ໃນວັນທີ 3 ມັງກອນ 2019 ຜ່ານມາ ຢູ່ທີ່ຫ້ອງປະຊຸມຊັ້ນ III ຫ້ອງວ່າການປົກຄອງເມືອງ ວຽງທອງ ແຂວງ ບໍລິຄຳໄຊ ໄດ້ຈັດພິທີປິດສະຫຼຸບຊຸດອົບຮົມທິດສະດີການເມືອງ - ການປົກຄອງໄລຍະສັ້ນ 10 ວັນ ໂດຍການເຂົ້າຮ່ວມ ຂອງທ່ານ ວົງສີ ທອງສີອີນທິປັນຍາ ກຳມະການພັກແຂວງ, ເລຂາພັກເມືອງ, ເຈົ້າເມືອງວຽງທອງ.

     

     ຊຸດອົບຮົມທິດສະດີການເມືອງ - ການປົກຄອງໄລຍະສັ້ນ 10 ວັນ ຊຸດທີ VI ຂອງແຂວງ ແລະ ຊຸດທີ I ຂອງເມືອງວຽງທອງ ໄດ້ດຳເນີນມາແຕ່ວັນທີ 25 ທັນວາ 2018 - 3 ມັງກອນ 2019 ເປັນການຝຶກອົບຮົມໃຫ້ແກ່ເລຂາພັກບ້ານ-ນາຍບ້ານ ເຊີ່ງມີບຸກຄະລາກອນເຂົ້າຮ່ວມ 42 ສະຫາຍ, ຍິງ 1 ສະຫາຍ,  ວິຊາທີ່ນຳມາດຳເນີນການຮຽນ - ການສອນໃນຄັ້ງນີ້ ມີ 3 ກຸ່ມວິຊາ, ມີ 20 ບົດ ແລະ ມີ 70 ຊົ່ວໂມງຮຽນ ເຊິ່ງສຳມະນາກອນແຕ່ລະສະຫາຍລ້ວນແຕ່ມີຄວາມຮັບຜິດຊອບສູງຕໍ່ການຄົ້ນຄວ້າຮໍ່າຮຽນ ເຫັນໄດ້ຈາກຄວາມເປັນເຈົ້າການໃນການເຂົ້າຮ່ວມດ້ວຍຄວາມກະຕືລືລົ້ນ, ຄາດໝາຍວ່າ ຜູ້ເຂົ້າຮ່ວມໃນຄັ້ງນີ້ ຈະນຳເອົາບົດຮຽນ ແລະ ຄວາມຮູ້ຕ່າງໆ ໄປນຳໃຊ້ໃນວຽກງານຕໍ່ໜ້າ ຕາມຄວາມຮັບຜິດຊອບຂອງຕົນ ໃຫ້ເກີດດອກອອກຜົນສູງທີ່ສຸດ.