​ໃນ​ຕົ້ນ​ເດືອນ​ ມີນາປີ 2019 ນີ້​ກອງພັນ​ໃຫຍ່ 642 ​ໄດ້​ຈັດ​ກອງ​ປະຊຸມ​ເຜີຍ​ແຜ່​ກົດໝາຍວ່າດ້ວຍ​ນາຍ​ທະຫານ​ກອງທັບ​ປະຊາຊົນ​ລາວ​ ສະບັບ​ປັບປຸງ ​ໂດຍ​ພາຍ​ໃຕ້​ການ​ເປັນ​ປະທານ​ ​ແລະ ​ໃຫ້​ກຽດ​ເຜີຍ​ແຜ່​ຂອງ​ທ່ານ ພັ.ອ ​ແສງ​ມະນີ​ວອນ ຄຳ​ມະນີ ​ເລຂາ​ຄະນະ​ພັກ ຫົວ​ໜ້າການ​ເມືອງກອງພັນໃຫຍ່, ມີ​ບັນດາ​ສະຫາຍ​ຄະນະ​ພັກ - ​ຄະນະ​ບັນຊາ​ ຈາກ​ພະ​ແນ​ກ, ຂະ​ແໜງ​ການ​, ກົມ​ກອງ ​ຕະຫຼອດ​ຮອດ​ນາຍ​ທະຫານ​ຂັ້ນ ຮ.ອ ຂຶ້ນ​ໄປ ​ເຂົ້າ​ຮ່ວມຮັບຟັງ.

         

       ​​ທ່ານ ພັ.ອ ​ແສງ​ມະນີ​ວອນ ຄຳ​ມະນີ ​​ໄດ້​ຜ່າ​ນ​ກົດໝາຍວ່າດ້ວຍນາຍທະຫານສະບັບ​ປັບປຸງ ​ທີ່ໄດ້ປະກາດ​ໃຊ້​ ປີ 2016 ເຊິ່ງຈຸດປະສົງ​ໃນ​ການເຜີຍແຜ່ຄັ້ງນີ້ ກໍເພື່ອໃຫ້ນາຍທະຫານ ເຫັນ​ໄດ້​ບັນດາ​ຫຼັກການ ​ແລະມາດ​ຕະການ​ກ່ຽວ​ກັບ​ການຈັດ​ຕັ້ງ​ປະຕິບັດ​ໜ້າ​ທີ່​ວຽກ​ງານ​ຂອງ​ຕົນ, ຮັບປະກັນ​ໃນ​ການ​ກໍ່ສ້າງ, ຄຸ້ມ​ຄ້ອງນຳພາ - ​ບັນຊາ ​ແລະ ຕິດຕາມ​ກວດກາ​ການ​ເຄື່ອນ​ໄຫວ​ວຽກ​ງານ​ໃຫ້​ມີ​ຄຸນ​ນະພາ​ບ,​ເຮັດ​ໃຫ້​ນາຍ​ທະຫານ​ໃນ​ກອງທັບ​ມີ​ຄວາມ​ໜັກ​ແໜ້ນ​ທາງ​ດ້ານ​ການ​ເມືອງ, ​ເຂັ້ມ​ແຂງ​ດ້ານ​ການຈັດ​ຕັ້ງ​, ມີ​ລະບຽບ​ວິ​ໄນ​ເຂັ້ມ​ງວດ, ​ແບບ​ແຜນ​ເຮັດວຽກທັນ​ສະ​ໄໝ ເພື່ອພ້ອມທີ່ຈະ​ປະກອບສ່ວນ​ເຂົ້າ​ໃນ 02 ໜ້າ​ທີ່​ຍຸດ​ທະ​ສາດ​ຂອງ​ຊາດ ​ແລະ ​ເຮັດ​ສຳ​ເລັດ​ໜ້າ​ທີ່​ຕາມ​ການຈັດ​ຕັ້ງ​ພັກ - ​ລັດ ​ແລະປະຊາຊົນ​ມອບ​ໝາຍ​ໃຫ້.

          ໃນຕອນທ້າຍຂອງພິທີ ຍັງໄດ້ປະກາດເລື່ອນຊັ້ນ ແລະ ທຽບຊັ້ນໃຫ້ນາຍທະຫານຈຳນວນ 06 ສະຫາຍ ຄື : ເລື່ອນ ຮ້ອຍເອກ ຂຶ້ນ ພັນຕີ 02 ສະຫາຍ, ເລື່ອນ ຮ້ອຍໂທ ຂຶ້ນ ຮ້ອຍເອກ 02 ສະຫາຍ ແລະ ທຽບຊັ້ນຮ້ອຍໂທ 02 ສະຫາຍ.