ໃນຕອນບ່າຍວັນທີ 15 ກໍລະກົດ 2019 ນີ້ ທ່ານ ບຸນຍັງ ເພັງສຸວັນ ທີ່ປຶກສາໃນການພົວພັນລັດຖະບານ ແລະ ກຳມະການບໍລິຫານ ຂອງບໍລິສັດໄຟຟ້າເຂື່ອນນໍ້າເທີນ 01 ຈຳກັດ ພ້ອມດ້ວຍຄະນະ ໄດ້ນຳເອົາຄອມພິວເຕີຕັ້ງໂຕະ ຈຳນວນ 01 ຊຸດ ລວມມູນຄ່າ  4.983.000 ກີບ ມາມອບໃຫ້ ຫ້ອງສັນຕິບານ ປກສ ແຂວງບໍລິຄໄຊ, ທ່ານ ບຸນຍັງ ເພັງສຸວັນ ກ່າວວ່າ: ຍ້ອນເຫັນໄດ້ເຖິງຄວາມຂາດເຂີນ ແລະ ບໍ່ພຽງພໍທາງດ້ານອຸປະກອນຮັບໃຊ້ເຂົ້າໃນຫ້ອງການ ຈື່ງໄດ້ເອົາຄອມພິວເຕີ ຈຳນວນດັ່ງກ່າວ ມາມອບໃຫ້ ຫ້ອງສັນຕິບານ ນຳໃຊ້ເຂົ້າໃນວຽກງານວິຊາສະເພາະໃຫ້ມີຄວາມວ່ອງໄວ ແລະ ສະດວກ ສະບາຍ ຂຶ້ນກ່ວາເກົ່າ.

        ໂອກາດດຽວກັນ ທ່ານ ພັນໂທ ເຄນວອນ ລໍວັນໄຊ ຫົວໜ້າຫ້ອງສັນຕິບານ ກໍ່ໄດ້ກ່າວສະແດງຄວາມຂອບໃຈຢ່າງສູງ ຕໍ່ບໍລິສັດໄຟຟ້າເຂື່ອນນໍ້າເທີນ 01 ຈຳກັດ ທີ່ໄດ້ນຳເອົາຄອມພິວເຕີມາມອບໃຫ້ ເຊີ່ງຍາມໃດກໍ່ເຫັນໄດ້ຄວາມສຳຄັນຂອງວຽກງານປ້ອງກັນຄວາມສະຫງົບ ແລະ ຈະນຳເອົາອຸປະກອນດັ່ງກ່າວນີ້ ນຳໄປໝູນໃຊ້ເຂົ້າໃນວຽກງານວິຊາສະເພາະ ໃຫ້ເກີດປະໂຫຍດສູງສຸດ ພ້ອມທັງອວຍພອນໄຊໃຫ້ທ່ານ ບຸນຍັງ ເພັງສຸວັນ ພ້ອມດ້ວຍຄະນະ ຈົ່ງມີສຸຂະພາບແຂງແຮງປະສົບຜົນສຳເລັດໃນໜ້າທີ່ວຽກງານຕະຫຼອດໄປ.