ພິທີປິດງານກິລາຕ້ານຢາເສບຕິດຂອງໂຮງຮຽນ ມ.ສ ສີທ່ານາໄຊ ປະຈຳສົກປີ 2018-2019 ໄດ້ຈັດຂຶ້ນໃນຕອນບ່າຍຂອງວັນທີ 09 ເມສາ 2019 ຢູ່ທີ່ເດີ່ນກິລາຂອງຕົນ ໂດຍການເຂົ້າຮ່ວມຂອງທ່ານ ອ.ຈ ຄຳພັນ ລາດຊະຈັກ ຮອງຜູ້ອຳນວຍການໂຮງຮຽນ ມສ ສີທ່ານາໄຊ ທັງເປັນປະທານຈັດງານແຂ່ງຂັນໃນຄັ້ງນີ້, ມີບັນດາແຂກຖືກເຊີນ, ຄູອາຈານ ແລະ ນ້ອງນັກຮຽນພາຍໃນໂຮງຮຽນເຂົ້າຮ່ວມ.

         

     ການຈັດການແຂ່ງກິລາປະຈຳປີໃນຄັ້ງນີ້ ແມ່ນການແຂ່ງຂັນລະຫວ່າງຫ້ອງຕໍ່ຫ້ອງໃນຂອບເຂດໂຮງຮຽນ ມ.ສ ສີທ່ານນາໄຊ ເພື່ອເປັນການສົ່ງເສີມ ແລະ ສ້າງຄວາມສົນໃຈໃຫ້ນັກຮຽນມີຄວາມສະຫງວນມັກຕໍ່ການຫຼິ້ນກິລາ ແລະ ພັດທະນາກິລາໃຫ້ມີການເຕີບໃຫຍ່ຂະຫຍາຍຕົວຢ່າງກ້ວາງຂວາງ ຫຼີກລ້ຽງການມົ້ວສຸມນຳສິ່ງເສບຕິດ ແລະ ປະກົດການຫຍໍ້ທໍ້ຕ່າງໆ, ການແຂ່ງຂັນຄັ້ງນີ້ ແມ່ນມີຄວາມເບີກບານມ່ວນຊື່ນ, ຄວາມສາມັກຄີ, ໄມຕີຈິດມິດຕະພາບ ຄວາມໝາຍຄວາມສຳຄັນ ແລະ ຮັກສາໄດ້ຄວາມເປັນລະບຽບຮຽບຮ້ອຍທຸກປະການ.

     ຜ່ານການແຂ່ງຂັນມາແຕ່ວັນທີ 05 ກຸມພາ ຫາ 02 ເມສາ 2019 ສາມາດສະຫຼຸບຜົນການແຂ່ງຂັນໄດ້ ຄື: ເຕະບານຍິງ-ຊາຍ ລຸ່ນເຍົາວະຊົນ ແຕ່ຊັ້ນ ມ.1-ມ.4 ເພດຍິງ ທີ 1 ໄດ້ແກ່ຫ້ອງ 3/1, ທີ ຫ້ອງ 2/1, ທີ 3 ຫ້ອງ 1/3, ເພດຊາຍ ໄດ້ແກ່ຫ້ອງ 4/1, ທີ 2 ຫ້ອງ 2/2, ທີ 3 ຫ້ອງ 3/3, ບານສົ່ງຍິງ-ຊາຍ ລຸ່ນຊາວໜຸ່ມ ມ.5-ມ.7 ເພດຍິງ ທີ 1 ໄດ້ແກ່ຫ້ອງ 6/3, ທີ 2 ຫ້ອງ 7/1, ທີ 3 ຫ້ອງ 7/3 ເພດຊາຍ ທີ 1 ໄດ້ແກ່ຫ້ອງ 7/1, ທີ 2 ຫ້ອງ 7/4, ທີ 3 ຫ້ອງ 6/4, ກະຕໍ້ຊາຍ ມ.5-ມ.7 ທີ 1 ໄດ້ແກ່ຫ້ອງ 7/3, ທີ 2 ຫ້ອງ 7/5, ທີ 3 ຫ້ອງ 5/2, ເຕະບານຟຸດຊໍ ຍິງ-ຊາຍ ເພດຍິງ ທີ 1 ໄດ້ແກ່ຫ້ອງ 7/4, ທີ 2 ຫ້ອງ 6/2, ທີ 3 ຫ້ອງ 7/2, ເພດຊາຍ ທີ 1 ໄດ້ແກ່ຫ້ອງ 7/3, ທີ 2 ຫ້ອງ 6/4 ແລະ ທີ 3 ເປັນຂອງຊັ້ນ ມ.ຕົ້ນ ( ມ.1-ມ.4 ).

 

    ນອກນັ້ນ ຍັງໄດ້ມີການແຂ່ງປະກວດອາຫານແຊບ ຂອງນ້ອງນັກຮຽນແຕ່ຊັ້ນ ມ1-ມ.7 ເຊິ່ງເປັນການແຂ່ງຂັນຄັ້ງທຳອິດຂອງໂຮງຮຽນ ສຳລັບປະເພດອາຫານ ແມ່ນເປັນອາຫານພື້ນບ້ານ ທີ່ນ້ອງນັກຮຽນສາມາດຊອກຫາໄດ້ດ້ວຍຕົນເອງ ແລະ ສາມາດເຮັດໄດ້ ທີ່ມີລົດຊາດແຕກຕ່າງກັນໄປ, ຜ່ານການແຂ່ງຂັນ ອາຫານທີ່ແຊບ ແລະ ຖືກໃຈຄະນະກຳມະການທີ່ສຸດ ໄດ້ແກ່ ກ້ອຍກະປອມ, ເຂົ້າໜຽວ, ໝາກມ່ວງ ແລະ ນ້ຳອັນຊັນ ຈາກຫ້ອງ7/5, ອັນດັບ 2 ໄດ້ແກ່ອາຫານ ນາລີເນື້ອຫອມ, ຕົ້ມຫວານສາມັກຄີ ( ຊຸບໝາກມີ້ ແລະ ນ້ຳຫວານ ) ຈາກຫ້ອງ 7/1 ແລະ ອັນດັບ 3 ໄດ້ແກ່ ກ້ອຍປາເຄິງ, ຂົ້ວແມງຈີນຸນ ຈາກຫ້ອງ 6/4.