ເພື່ອເປັນການປັບປຸງອົງການຈັດຕັ້ງພັກ ໃຫ້ມີຄວາມເຂັ້ມແຂງ-ໜັກແໜ້ນ, ວັນທີ 3-4 ກໍລະກົດ 2019 ຄະນະພັກຮາກຖານບ້ານໃຫ່ຍແກ້ວແສນຄຳ ເມືອງຄຳເກີດ ໄດ້ຈັດກອງປະຊຸມ ບັ້ນດຳເນີນຊິວີດການເມືອງຂອງຄະນະພັກຕົນຂື້ນ ຢູ່ທີ່ຫ້ອງຫ້ອງການບ້ານຂອງຕົນ ໂດຍການເປັນປະທານຂອງ ສະຫາຍ ສົມສັກ ອິນແກ້ວມະນີ ເລຂາຄະນະພັກຮາກຖານບ້ານໃຫ່ຍແກ້ວແສນຄຳ ໃຫ້ກຽດເຂົ້າຮ່ວມໂດຍ ສະຫາຍ ວິໄລ ສີສະມຸດ ຮອງເລຂາພັກເມືອງ ປະທານກວດກາພັກ-ລັດເມືອງ ມີບັນດາຄະນະປັບປຸງການຈັດຕັ້ງຂັ້ນເມືອງ ພ້ອມດ້ວຍຄະນະ, ມີສະມາຊິກພາຍໃນໜ່ວຍ ເຂົ້າຮ່ວມ.

       ໃນກອງປະຊຸມ ໄດ້ເຊື່ອມຊືມເອກະສານ ວ່າດ້ວຍຝຶກຝົນຄຸນທາດການເມືອງ ແລະ ຄຸນສົມບັດສິນທຳປະຕິວັດ, ປັບປຸງແຜນການເຮັດວຽກ ແລະ ຍົກສູງຄວາມສາມາດນຳພາຂອງຄະນະພັກແຕ່ລະຂັ້ນ ແລະ ເຊື່ອມຊືມເອກະສານກຳແໜ້ນມາດຖານຄະນະພັກ, ມາດຖານສະມາຊິກພັກ, ຂໍ້ຫ້າມຂອງສະມາຊິກພັກ, ຄວາມຮັບຜິດຊອບການເມືອງຂອງພະນັກງານນໍາພາ-ຄຸ້ມຄອງ ເພື່ອເຮັດໃຫ້ສະມາຊິກພັກພາຍໃນຄະນະພັກຮາກຖານບ້ານໃຫ່ຍແກ້ວແສນຄຳ ເມືອງຄຳເກີດ ໃຫ້ເຂົ້າໃຈຕໍ່ແນວທາງການປ່ຽນແປງໃໜ່ຂອງພັກ, ໃຫ້ຈຳແນກໄດ້ມິດ - ສັດຕູ ຢ່າງຈະແຈ້ງເພື່ອເຮັດໃຫ້ຄະນະພັກຮາກຖານບ້ານ ມີຄວາມໜັກແໜ້ນ, ເຂັ້ມແຂງ, ມີຄວາມສະຫົງບໂດຍພື້ນຖານ, ມີຄວາມສາມັກຄີຮັກແພງເປັນຈິດໜຶ່ງໃຈດຽວ ເພື່ອພ້ອມກັນກ້າວຂຶ້ນຕາມອຸດົມການຂອງພັກ ສູ່ລະບອບສັງຄົມນິຍົມ. 

     ໃນກອງປະຊຸມ ຍັງໄດ້ຜ່ານບົດລາຍງານການເມືອງ ແລະ ແຜນພັດທະນາເສດຖະກິດ - ສັງຄົງຂອງຄະນະຮາກຖານພັກ ພ້ອມທັງມີການປະກອບຄຳຄິດຄຳເຫັນ ແລະ ຕຳນິສົ່ງຂ່າວເຊີ່ງກັນ ແລະ ກັນ ເພື່ອເປັນແນວທາງ ໃນການປະຕິບັດໜ້າທີ່ສຳຄັນ ທີ່ຊາດ ແລະ ປະຊາຊົນມອບໝາຍໃຫ້.