ໃນວັນທີ 12 ມີນາ 2019 ຢູ່ສະໂມສອນຂອງເມືອງບໍລິຄັນ ໄດ້ຈັດກອງປະຊຸມເຊື່ອມຊືມມະຕິຂອງຄະນະບໍລິຫານງານສູນກາງພັກປະຊາຊົນປະຕິບັດລາວ ວ່າດ້ວຍການເພີ່ມທະວີການນໍາພາແກ້ໄຂຄວາມຫຍຸ້ງຍາກດ້ານເສດຖະກີດ - ການເງິນ ແລະ ສ້າງຄວາມເຂັ້ມແຂງຂອງການຄຸ້ມຄອງມະຫາພາກ ໃຫ້ກຽດເຊື່ອມຊືມຂອງທ່ານ ບຸນຄໍາ ໄຊເຍຍລໍວື່ ຄະນະປະຈໍາພັກແຂວງ ປະທານກວດກາພັກ-ລັດແຂວງ, ມີຄະນະປະຈໍາພັກເມືອງ, ກໍາມະການພັກເມືອງ, ມີບັນດາພະນັກງານຮາກຖານການເມືອງຂັ້ນແຂວງ, ຂັ້ນເມືອງ, ຫົວໜ້າຫ້ອງການ, ຮອງຫ້ອງການ, ກໍາລັງ ປກສ, ປກຊ ພ້ອມດ້ວຍພະນັກງານສໍາມະຊິກພັກທົ່ວເມືອງ ເຂົ້າຮ່ວມ.

 

   ທ່ານ ບຸນຄໍາ ໄຊເຍຍລໍວື່ ໄດ້ຍົກໃຫ້ເຫັນເຖິງການເພີ່ມທະວີການນໍາພາແກ້ໄຂຄວາມຫຍຸ້ງຍາກດ້ານເສດະກິດ - ການເງິນ ແລະ ສ້າງຄວາມເຂັ້ມແຂງຂອງການຄຸ້ມຄອງມະຫາພາກຄຸ້ມຄອງລັດ ຄຸ້ມຄອງສັງຄົມດ້ວຍກົດໝາຍເປັນພື້ນຖານຂອງການສ້າງລັດທີ່ປົກຄອງດ້ວຍກົດໝາຍ ເຊີ່ງແມ່ນຂະບວນວິວັດໜຶ່ງຂອງການບູລະນະລະບອບປະຊາທິປະໄຕປະຊາຊົນ ທີ່ຕ້ອງດໍາເນີນເປັນແຕ່ລະບາດກ້າວ ຢ່າງຮອບຄອບ ແລະ ໜັກແໜ້ນສູ່ຈຸດໝາຍສັງຄົມນິຍົມ, ຮັບປະກັນນໍາພາກໍ່ສ້າງ ປັບປຸງກົດໝາຍ, ນິຕິກໍາໃຕ້ກົດໝາຍ ໃຫ້ຄົບຖ້ວນເປັນລະບົບສອດຄ່ອງກັບວິຊາການ ຕາມຫຼັກການວິທະຍາສາດ ແລະ ສາມາດຈັດຕັ້ງປະຕິບັດໄດ້ເປັນພື້ນຖານໃຫ້ແກ່ການປົກຄອງອົງການອໍານາດລັດຂັ້ນຕ່າງໆ, ຕ້ອງມີຄວາມເຂັ້ມແຂງ ສາມາດປະຕິບັດບົດບາດສິດ ແລະ ໜ້າທີ່ຂອງຕົນຢ່າງຖືກຕ້ອງຄົບຖ້ວນເຕັມສ່ວນ ຕາມລັດຖະທໍາມະນູນ ແລະ ກົດໝາຍ, ມີຄວາມໂປ່ງໃສໃນການບໍລິການຮັບໃຊ້ປະຊາຊົນພົນລະເມືອງລາວທຸກຄົນ, ຕ້ອງມີຄວາມສະເໜີພາບຕໍ່ໜ້າກົດໝາຍ ມີສະຕິເປັນເຈົ້າເຄົາລົບ ແລະ ປະຕິບັດກົດໝາຍ ທັງນັ້ນ ກໍ່ເພືອເຮັດໃຫ້ເສດຖະກິດມີການຂະຫຍາຍຕົວຢ່າງຕໍ່ເນື່ອງ ຍົກສູງຊີວິດການເປັນຢູ່ຂອງພໍ່ແມ່ປະຊາຊົນບັນດາເຜົ່າໃຫ້ສູງຂື້ນເປັນກ້າວໆ.