ພິທີປະກາດການແຕ່ງຕັ້ງຮອງເລຂາພັກເມືອງບໍລິຄັນເພີ່ມ ແລະ ປັບປຸງລະບົບການຈັດຕັ້ງບາງຫ້ອງການພາຍໃນເມືອງ ໄດ້ຈັດຂື້ນຕອນບ່າຍຂອງວັນທີ່ 12 ກັນຍາ 2018 ນີ້ ຢູ່ສະໂມສອນຂອງເມືອງບໍລິຄັນ ໂດຍໃຫ້ກຽດເຂົ້າຮ່ວມຂອງສະຫາຍ  ບູນຄໍາ ໄຊເຍຍລໍວື່ ຄະນະປະຈໍາພັກແຂວງ ປະທານກວດກາພັກແຂວງ ແລະ ສະຫາຍ ບູນສອນ ຄູນໄຊລິດາ ເຈົ້າເມືອງບໍລິຄັນ.

 

     ອີງຕາມ ມະຕິຕົກລົງຂອງຄະນະປະຈໍາພັກແຂວງ ເລກທີ່ 854/ຄປພ.ຂບຊ, ລົງວັນທີ່ 29 ສີງຫາ 2018 ວ່າດ້ວຍການແຕ່ງຕັ້ງບົ່ງຕົວ ສະຫາຍ ວັນເລີນ ປຸ້ຍໄມນີ ຮອງຄະນະຈັດຕັ້ງແຂວງ ເປັນຮອງເລຂາພັກເມືອງບໍລິຄັນ, ພ້ອມດຽວກັນນັ້ນ ຄະນະຈັດຕັ້ງເມືອງບໍລິຄັນ ຍັງໄດ້ຜ່ານມະຕິຕົກລົງຂອງຄະນະປະຈໍາພັກເມືອງ ວ່າດ້ວຍການບົ່ງຕົວແຕ່ງຕັ້ງເລຂາຄະນະພັກຮາກຖານ ແລະ ຜູ້ກວດການໜ່ວຍພັກຂື້ນກັບຄະນະບໍລິຫານງານພັກເມືອງ ໂດຍແຕ່ງຕັ້ງ ສະຫາຍ ຄໍາຄ່ອງ ມູນລະໄມ ເປັນເລຂາໜ່ວຍພັກຮາກຖານຫ້ອງວ່າການ, ສະຫາຍ ເຄນໄຊ ໄມນະຈັນ ເປັນຜູ້ກວດກາໜ່ວຍພັກ ແລະ ແຕ່ງຕັ້ງສະຫາຍ ນາງ ສຸດທິພອນ ຄໍາມະນີວົງ ເປັນຮອງຫ້ອງວ່າການຂອງເມືອງ, ແຕ່ງຕັ້ງສະຫາຍ ຄໍາ ສີພູທອນ ຮອງຫ້ອງການພາຍໃນ ເປັນຮອງຫົວໜ້າຄະນະຈັດຕັ້ງເມືອງ, ແຕ່ງຕັ້ງທ່ານ ນາງ ສອນມະນີ ຜ່ອງມະໄລຄໍາ ເປັນຮອງຫ້ອງການເຕັກໂນໂລ່ຍີ່ເມືອງ, ແຕ່ງຕັ້ງສະຫາຍ ແສງອາລູນ ມູນທໍາມາ ເປັນຫົວໜ້າໜ່ວຍງານກໍ່ສ້າງພະນັກງານ, ແຕ່ງຕັ້ງ ສະຫາຍນາງ ແສງຈັນ ບູນວິໄລ ເປັນຫົວໜ້າໜ່ວຍງານກໍ່ສ້າງພັກ ແລະ ຍົກຍ້າຍສະຫາຍ ສິດປະເສີດ ວົງຫາລາດ ກໍາມະການພັກເມືອງ ຜູ້ຊີ້ນໍາວຽກງານຊາວໝຸ່ມ ໄປປະຈໍາການຢູ່ກອງບັນຊາການທະຫານແຂວງ.

       

      ຕອນທ້າຍຂອງພິທີ ສະຫາຍ ບຸນຄໍາ ໄຊເຍຍລໍວື່ ປະທານກວດກາພັກແຂວງ ກໍໄດ້ໂອ້ລົມໃຫ້ທີດຊີ້ນໍາຕໍ່ບັນດາທ່ານທີ່ຖືກແຕ່ງຕັ້ງໃນຄັ້ງນີ້ ໂດຍທ່ານໄດ້ຮຽກຮ້ອງໃຫ້ຜູ້ທີ່ຖືກແຕ່ງຕັ້ງ ຈົ່ງສືບຕໍ່ປະຕິບັດໜ້າທີ່ວຽກງານຂອງຕົນດ້ວຍຄວາມຮັບພິຊອບສູງ ພ້ອມທັງຍົກສູງຄວາມຮູ້ຄວາມສາມາດ, ຮັກສາຄວາມສາມັກຄີພາຍໃນໜູ່ຄະນະໃຫ້ເປັນປືກແຜ່ແໜ້ນໜາ ພ້ອມກັນປະກອບສວ່ນເຂົ້າໃນວຽກງານຕ່າງໆຂອງພັກໃຫ້ມີຄວາມກ້າວໜ້າຂື້ນໄປເລື່ອຍໆ.