ໃນຕອນເຊົ້າວັນທີ 13 ກັນຍາ 2018 ທີ່ກອງພັນນ້ອຍ 291 ຂອງກອງພັນໃຫຍ່ 642 ໄດ້ສຳເລັດກອງປະ ຊຸມໃຫຍ່ຄະນະພັກຮາກຖານ ຄັ້ງທີ VI ດ້ວຍຜົນສຳເລັດອັນຈົບງາມ. ໂດຍພາຍໃຕ້ການເຂົ້າຮ່ວມເປັນປະທານຂອງສະຫາຍ ພັນ​ໂທ​ ຄຳປີ່ງ ຄູນສົມເຮືອງ, ເປັນກຽດເຂົ້າຮ່ວມຂອງສະຫາຍ ພັນໂທ ບູນ​ແຂ້ວ ວິ​ໄລ​ກຸນ ຄະນະພັກ-ຄະນະບັນຊາ ຫົວໜ້າພະ​ແນ​ກ ​ເຕັກນິກ ກອງພັນໃຫຍ່ 642, ມີບັນດາສະຫາຍຄະນະພັກ, ສຳມະຊິດພັກທົ່ວກົມກອງ ແລະ ແຂກທີ່ຖືກເຊີນເຂົ້າຮ່ວມ.

          ໃນພິທີໄດ້ຮັບຟັງການຜ່ານບົດລາຍງານການເມືອງທົງສອງພາກ, ເຊີ່ງສະເໜີໂດຍສະຫາຍ ພັນ​ໂທ ຄຳ​ປິ່ງ ຄຸນສົມ​ເຮືອງ ເລຂາຄະນະພັກຮາກຖານກອງພັນນ້ອຍ 291, ກອງປະຊຸມໄດ້ຄົ້ນຄ້ວາກັນເລີກເຊີ່ງ ດ້ວຍການປະກອບຄຳຄິດຄຳເຫັນຈາກຜູ້ແທນກອງປະຊຸມ ແລະ ເຫັນດີເປັນເອກະພາບທີ່ມີລັກສະນະເປັນບົດຮຽນພຶດຕິກຳຕົວຈິງຕໍ່ກັບບົດສະຫລຸບ ແລະ ຮັບຮອງເອົາທິດທາງແຜນການ 5 ປີ ແຕ່ປີ 2018​ ເຖີງ 2022, ໂດຍການປີ່ນອ້ອມ 4 ແຜນງານໃຫຍ່ຂອງຄະນະພັກກະຊວງປ້ອງກັນປະເທດວາງອອກ. ກອງປະຊຸມໄດ້ໃຊ້ສິດປະຊາທິປະໄຕປ່ອນບັດເອົາຄະນະພັກຮາກຖານຊຸດ ໃໝ່ຈຳນວນ 7​ ສະຫາຍ ແລະ ຄັດເລືອກເອົາຜູ້ແທນສົມບູນໄປຮ່ວມກອງປະຊຸມໃຫຍ່ຄະນະພັກຂັ້ນເທີງຈະໄດ້ຈັດຂື້ນໃນຕໍ່ໜ້າ, ຜ່ານການປ່ອນປັດຄັດເລືອກ ແລະ ກອງປະຊຸມຄັ້ງປະຖົມມະລຶກ ເຫັນດີເອກະພາບຄັດເລືອກເອົາ ສະຫາຍ ພັນໂທ ຄຳປີ່ງ ຄູນສົມເຮືອງ ເປັນເລຂາ, ສະຫາຍ ພັນໂທ ພູວັນ ວົງຄຳທອງ ເປັນຮອງເລຂາ, ສະຫາຍພັນຕີ ສີຕານ ໄຊຍະວົງສາ ເປັນປະທານກວດກາ ພ້ອມດ້ວຍກຳມະການພັກຈຳນວນ 4 ສະຫາຍ ເປັນຄະນະ. 

          ຕອນທ້າຍຂອງພິທີຍັງໄດ້ຮັບຟັງການໂອ່ລົມຈາກສະຫາຍ ພັນ​ໂທ​ ບູນ​ແຂ້ວ ວິ​ໄລ​ກຸນ  ກ່ອນອື່ນສະຫາຍໄດ້ຕີລາຄາສູງຕໍ່ຜົນສຳເລັດທີ່ ຄະນະພັກຮາກຖານກອງພັນນ້ອຍ 291 ຍາດມາໄດ້ຕະຫຼອດໄລຍະ 05 ປີຜ່ານມາ, ໃນການຈັດຕັ້ງປະຕິບັດບັນດາເນື້ອໃນຈິດໃຈມະຕິກອງປະຊຸມໃຫຍ່ ຄັ້ງທີ IV ຂອງອົງຄະນະພັກກະຊວງປ້ອງກັນປະເທດ, ມະຕິກອງປະຊຸມໃຫຍ່ ຄັ້ງທີ V ຂອງອົງຄະນະພັກກອງພັນໃຫຍ່ 642 ວາງອອກ ແລະ ຍັງໄດ້ຮຽກຮ້ອງມາຍັງພະນັກງານສະມັກຊິກພັກ ແລະ ນັກຮົບທົ່ວ ກອງພັນນ້ອຍ 291 ຈົ່ງເພີ່ມທະວີຄວາມສາມັກຄີເປັນປືກແຜ່ນເສີມຂະຫຍາຍຫົວຄິດປະດິດສ້າງນ້ໍາໃຈບຸກບືນສູ້ຊົນ, ໂດຍສະເພາະສະມັກຊິກພັກຕ້ອງເປັນແບບຢ່າງນຳໜ້າໃຫ້ທຸກຂະບວນການເພື່ອຈັດຕັ້ງປະຕິບັດ ແລະ ຄາດໝາຍທິດທາງທີ່ກອງປະຊຸມໃຫຍ່ຄະນະພັກຮາກຖານກອງພັນນ້ອຍ 291 ໄດ້ຮັບຮອງເອົາຮອດປີ 2022 ໃຫ້ມັນປະກົດຜົນເປັນຈີ່ງຍິ່ງໆຂື້ນ.