ກອງບັນຊາການ ປກສ ແຂວງ ບໍລິຄໍາໄຊ ໄດ້ຈັດຕັ້ງເຜີຍແຜ່ເຊື່ອມຊືມເອກະສານ ສຶກສາອົບຮົມການເມືອງ - ແນວຄິດ ເພື່ອກະກຽມດໍາເນີນກອງປະຊມໃຫຍ່ຂອງພັກ 03 ຂັ້ນ ໄດ້ຈັດຂຶ້ນ ໃນຕອນເຊົ້າ ວັນທີ 08 ມັງກອນ 2019 ໂດຍການໃຫ້ກຽດເຂົ້າຮ່ວມ ແລະ ເຜີຍແຜ່ເອກະສານຂອງ ທ່ານ ພັນໂທ ຜາຂົງ ດອກມະນີຈັນ ແລະ ທ່ານ ພັນໂທ ທອງໄຫຼ ໄຊຍະລາດ ຄະນະພັກ, ຮອງຫົວໜ້າກອງບັນຊາການ ປກສ ແຂວງ, ມີຄະນະພັກ, ສະມາຊິກພັກ, ພະນັກງານຫຼັກແຫຼ່ງ, ພະນັກງານ - ນັກຮົບເຂົ້າຮ່ວມເຊື່ອມຊືມ.

         

     ໃນພິທີ ຜູ້ເຂົ້າຮ່ວມ ໄດ້ຮັບຟັງການເຜີຍແຜ່ ແລະ ບັນລະຍາຍເອກະສານທີ່ສໍາຄັນ ຄື: ເອກະສານເສີມຂະຫຍາຍມູນເຊື້ອ ແລະ ຄວາມສາມັກຄີເອກະພາບພາຍໃນພັກ, ເອກະສານຍົກສູງຄວາມສາມາດນໍາພາ ແລະ ຄວາມເປັນແບບຢ່າງນໍາໜ້າຂອງສະມາຊິກພັກ, ເອກະສານຕັ້ງໜ້າຝຶກຝົນຫຼໍ່ຫຼອມຄຸນທາດການເມືອງ ແລະ ຄຸນສົມບັດສິນທໍາປະຕິວັດ. 

    ການນໍາເອົາເອກະສານການເມືອງ - ແນວຄິດ ມາຈັດຕັ້ງເຜີຍແຜ່ເຊື່ອມຊືມໃນຄັ້ງນີ້ ກໍ່ເພື່ອແນ່ໃສ່ຍົກລະດັບຄວາມຮັບຮູ້, ຄວາມເຂົ້າໃຈຂອງສະມາຊິກພັກ, ພະນັກງານ - ນັກຮົບ ກ່ຽວກັບເນື້ອໃນມະຕິກອງປະຊຸມໃຫຍ່ ຄັ້ງທີ x ຂອງພັກໃຫ້ເລິກເຊິ່ງ ໂດຍສະເພາະແມ່ນການເສີມຂະຫຍາຍມູນເຊື້ອ ແລະ ຄວາມສາມັກຄີເປັນເອກະພາບພາຍໃນພັກ ທັງເປັນການຍົກສູງຄວາມສາມາດນໍາພາ ແລະ ເປັນແບບຢ່າງນໍາໜ້າຂອງພັກ, ຕັ້ງໜ້າຝຶກຝົນຫຼໍ່ຫຼອມດ້ານຄຸນທາດການເມືອງ, ຄຸນສົມບັດສິນທໍາປະຕິວັດ ເພື່ອເຮັດໃຫ້ການຈັດຕັ້ງພັກມີຄວາມປອດໃສ, ເຂັ້ມແຂງ, ໜັກແໜ້ນ ສືບຕໍ່ເຮັດສໍາເລັດໜ້າທີ່ການເມືອງໃນເງື່ອນໄຂປະຈຸບັນ ໃຫ້ມີຜົນສໍາເລັດເປັນຢ່າງດີ. 

    ໂອກາດດັ່ງກ່າວ ຄະນະປະທານຍັງໄດ້ເນັ້ນໜັກໃຫ້ຄະນະພັກ, ຄະນະບັນຊາ, ພະນັກງານຫຼັກແຫຼ່ງ, ສະມາຊິກພັກ, ພະນັກງານນັກຮົບທຸກສະຫາຍ ຈົ່ງນໍາເອົາເນື້ອໃນເອກະສານທີ່ໄດ້ຮໍ່າຮຽນເຊື່ອມຊືມໃນຄັ້ງນີ້ ໄປໝຸນໃຊ້ເຂົ້າໃນວຽກງານຕົວຈິງ ໂດຍສະເພາະແມ່ນການກະກຽມດໍາເນີນກອງປະຊຸມໃຫຍ່ຂອງພັກ 03 ຂັ້ນ ໃຫ້ຖືກຕ້ອງຕາມລະບຽບຂອງພັກປະຊາຊົນປະຕິວັດລາວວາງອອກໃ ຫ້ໄດ້ຮັບຜົນສໍາເລັດຢ່າງມີປະສິດທິພາບສູງ.