ໃນວັນທີ 8 ສິງຫາ 2019 ຢູ່ຫ້ອງປະຊຸມຫ້ອງວ່າການປົກຄອງແຂວງ ວິສາຫະກິດລວມໝູ່ບໍລິການຄີວລົດຂົນສົ່ງໂດຍສານແຂວງ ໄດ້ນຳເງິນ ຈຳນວນ 109.714.000 ກີບ ມາມອບໃຫ້ກອງທຶນໜຶ່ງດວງໃຈບໍລິຄຳໄຊຊ່ວຍເຫຼືອສັງຄົມ ເພື່ອນຳໄປພັດທະນາ, ສ້າງສາ ແລະ ຊ່ວຍເຫຼືອສັງຄົມຕໍ່ໄປ ມອບໂດຍ ທ່ານ ຄຳເກິ່ງ ແກ້ວວິວົງ ຫົວໜ້າວິສາຫະກິດລວມໝູ່ບໍລິການຄີວລົດຂົນສົ່ງໂດຍສານແຂວງ ແລະ ຮັບໂດຍ ທ່ານ ນາງ ແອງ ໄຊສົງຄາມ ປະທານກອງທຶນໜຶ່ງດວງໃຈບໍລິຄໍາໄຊຊ່ວຍເຫຼື່ອສັງຄົມ ຊ້ອງໜ້າໂດຍ ທ່ານ ປອ ກອງແກ້ວ ໄຊສົງຄາມ ເຈົ້າແຂວງບໍລິຄຳໄຊ ພ້ອມດ້ວຍສະມາຊິກທັງສອງຝ່າຍ ແລະ ແຂກຖືກເຊີນເຂົ້າຮ່ວມ. ເພື່ອເປັນການຕອບແທນຜົນງານ ແລະ ຄຸນງາມຄວາມດີ ແຂວງບໍລິຄຳໄຊໄດ້ມອບໃບກຽດຕິຄຸນໃຫ້ ວິສາຫະກິດລວມໝູ່ບໍລິການຄີວລົດຂົນສົ່ງໂດຍສານແຂວງ ໃຫ້ກຽດມອບໂດຍ ທ່ານ ປອ ກອງແກ້ວ ໄຊສົງຄາມ ແລະ ຮັບໂດຍ ທ່ານ ຄຳເກິ່ງ ແກ້ວວິວົງ.