ກອງປະຊຸມໃຫຍ່ໜ່ວຍພັກບ້ານຫີນໂງ່ນ ເມືອງບໍລິຄັນ ຄັ້ງທີ 6 ໄດ້ໄຂຂຶ້ນໃນວັນທີ 6 ກຸມພາ 2019 ໂດຍການເປັນປະທານຂອງສະຫາຍ ສູນທອນ ຈິດມະນີ ເລຂາໜ່ວຍພັກບ້ານຫີນໂງ່ນ, ເປັນກຽດເຂົ້າຮ່ວມ ຂອງສະຫາຍ ວັນເລີນ ປຸ້ຍໄມນີ ຮອງເລຂາພັກເມືອງ ຮອງເຈົ້າເມືອງບໍລິຄັນ ພ້ອມດ້ວຍພະນັກງານກໍ່ສ້າງຮາກຖານການເມືອງເຂດພູຄໍາ, ມີແຂກຖືກເຊີນ ແລະ ຜູ້ແທນສົມບູນ ເຂົ້າຮ່ວມ.

 

    ໃນພິທີ ສະຫາຍ ສູນທອນ ຈິດມະນີ ເລຂາພັກບ້ານໄດ້ຂຶ້ນຜ່ານບົດລາຍງານການເມືອງ ໂດຍໄດ້ຍົກໃຫ້ເຫັນດ້ານດີ ທີ່ໜ່ວຍພັກ ສະມາຊິພັກປະຕິບັດໄດ້ໃນໄລຍະຜ່ານມາ, ພ້ອມນັ້ນ ກໍ່ໄດ້ທົບທວນຄືນດ້ານອອ່ນ ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ ເພື່ອຈະໄດ້ພ້ອມກັນແກ້ໄຂໃນຕໍ່ໜ້າ. ພາຍຫລັງຄະນະພັກຊຸດເກົ່າອຳລາໜ້າທີ່ ກອງປະຊຸມ ກໍໄດ້ດຳເນີນການປ່ອນບັດເລືອກຕັ້ງເອົາຄະນະພັກຊຸດໃໝ່ ໂດຍມີຜູ້ສະໝັກເລືອກຕັ້ງ 5 ສະຫາຍ ໃນນັ້ນ ເລືອກໄດ້ 3 ສະຫາຍ, ກອງປະຊຸມຄັ້ງປະຖົມມະລຶກ ຕົກລົງເລືອກເອົາສະຫາຍ ສູນທອນ ຈິດມະນີ ເປັນເລຂາໜ່ວຍພັກ, ສະຫາຍ ຈອມໃຈ ຄຸນໄມມະຢົງ ໄຊຍະວົງ ເປັນຮອງເລຂາ ແລະ ສະຫາຍ ຄໍາໄຕ ພົມມາລາ ເປັນຄະນະພັກທັງເປັນຜູ້ກວດກາໜ່ວຍພັກ.

    ຕອນທ້າຍ ໄດ້ຮັບຟັງການໂອ້ລົມຈາກສະຫາຍ ວັນເລີນ ປຸ້ຍໄມນີ ຮອງເຈົ້າເມືອງບໍລິຄັນ ເຊິ່ງກ່ອນອື່ນ ສະຫາຍໄດ້ຍ້ອງຍໍຜົນງານຂອງຄະນະພັກ ສະມາຊິກພັກທີ່ຊີ້ນໍາ - ນໍາພາບ້ານໃຫ້ມີຄວາມສະຫງົບໂດຍພື້ນຖານ ແລະ ໄດ້ຮຽກຮ້ອງມາຍັງຄະນະພັກຊຸດໃໝ່ ຈົ່ງສືບຕໍ່ຊີ້ນຳ ນຳພາສະມາຊິພັກ ໂດຍເນັ້ນຄວາມສາມັກຄີເປັນເອກະພາບພາຍໃນພັກເປັນບັນຫາສຳຄັນ, ເອົາໃຈໃສ່ຊີ້ນຳວຽກງານ ປກສ - ປກຊ ເຮັດໃຫ້ບ້ານມີຄວາມສະຫງົບໂດຍພື້ນຖານ,  ຈາກນັ້ນກໍ່ໄດ້ເປີດກອງປະຊຸມໃຫຍ່ເລືອກຕັ້ງນາຍບ້ານຫີນໂງ່ນ ເຊິ່ງຜົນຂອງການປ່ອນບັດແມ່ນເລືອກໄດ້ທ່ານ ສູນທອນ ຈິດມະນີ ເປັນນາຍບ້ານ, ທ່ານ ຈອມໃຈ ຄຸນໄມມະຢົງ ໄຊຍະວົງ ເປັນຮອງ ( 1 ) ແລະ ທ່ານ ເຈ້ຍຄ້າ ວ່າງ ເປັນຮອງນາຍບ້ານ ( 2 ).