​ການ​ຝຶກ​ອົບ​ຮົມ​ເພີ່ມ​ທັກ​ສະ​ໃນ​ການ​ນຳ​ໃຊ້​ຄອມ​ພີວ​ເຕີ​ໃຫ້​ເປົ້າ​ໝາຍແຜນ​ງານ​ລາວ 030 ແຂວງ​ບໍ​ລິ​ຄຳ​ໄຊ ໄດ້​ຈັດ​ຂຶ້ນ​ໃນ​ວັນ​ທີ 6-8 ​ພະ​ຈິກ 2018 ນີ້ ຢູ່​ພະ​ແນກ​ແຜນ​ກາ​ນ-ການ​ລົງ​ທຶນ​ແຂວງ, ໂດຍ​ການ​ເຂົ້າ​ຮ່ວມ ແລະ ກ່າວ​ຈຸດ​ປະ​ສົງ​ຂອງ​ ທ່ານ ປ​ຣະ​ສົງ ຈັນ​ທະ​ຄາດ ທີ່​ປຶກ​ສາ ສາ​ກົນ​ແຜນ​ງານ​ພັດ​ທະ​ນາ​ທ້ອງ​ຖິ່ນ(ແຜນ​ງານ​ລາວ 030) ແຂວງ​ບໍ​ລິ​ຄຳ​ໄຊ, ມີ​ບັນ​ດາ​ພະ​ນັກ​ງານ ວິ​ຊາ​ການ​ທີ່​ກ່ຽວ​ຂ້ອງ​ ໃນ​ວຽກ​ງານ​ແຜນ​ງານ​ລາວ 030 ແຂວງ​ບໍ​ລິ​ຄຳ​ໄຊ​ເຂົ້າ​ຮ່ວມ.

        ການ​ຝຶກ​ອົບ​ຮົມ​ໃນ​ຄັ້ງ​ນີ້ແມ່ນ​ໄດ້​ຮັບ​ກຽດ​ເປັນ​ວິ​ທະ​ຍາ​ກອນ​ຝຶກ​ອົບ​ຮົມ​ດ້ານ​ຄອມ​ພີວ​ເຕີ​ ຈາກ​ກະ​ຊວງ​ຊັບ​ພະ​ຍາ​ກອນ​ທຳ​ມະ​ຊາດ ແລະ ສີ່ງ​ແວດ​ລ້ອມ ໂດຍ​ນັກ​ສຳ​ມະ​ນາ​ກອນ​ເຂົ້າ​ຮ່ວມ ຈະ​ໄດ້​ຮຽນ​ຮູ້​ກ່ຽວ​ກັບ​ການ​ນຳ​ໃຊ້​ຄອມ​ພີວ​ເຕີ ​ເຂົ້າ​ໃນ​ວຽກ​ງານ​ຢ່າງ​ຢ່າງ​ຖຶກ​ຕ້ອງ, ການ​ນຳ​ໃຊ້ ​ໄມ​ໂຄ​ຊ​ອັບ ອ​ອັບ​ຟິດ ເວີດ ( Microsoft Office word), ໄມ​ໂຄ​ຊ​ອັບ ອ​ອັບ​ຟິດ ເອັກ​ເຊວ ( Microsoft Office Excel ),ໄມ​ໂຄ​ຊັອບ ອ​ອັບ​ຟິດ ພາ​ເວີ​ຟ່ອຍ( Microsoft Office Powerpoint ) , ການ​ນຳ​ໃຊ້ ດ​ອັບ​ບ​ອັກ ( Dropbox ) ແລະ  ໂຟ​ໂຕ​ຊ​ອັບ( Phoshop) ໃນ​ນັ້ນ​ຍັງ​ຈະໄດ້​ຮຽນ​ຮູ້​ການ​ນຳ​ໃຊ້ ຈີ່​ເມວ ( Gmail ), ການ​ໂຫຼດ​ຮູບ​ພາບ, ປັບ​ແຕ່ງ​ຮູບ​ພາບ​ໃສ່​ບົດ​ລາຍ​ງານ, ວິ​ທີ​ຕັດ, ຫ​ຍໍ້, ຂະ​ຫ​ຍາຍ​ຮູບ, ການ​ບັນທຶກ ແລະ ແບ່ງ​ປັ່ນ​ຮູບ​ພາບ ​ໃສ່​ບົດ​ລາຍ​ງານ​ຕ່າງ​ໆ.ເປົ້າ​ໝາຍ​ການ​ຝຶກ​ອົບ​ຮົມ​ໃນ​ຄັ້ງ​ນີ້ ​ແມ່ນ​ເພື່ອ​ໃຫ້​ບັນ​ດາ​ພະ​ນັກ​ງານ​ລັດ​ຂັ້ນ​ແຂວງ ແລະ ເມືອງ​​ທີ່​ເຮັດ​ວ​ຽກ​ໃນ​ແຜນ​ງານ 030 ມີ​ຄວາມ​ຮູ້ ແລະ ຄວາມ​ສາ​ມາດ​ໃນ​ການ​ນຳ​ໃຊ້​ຄອມ​ພີວ​ເຕີ ແລະ ອິນ​ເຕ​ີ​ເນັດ​ເຂົ້າ​ໃນ​ວຽກ​ງານ ເພື່ອ​ໃຫ້​ໜ້າ​ວຽກ ແລະ ການ​ປະ​ສານ​ງານ​ ສະ​ດວກວ່ອງ​ໄວ​ຂື້ນ, ​ສ້າງ​ຂໍ້​ມູນ ແລະ ເອ​ກະ​ສານ​ຕ່າງໆ​ ພາຍ​ໃນ​ຄອມ​ພິວ​ເຕີ​ໃຫ້​ທັນ​ສະ​ໄໝ​ຂື້ນ​ໃນ​ຕໍ່​ໜ້າ​.