ທ້າຍອາທິດທີ່ຜ່ານມານີ້ ກອງບັນຊາການ ປກສ ເມືອງປາກຊັນ ແຂວງ ບໍລິຄໍາໄຊ ໄດ້ຈັດກອງປະຊຸມສະຫຼຸບວຽກງານປ້ອງກັນຄວາມສະຫງົບ 06 ເດືອນຕົ້ນປີ ແລະ ທິດທາງແຜນການ 06 ເດືອນທ້າຍປີ 2018 ຂື້ນຢ່າງເປັນທາງການ, ໂດຍພາຍໃຕ້ການເປັນປະທານຂອງ ທ່ານ ພັນໂທ ຄຳຜັນ ພົມມະຈັນ ເລຂາພັກຮາກຖານ ຫົວໜ້າກອງບັນຊາການ ປກສ ເມືອງປາກຊັນ, ເປັນກຽດເຂົ້າຮ່ວມຂອງທ່ານ ໄມຈອມ ວັນນະສານຄຳ ກຳມະການພັກແຂວງ, ເລຂາພັກເມືອງ, ເຈົົົົົົົົົົົ້າເມືອງໆປາກຊັນ, ມີຄະນະພັກກອງບັນຊາການ, ຫົວໜ້າພະແນກ ຕະຫຼອດຮອດພະນັກງານ-ນັກຮົບກອງບັນຊາການ ປກສ ເມືອງປາກຊັນ ເຂົ້າຮ່ວມ.

          ໃນໄລຍະ 06 ເດືອນຜ່ານມາ ກອງບັນຊາການ ປກສ ເມືອງປາກຊັນ ໄດ້ຕັ້ງໜ້າສູ້ຊົນປະຕິບັດໜ້າທີ່ວຽກງານວິຊາສະເພາະ ຢ່າງເຕັມປະສິດທະພາບ ແລະ ສາມາດປະຕິບັດສຳເລັດ ໂດຍມີຜົນງານທີ່ພົ້ນເດັ່ນຫລາຍດ້ານ ເຊັ່ນ: ດ້ານການເມືອງ-ແນວຄິດ: ໄດ້ເອົາໃສ່ສືກສາອົບຮົມ ການເມືອງແນວຄິດໃຫ້ພະນັກງານສະມາຊິກພັກຢ່າງເປັນປົກກະຕິ ແລະ ຖືເປັນບັນຫາສຳຄັນຕົ້ນຕໍ, ຈື່ງເຮັດໃຫ້ສະມາຊິກພັກ ພະນັກງານ-ນັກຮົບ ມີແນວຄິດການເມືອງໜັກແໜ້ນ, ມີຄຸນສົມບັດສີນທໍາປະຕິວັດ; ດ້ານວຽກງານວິຊາສະເພາະ: ໄດ້ເອົາໃຈໃສ່ຊີ້ນຳ-ນຳພາພະນັກງານ-ນັກຮົບເຄື່ອນໄຫວເຮັດໜ້າທີ່ວຽກງານຕາມພາລະບົດບາດ, ສິດ ແລະ ໜ້າທີ່ ຈືງສາມາດເຮັດສຳເລັດວຽກງານຢ່່າງຮອບດ້ານ ໃນນີ້: ວຽກງງານຫ້ອງການ-ບໍລິຫານ: ໄດ້ເກັບກຳ ແລະ ລາຍງານສະພາບຕ່າງໆປະຈຳວັນໃຫ້ພະແນກສື່ສານ ປກສ ແຂວງ ໄດ້ 55 ຄັ້ງ, ມີ 135 ເລື່ອງ,​​ ພະແນກການເມືອງ ໄດ້ປັບປຸງກໍ່ສ້າງ-ຂະຫຍາຍມະຫາຊົນກ້າວໜ້າເຂົ້າເປັນສະມາຊິກພັກຕາມມາດຖານເງື່ອນໄຂຂອງພັກປະຊາຊົນປະຕິວັດລາວວາງອອກໄດ້ 14 ສະຫາຍ, ຍິງ 05 ສະຫາຍ, ສະເໜີເລື່ອນຊັ້ນໃຫ້ພະນັກງານ-ນັກຮົບຜູ້ທີ່ຮອດກຳນົດໄດ້ 01 ຄັ້ງ, ມີ 27 ສະຫາຍ, ຍິງ 04 ສະຫາຍ ແລະ ສະເໜີພະນັກງານໄປຍົກລະດັບທາງດ້ານທິດສະດີ ແລະ ວິຊາສະເພາະ 05 ສະຫາຍ ຍິງ 02 ສະຫາຍ, ວຽກງານສຳມະໂນຄົວ ແລະ ກໍ່ສ້າງຮາກຖານ ປ່ຽນປື້ມສຳມະໂນຄົວໃໝ່ໄດ້ທັງໝົດ 393 ຫົວ, ປ່ຽນຮ່າງໃຫຍ່ໄດ້ 349 ຮ່າງ, ປ່ຽນຮ່າງນ້ອຍໄດ້ 721 ຮ່າງ; ວຽກງານສັນຕິບານ: ລົງເກັບກຳຂໍ້ມູນຄົນລັກສ້າງຄອບຄົວແບບບໍ່ຖືກຕ້ອງໄດ້ 14 ຄັ້ງ, ທົ່ວເມືອງປາກຊັນມີຄະດີເກີດຂື້ນທັງໝົດ 69 ເລື່ອງ, ສາມາດມ້າງໄດ້ 47 ເລື່ອງ, ຜູ້ຖືກຫາ 53 ຄົນ, ຍິງ 04 ຄົນ, ສ່ວນວຽກງານພະແນກພາລາແມ່ນໄດ້ເຮັດສຳເລັດຕາມໜ້າທີ່ໃນການເບີກຈ່າຍເງີນເດືອນ ແລະ ເຄື່ອງອຸປະໂພກບໍລິໂພກ. ຈາກນັ້ນ ຜູ້ເຂົ້າຮ່ວມກອງປະຊຸມກໍ່ໄດ້ຜັດປ່ຽນກັນຂື້ນປະກອບຄໍາຄິດ, ຄໍາເຫັນໃສ່ບົດສະຫຼຸບ, ທິດທາງແຜ່ນການ ແລະ ຄໍາຖາມເຈາະຈີ້ມຈາກທ່ານປະທານຢ່າງກົງໄປກົງມາ,

          ທ່ານ ໄມຈອມ ວັນນະສານຄຳ ເຈົົົົົົົົົົົ້າເມືອງປາກຊັນ ໄດ້ໃຫ້ຄຳເຫັນຊີ້ນຳບາງຕອນວ່າ ຄະນະພັກ ຄະນະບັນຊາທຸກຂັ້ນຈົ່ງເພີ່ມທະວີວຽກງານສຶກສາອົບຮົມ-ນຳພາແນວຄິດໃຫ້ແກ່ສະມາຊິກພັກ, ພະນັກງານ-ນັກຮົບ ໃຫ້ມີຄຸນສົມບັດສິນທຳປະຕິວັດ, ມີຄຸນທາດການເມືອງໜັກແໜ້ນ, ເຂັ້ມແຂງທາງດ້ານການຈັດຕັ້ງ, ມີລະບຽບວິໄນຢ່າງເຂັ້ມງວດ ແລະ ເອົາໃຈໃສ່ຊອກຮູ້ຮໍ່າຮຽນຍົກລະດັບຄວາມຮູ້ຄວາມສາດທາງດ້ານວິຊາສະເພາະ, ເຕັກນິກທີ່ທັນສະໄໝ ເພື່ອໜູນໃຊ້ເຂົ້າໃນວຽກງານຕົວຈິງໃຫ້ເກີດດອກອອກຜົນອັນໃຫມ່ພາຍໃນກົມກອງຂອງຕົນ, ເພີ່ມທະວີຫັນພະນັກງານລົງກໍ່ສ້າງຮາກຖານການເມືອງຢູ່ຂັ້ນທ້ອງຖິ່ນ, ນໍາເອົາມະຕິຕ່າງໆຈາກຂັ້ນເທິງ ແລະ ຜົນສໍາເລັດຂອງກອງປະຊຸມໃນຄັ້ງນີ້ໄປຈັດຕັ້ງປະຕິບັດໃນຂັ້ນຕໍ່ໄປໃຫ້ໄດ້ຮັບຜົນສູງ.