ເພື່ອເປັນການກະກຽມຕ້ານໄພແລ້ງ - ໄພຖ້ວມ ໃຫ້ທ່ວງທັນກັບສະຖານະການ ທີ່ອາດຈະເກີດຂຶ້ນໄດ້ທຸກເວລາ ໂດຍສະເພາະ ແມ່ນໄພນ້ຳຖ້ວມ ທີ່ອາດຈະເກີດຂຶ້ນໃນຊ່ວງລະດູຝົນນີ້ ໃນຕອນເຊົ້າຂອງວັນທີ 10/6/2019 ທີ່ພະແນກສາທາລະນະສຸກແຂວງບໍລິຄຳໄຊ ທາງສູນນໍ້າສະອາດ ໄດ້ນຳເຄື່ອງຈຳນວນໜຶ່ງ ມາມອບໃຫ້ພະແນກສາທາລະນະສຸກແຂວງ ເພື່ອເປັນການຮັບມືກັບໄພນ້ຳຖ້ວມທີ່ອາດຈະເກີດຂຶ້ນໃນຊ່ວງລະດູຝົນປີນີ້, ເປັນກຽດມອບ ໂດຍ ທ່ານ ປ່າງຄໍາ ອັນຍະມະນີ ຕາງໜ້າສູນນໍ້າສະອາດ ແລະ ກ່າວຮັບໂດຍ ທ່ານ ດຣ ບຸນແສງ ອັກຄະວົງ ຮອງຫົວໜ້າພະແນກສາທາລະນະສຸກແຂວງ ມີພະນັກງານຂະແໜງທີ່ກ່ຽວຂ້ອງເຂົ້າຮ່ວມ.