ໃນວັນທີ່ 5 ຕຸລາ 2018 ຢູ່ເດີນຫ້ອງວ່າການປົກຄອງເມືອງບໍລິຄັນ ໄດ້ຈັດພີທີທໍາລາຍຊີ້ນສ່ວນສັດປ່າຫວງຫ້າມ ທີ່ເຈົ້າໜ້າທີ່ປ່າໄມ້ຍືດມາໄດ້ພາຍໃນເມືອງບໍລິຄັນໃນໄລຍະຜ່ານມາ ໃຫ້ກຽດເຂົ້າຮ່ວມຂອງທ່ານ ວັນເລີນ ປຸ້ຍໄມນີ ຮອງເລຂາພັກເມືອງບໍລິຄັນ, ມີບັນດາພາກສ່ວນທີ່ກ່ຽວຂ້ອງຂັ້ນແຂວງ, ຂັ້ນເມືອງ ຕະຫຼອດຮອດອໍານາດການປົກຄອງບ້ານເທດສະບານເມືອງ ເຂົ້າຮ່ວມ.

    ເພື່ອເປັນການຜັນຂະຫຍາຍຄຳສັ່ງຂອງເຈົ້າແຂວງບໍລຄຳໄຊ ສະບັບເລກທີ 1987/ຂບຊ, ລົງວັນທີ 3 ກໍລະກົດ 2018 ວ່າດ້ວຍການເພີ່ມທະວີຄວາມເຂັ້ມແຂງໃນການຄຸ້ມຄອງ ແລະ ກວດກາສັດປ່າ, ພືດປ່າ ທີ່ຫວງຫ້າມ ໃຫ້ມີປະສິດທີພາບ ແລະ ໄດ້ຮັບໝາກຜົນ ໃນວັນທີ 2-3 ຕຸລາ 2018 ຫ້ອງການກະສິກຳ ແລະ ປ່າໄມ້ເມືອງ ສົມທົບກັບພະແນກກະສິກໍາ ແລະ ປ່າໄມ້ແຂວງ ໄດ້ພ້ອມກັນລົງກວດກາການລັກລອບຊື້ຂາຍສັດປ່າຫວງຫ້າມໃນຕະຫຼາດພາຍໃນເມືອງບໍລິຄັນ ສາມາດຢືດສີ້ນສ່ວນສັດປ່າທີ່ພໍ່ຄ້າແມ່ຄ້ານຳມາວາງຂາຍ ເຊັ່ນ: ຟານໄກ້, ເໜັ້ນ ຈຳນວນ 15 ໂຕ ແລະ ຊີ້ນສັດປ່າອີກຈໍານວນໜື່ງ ນໍ້າໜັກ 34,7 ກິໂລ, ຈາກນັ້ນ ໄດ້ຈັດພີທີເຜົາທໍາລາຍສີ້ນສ່ວນສັດປ່າຈໍານວນດັ່ງກ່າວຖີ້ມ.