ກອງປະຊຸມສະຫຼຸບວຽກງານ 06 ເດືອນ ທ້າຍປີ 2018 ຂອງຮາກຖານພັກ ປກສ ເມືອງປາກຊັນ ແຂວງ ບໍລິຄໍາໄຊ ໄດ້ຈັດຂຶ້ນ ໃນຕອນເຊົ້າ ວັນທີ 01 ກຸມພາ 2019 ຢູ່ທີ່ຫ້ອງປະຊຸມຂອງ ປກສ ເມືອງ ປາກຊັນ, ໂດຍການເປັນປະທານຂອງ ສະຫາຍ ພັນໂທ ຄໍາຜັນ ພົມມະຈັນ ເລຂາຄະນະພັກຮາກຖານ, ຫົວໜ້າກອງບັນຊາການ ປກສ ເມືອງ, ມີ ຄະນະພັກກອງບັນຊາການ, ເລຂາ - ຄະນະໜ່ວຍພັກ ຕະຫຼອດຮອດສະມາຊິກພັກສົມບູນ - ສໍາຮອງ ເຂົ້າຮ່ວມ.

         

     ສະຫາຍ ພັນຕີ ບຸນປອນ ພິມມະສອນ ຮອງເລຂາໜ່ວຍພັກຫ້ອງການ ໄດ້ຂຶ້ນຜ່ານບົດສະຫຼຸບ 06 ເດືອນທ້າຍປີ 2018 ຂອງຄະນະພັກຮາກຖານ ປກສ ເມືອງ ປາກຊັນ ພ້ອມທັງທິດທາງແຜນການ 06 ເດືອນຕົ້ນ ປີ 2019 ເຊິ່ງໄດ້ຍົກໃຫ້ເຫັນຜົນສຳເລັດໃນການຈັດຕັ້ງ - ນໍາພາ ວຽກງານການເມືອງ - ແນວຄິດ ໃຫ້ສະມາຊິກພັກ - ພະນັກງານນັກຮົບ ນໍາພາເຊື່ອມຊືມແນວທາງນະໂຍບາຍຂອງພັກ - ລັດ, ນິຕິກໍາຕ່າງໆຈາກຂັ້ນເທິງຢ່າງເປັນປົກະຕິ ເພື່ອແນ່ໃສ່ເຮັດໃຫ້ສະມາຊິກພັກ - ພະນັກງານນັກຮົບ ມີຄຸນທາດການເມືອງໜັກແໜ້ນ, ມີຄວາມຈົງຮັກພັກດີຕໍ່ອຸດົມການຂອງພັກ, ຊື່ສັດບໍລິສຸດຕໍ່ຊາດ ແລະ ປະຊາຊົນ, ໃນໄລຍະຜ່ານມາສາມາດສະເໜີມະຫາຊົນກ້າວໜ້າເຂົ້າຮຽນສະໜັບສະໜູນ, ຮຽນລະບຽບພັກໄດ້ ຈໍານວນ 10 ສະຫາຍ, ຮັບມະຫາຊົນກ້າວໜ້າເຂົ້າເປັນສະມາຊິກພັກສຳຮອງ 14 ສະຫຍ, ຍິງ 05 ສະຫາຍ, ເລື່ອນສະມາຊິກພັກສຳຮອງຂຶ້ນສົມບຸນ 06 ສະຫາຍ, ຍິງ 02 ສະຫາຍ, ສະເໜີເລື່ອນຊັ້ນໃຫ້ພະນັກງານ - ນັກຮົບໄດ້ 27 ສະຫາຍ, ຍິງ 06 ສະຫາຍ,  ຮັບ ແລະ ເບີກຈ່າຍເງິນເດືອນ, ເງິນບໍລິຫານຕ່າງໆ ໄດ້ 144 ຄັ້ງ,  ອອກໃບແຈ້ງເຮັດພັດສະປອດ 83 ສະບັບ, ກວດເອກະສານຄົນລາວແຕ່ງດອງກັບຄົນຕ່າງປະເທດ ໄດ້ 81 ສະບັບ, ມີຄະດີອາຍາ ເກີດຂື້ນທັງໝົດ 40 ເລື່ອງ, ແກ້ໄຂໄດ້ 29 ເລື່ອງ, ກັກຕົວຜູ້ກະທໍາຜິດໄດ້ 41 ຄົນ, ຍິງ 03 ຄົນ, ເກັບກູ້ຂອງກາງປະເພດຢາບ້າ ໄດ້ຈໍານວນ 2.841 ເມັດ ແລະ ຂອງກາງປະເພດອື່ນໆອີກຈໍານວນໜື່ງ, ອຸບັດຕິເຫດເກີດຂຶ້ນທັງໝົດ 27 ເລື່ອງ, ບາດເຈັບ 57 ຄົນ, ຍິງ 01 ຄົນ, ພາຫະນະເປ່ເພ 52 ຄັນ, ໄດ້ເປີດກອງປະຊຸມຮ່ວມກັບ ປກສ ກຸ່ມບ້ານ, ປກສ ບ້ານ ແລະ ນາຍບ້ານ ຈໍານວນ 54 ບ້ານ ເພື່ອຄົ້ນຄວ້າປຶກສາຫາລືກ່ຽວກັບພົນລະເມືອງທີ່ຍົກຍ້າຍ, ຕັ້ງພູມລໍາເນົາທີ່ບໍ່ຖືກຕ້ອງ, ສ່ວນວຽກງານດ້ານອື່ນໆ ແມ່ນໄດ້ຮັບໝາກຜົນຕາມລະດັບຄາດໝາຍ.