເສີດ