ໃນຕອນບ່າຍຂອງວັນທີ 8 ກໍລະກົດ 2019 ຢູ່ຫ້ອງການບ້ານໃຫຍ່ນໍ້າຢ້າງ ເມືອງ ວຽງທອງ ແຂວງ ບໍລິຄໍາໄຊ ໄດ້ຈັດພິທີເປີດບັ້ນສອບເສັງຈົບຊັ້ນມັດທະຍົມສຶກສາຕອນປາຍ (ມ7) ລະບົບບໍາລຸງທົ່ວໄປ ໂດຍເປັນກຽດເຂົ້າຮ່ວມເປີດພິທີຂອງ ທ່ານ ອາຈານ ບຸນຖອງ ວົງໄຊຍະລາດ ຮອງຫົວໜ້າຫ້ອງການສຶກສາທິການ ແລະ ກິລາເມືອງວຽງທອງ, ມີຄະນະອານຸກໍາມະການຮັບຜິດຊອບການສອບເສັງຈາກຂັ້ນແຂວງ, ຂັ້ນເມືອງ, ຄູອາຈານ ແລະ ນັກສອບເສັງ ເຂົ້າຮ່ວມ.

     ການສອບເສັງຄັ້ງນີ້ ມີນັກສອບທັງໝົດ 53 ຄົນ, ຍິງ 8 ຄົນ ແບ່ງອອກເປັນ 2 ຫ້ອງເສັງ, ແຕ່ລະຫ້ອງບັນຈຸນັກສອບເສັງ 26-27 ຄົນ, ການສອບເສັງຈະເລີ່ມແຕ່ວັນທີ 9 - 10 ກໍລະກົດ 2019 ໂດຍຈະສອບເສັງ 4 ວິຊາ ຄື: ວິຊາພາສາລາວ - ວັນນະຄະດີ, ຊີວະສາດ, ຄະນິດສາດ ແລະ ພູມສາດ.