ຕອນເຊົ້າ ວັນທີ 07 ມັງກອນ 2019 ນີ້ ກອງບັນຊາການ ປກສ ແຂວງ ບໍລິຄໍາໄຊ ໄດ້ຈັດພິທີ ປະກາດຊັບຊ້ອນນາຍຕຳຫຼວດທີ່ສໍາເລັດການສຶກສາມາໃຫມ່ ແລະ ກໍາລັງທົດແທນເພື່ອບັນຈຸເຂົ້າໃນວຽກງານວິຊາສະເພາະຂອງບັນດາຫ້ອງ, ກອງ, ຄ້າຍຄຸມຂັງ - ດັດສ້າງ, ໂຮງຮຽນ ປກສ ຊັ້ນຕົ້ນ ເລກ 04 ແລະ ປກສ ເມືອງ ທີ່ຂື້ນກັບກອງບັນຊາການ ປກສ ແຂວງ ບໍລິຄໍາໄຊ, ໂດຍໃຫ້ກຽດເຂົ້າຮ່ວມຂອງທ່ານ ພັນໂທ ອານົງ ພະບາດໄຊ ຫົວໜ້າ ຫ້ອງການເມືອງ ປກສ ແຂວງ, ມີບັນດາຫົວໜ້າ, ຄະນະຫ້ອງ, ກອງ, ຄ້າຍຄຸມຂັງ - ດັດສ້າງ, ໂຮງຮຽນ ປກສ ຊັ້ນຕົ້ນ ເລກ 04, ປກສ ເມືອງ, ພ້ອມດ້ວຍນາຍຕໍາຫຼວດທີ່ສໍາເລັດການສຶກສາມາໃໝ່ ແລະ ກໍາລັງທົດແທນ ເຂົ້າຮ່ວມ.

          ໂດຍປະຕິບັດຕາມຂໍ້ຕົກລົງຂອງກອງບັນຊາການ ປກສ ແຂວງ ບໍລິຄໍາໄຊ ສະບັບ ເລກທີ່ 7552/ປກສ ຂ ລົງວັນທີ 31 ທັນວາ 2018 ວ່າດ້ວຍການຊັບຊ້ອນນາຍຕຳຫຼວດທີ່ສໍາເລັດການສຶກສາມາໃໝ່ ແລະ ກໍາລັງທົດແທນ ຈຳນວນ 69 ສະຫາຍ, ຍິງ 16 ສະຫາຍ, ໃນນີ້ ສໍາເລັດການສຶກສາ ປະລິນຍາຕີ ຈາກ ສສ ຫວຽດນາມ ຈໍານວນ 02 ສະຫາຍ,  ສໍາເລັດການສຶກສາ ຈາກໂຮງຮຽນ ປກສ ຊັ້ນກາງ ເລກ 02 ແຂວງ ສະຫວັນນະເຂດ ຈຳນວນ 31 ສະຫາຍ, ຍິງ 01 ສະຫາຍ ແລະ ກຳລັງທົດແທນ ຈໍານວນ 36 ສະຫາຍ, ຍິງ 15 ສະຫາຍ.

      ໄດ້ບັນຈຸຊັບຊ້ອນໃຫ້ປະຈໍາການຢູ່ ຫ້ອງການເມືອງ 01 ສະຫາຍ, ຫ້ອງການ ກອງບັນຊາການ 03 ສະຫາຍ, ຫ້ອງສັນຕິບານ 07 ສະຫາຍ, ຍິງ 02 ສະຫາຍ, ຫ້ອງຕໍາຫຼວດ 09 ສະຫາຍ, ຍິງ 02 ສະຫາຍ, ຫ້ອງຄຸ້ມຄອງສໍາມະໂນຄົວ ແລະ ກໍ່ສ້າງຮາກຖານ 05 ສະຫາຍ, ຍິງ 04 ສະຫາຍ, ຫ້ອງພະລາທິການ 07 ສະຫາຍ, ຍິງ 01 ສະຫາຍ, ຄ້າຍຄຸມຂັງ-ດັດສ້າງ 03 ສະຫາຍ, ຫ້ອງ 504 ຈໍານວນ 02 ສະຫາຍ, ໂຮງຮຽນ ປກສ ຊັ້ນຕົ້ນ ເລກ 04 ຈຳນວນ 04 ສະຫາຍ, ຍິງ 02 ສະຫາຍ, ກອງພັນປ້ອງກັນເຄື່ອນທີ່ ຈໍານວນ 03 ສະຫາຍ, ປກສ ເມືອງ ປາກຊັນ 04 ສະຫາຍ, ຍິງ 01 ສະຫາຍ, ປກສ ເມືອງ ບໍລິຄັນ 03 ສະຫາຍ, ຍິງ 02 ສະຫາຍ, ປກສ ເມືອງ ທ່າພະບາດ 02 ສະຫາຍ,  ປກສ ເມືອງ ປາກກະດິງ 04 ສະຫາຍ, ປກສ ເມືອງ ຄໍາເກີດ 05 ສະຫາຍ, ປກສ ເມືອງ ວຽງທອງ  04 ສະຫາຍ, ຍິງ 01 ສະຫາຍ, ປກສ ເມືອງ ໄຊຈໍາພອນ 03 ສະຫາຍ.

          ຕອນທ້າຍ ທ່ານ ພັນໂທ ອານົງ ພະບາດໄຊ ຫົວໜ້າຫ້ອງການເມືອງ ປກສ ແຂວງ ໄດ້ໃຫ້ກຽດໂອ້ລົມ ແລະ ໃຫ້ທິດຊີ້ນໍານາຍຕຳຫຼວດທີ່ສໍາເລັດການສຶກສາມາໃໝ່ ແລະ ກໍາລັງທົດແທນ ທີ່ໄດ້ຮັບການຊັບຊ້ອນບັນຈຸເຂົ້າໃນວຽກງານວິຊາສະເພາະໃນຄັ້ງນີ້ ຈົ່ງພ້ອມກັນນໍາເອົາຄວາມຮູ້ຄວາມສາມາດທີ່ຕົນໄດ້ຮໍ່າຮຽນມາໄປໜຸນໃຊ້ເຂົ້າໃນວຽກງານວິຊາສະເພາະທີ່ຕົນຮັບຜິດຊອບໃຫ້ໄດ້ຮັບຜົນສໍາເລັດ, ຕັ້ງໜ້າຝຶກຝົນຫຼໍ່ຫຼອມຕົນເອງໃຫ້ກາຍເປັນກໍາລັງ ທີ່ມີຄວາມໜັກແໜ້ນທາງດ້ານການເມືອງ - ແນວຄິດ, ເຂັ້ມແຂງທາງດ້ານການຈັດຕັ້ງ ແລະ ມີລະບຽບວິໄນເຂັ້ມງວດ ເພື່ອຮັບໃຊ້ຊາດ, ຮັບໃຊ້ປະຊາຊົນຢ່າງແທ້ຈິງ.