ໃນວັນທີ່ 17 ກໍລະກົດ 2019 ນີ້ ຢູ່ສະໂມສອນຂອງບ້ານສີສະຫວາດເມືອງບໍລິຄັນ ພະແນກກະສິກໍາ ແລະ ປ່າໄມ້ ແຂວງບໍລິຄໍາໄຊ ໄດ້ເປີດຝຶກອົບຮົມເຕັກນິກການລ້ຽງສັດໃຫຍ່ໃຫ້ບັນດາບ້ານຢູ່ເມືອງບໍລິຄັນ, ໃຫ້ກຽດເຂົ້າຮ່ວມຂອງທ່ານ ຊາຍຄໍາ ກຸນນາວົງ ຮອງຫົວໜ້າພະແນກກະສິກໍາ ແລະ ປ່າໄມ້ແຂວງ, ທ່ານ ພອນປະດິດ ຈັນທະແສງ ຮອງຫົວໜ້າຫ້ອງການກະສິກໍາ ແລະ ປ່າໄມ້ເມືອງ, ມີບັນດາຄະນະຮັບພິຊອບຂັ້ນແຂວງ, ຂັ້ນເມືອງ, ຕະຫຼອດຮອດສຳມະນາກອນມາຈາກ 20 ບ້ານພາຍໃນເມືອງບໍລິຄັນ ນຳນວນ 24 ທ່ານ ຍິງ 6 ທ່ານ.

     ເອກະສານທີ່ນໍາມາຝຶກອົບຮົມໃນຄັ້ງນີ້ ປະກອບມີ ການເລືອກພໍ່-ແມ່ພັນສັດ ທີ່ມີສຸຂະພາບແຂງແຮງດີ ມີສີສັນງາມ ແລະ ຕູ້ຍດີ, ການເລືອກສະຖານທີ່ຕັ້ງຄອກສັດໃຫ້ເໜາະສົມແລະ ເປັນສະຖານທີແຫ້ງ, ການໃຫ້ອາຫານເສີມ ແລະ ແບບທໍາມະຊາດໃຫ້ແກ່ສັດ, ການຕິດຕາມ ແລະ ເຝົ້າລະວົງການແຜ່ລະບາດພະຍາດສັດທີ່ເກີດຂຶ້ນຕາມລະດູການ, ການຝຶກອົບຮົມໃນຄັ້ງນີ້ຈະໄຊ້ເວລາ 3 ວັນເຕັມຈຶ່ງຈະສຳເລັດລົງ.