ໃນວັນທີ 9 ພຶດສະພາ 2019 ຢູ່ສູນການສຶກສານອກໂຮງຮຽນ ເມືອງວຽງທອງ ແຂວງບໍລິຄໍາໄຊ ໄດ້ຈັດພິທີປີດການຮຽນ-ການສອນວິຊາຊີບ ຂະແໜງຕັດຫຍິບ ຊຸດທີ IV ຂຶ້ນ ໂດຍເປັນກຽດເຂົ້າຮ່ວມຂອງ ທ່ານ ອາຈານ ປະນົມໄພ ຈັນທະວົງ ຄະນະຫ້ອງການສຶກສາທິການ ແລະ ກິລາເມືອງວຽງທອງ, ມີຄູອາຈານ, ແຂກຖືກເຊີນ ແລະ ນ້ອງນັກຮຽນ ເຂົ້າຮ່ວມ.

     ໃນພິທີ ທ່ານ ອາຈານ ອ່ອນຕ້ອຍ ໄດ້ຂຶ້ນຜ່ານບົດສະຫຼຸບໃນການຈັດຕັ້ງປະຕິບັດໄລຍະ 3 ເດືອນຜ່ານມາ ເຊີ່ງມີຄູຝຶກວິຊາຕັດຫຍິບ 4 ສະຫາຍ, ຍິງ 4 ສະຫາຍ, ຄູຝຶກເຄື່ອງຜູ້ຍິງ 2 ສະຫາຍ, ຄູຝຶກເຄື່ອງຜູ້ຊາຍ 2 ສະຫາຍ, ມີນັກຮຽນ 9 ຄົນ, ຍີງ 9 ຄົນ ໃນການສອນຄັ້ງນີ້ ນັກຮຽນຈະໄດ້ຮຽນຮູ້ອຸປະກອນກ່ຽວກັບການຕັດຫຍິບ, ການແຕ້ມແບບ ພ້ອມທັງປະຕິບັດຕົວຈິງເປັນຕົ້ນແມ່ນການຕັດໂສ້ງ, ເສື້ອ ແລະ ການຫຍິບຂັ້ນຟື້ນຖານ ເມື່ອຈົບໄປແລ້ວເຂົາເຈົ້າສາມາດຕັດຫຍິບເປັນອາຊີບໄດ້.

     ໃນພິທີ ຍັງໄດ້ມີການມອບໃບຢັ້ງຢືນໃຫ້ນັກຮຽນ ເຊີ່ງເປັນກຽດມອບໂດຍ ທ່ານ ອາຈານ ປະນົມໄພ ຈັນທະວົງ.