ໃນ​​ວັນ​ທີ 14 ພຶ​ດສະ​ພາ 2019 ຢູ່​ຫ້ອງ​ວ່າການປົກຄອງ​ເມືອງ​ປາກ​ຊັນ ທ່ານ ​ນາງ ພິນ​ທອງ ທຳ​ມະ​ວົງສາ ​ໃນ​ນາມ​ຕາງໜ້າ​ໃຫ້​ແກ່​ພະ​ແນ​ກ​ແຮງ​ງານ ​ແລະ ສັງ​ຫວັດ​ດີກາ​ນ-ສັງຄົມ​ ພ້ອມ​ດ້ວຍ​ຄະນະ ​ໄດ້​ນຳ​ເອົາ​ເຂົ້າສານ ຈຳນວນ 26 ກ່ວາ​ໂຕນ ມາ​ມອບ​ໃຫ້​ແກ່​ເມືອງ​ປາກ​ຊັນ ​ໃຫ້​ກຽດ​ຕາງ​ໜາ​ກ່າວ​ຮັບ​ໂດຍ ທ່ານ ສົມຈິດ ພົມ​ສະຫວັດ ຮອງ​ເຈົ້າ​ເມືອງ​ປາກ​ຊັນ ພ້ອມ​ດ້ວຍ​ຫ້ອງການກ່ຽວຂ້ອງ​ຂອງ​ເມືອງ​ເຂົ້າ​ຮ່ວມ.

      ​ເຂົ້າສານຈຳນວນດັ່ງກ່າວ ​ເມືອງປາກ​ຊັນ​ຈະ​ໄດ້​ຈັດ​ແບ່ງ ​ເພື່ອ​ນຳ​ໄປ​ແຈກຢາຍ​ໃຫ້​ແກ່​ປະຊາຊົນ​ທີ່​ຖືກ​ຜົນ​ກະທົບ​ຈາກ​ໄພ​ພິບັດນ້ຳ​ຖ້ວມ​ໃນ​ປີຜ່ານມາ ​​ແລະ ຄອບຄົວ​ອະນາຖາ, ທຸກ​ຫຍາ​ກ, ຂາດ​ເຂີນ ​ແລະ ປະສົບ​ກັບ​ອັກ​ຄີ​ໄພ​ຕ່າງໆ.