ເພຶ່ອເປັນການປະກອບສ່ວນຊ່ວຍເຫຼືອປະຊາຊົນຜູ້ຖືກປະສົບໄພນໍ້າຖ້ວມຢູ່ທີ ເມືອງ ສະໜາມໄຊ ແຂວງ ອັດຕະປື ໃນຕອນເຊົ້າວັນທີ 9 ສິງຫາ 2018 ນີ້ ທ່ານ ກໍລະກົດ ທໍາລົງວົງສະວັດ ຮອງຜູ້ວ່າລາຊະການ ຈັງຫວັດບຶງການ ຣາຊະອານາຈັກໄທ ພ້ອມດ້ວຍຄະນະ ໄດ້ນຳເຄື່ອງຊ່ວຍເຫຼືອບັນເທົາທຸກ  ປະກອບມີ: ເຂົ້າສານ, ນໍ້າດື່ມ, ໝີ່, ປ໋ອງປາ, ອາຫານສຳເລັດຮູບ, ຢາປົວພະຍາດ ແລະ ເຄື່ອງນຸ່ງຫົ່ມ, ເຄື່ອງໃຊ້ຄົວເຮືອນອີກຈໍານວນໜຶ່ງ  ລວມມູນຄ່າ 412.825.9 ບາດ  ເປັນກຽດຮັບໂດຍແມ່ນທ່ານ ບຸນເສັງ ປະທໍາມະວົງ ຮອງເຈົ້າແຂວງ ບໍລິຄໍາໄຊ  ແລະ ຢູ່ທີ່ຫ້ອງວ່າການປົກຄອງແຂວງ ບໍລິຄໍາໄຊ ຍາທ່ານໃຫຍ່ ທອງວັນ ຈັນທະປັນຍາ ເຈົ້າອະທິການວັດໂພສີໄຊຍະທັມ ພ້ອມດ້ວຍພະສົງສໍາມະເນນ - ອົງການຈັດຕັ້ງ ອໍານາດການປົກຄອງ - ພໍ່ແມ່ປະຊາຊົນພາຍໃນບ້ານໂພສີ ເມືອງປາກຊັນ ຍັງໄດ້ຈັດການລະດົມ ຮັບບໍລິຈາກເຄື່ອງໃຊ້ທີ່ຈໍາເປັນຕ່າງໆ ເຊິ່ງປະກອບມີ ເຄື່ອງນຸງຫົ່ມ, ເຂົ້າສານ, ນໍ້າດື່ມ ແລະ ອື່ນໆ ລວມມູນຄ່າ 15.400.000 ກີບ ເຊິ່ງເປັນກຽດມອບເຄື່ອງດັງກ່າວໃນຄັ້ງນີ້ ໂດຍແມ່ນທ່ານ ບຸນທົງ ແສງສຸລິວັນ ນາຍບ້ານ - ບ້ານໂພສີ ແລະ ຮັບໂດຍ ທ່ານ ດວງຕາ ມໍລະຄາສຸກ ຫົວໜ້າຫ້ອງວ່າການປົກຄອງແຂງ ບໍລິຄໍາໄຊ ເຄື່ອງດັ່ງກ່າວແມ່ນນຳມາມອບໃຫ້ກັບ ແຂວງ ບໍລິຄໍາໄຊ ເພຶ່ອນໍາໄປມອບສົ່ງຕໍ່ໃຫ້ກັບ ຜູ້ປະສົບໄພນໍ້າຖວມຢູ່ທີ່ເມືອງ ສະໜາມໄຊ ແຂວງອັດຕະປຶ.

ພ້ອມນັ້ນ ຢູ່ທີຫ້ອງຮັບຮອງຂອງແຂວງ ບໍລິຄໍາໄຊ ທ່ານ ນາງ ອິນລາວັນ ແກ້ວບຸນພັນ ປະທານສູນກາງສະຫະພັນແມ່ນຍິງລາວ ພ້ອມດ້ວຍຄະນະ ຍັງໄດ້ນໍາເອົາເງີນ 10 ລ້ານກີບ ມອບໃຫ້ກັບແຂວງ ບໍລິຄໍາໄຊ ເພຶ່ອນໍາໄປຊ່ວຍເຫຼື່ອພໍ່ແມ່ນປະຊາຊົນທີໄດ້ຮັບຜົນກະທົບ ຈາກໄພນໍ້າຖ້ວມ ຢູ່ບັນດາບ້ານຕ່າງໆ ພາຍໃນແຂວງບໍລິຄໍາໄຊ ເຊິ່ງເປັນກຽດຮັບເງິນດັ່ງກ່າວໃນຄັ້ງນີ້ໂດຍແມ່ນ ທ່ານ ປອ ກອງແກ້ວ ໄຊສົງຄາມ ເຈົ້າແຂວງບໍລິຄໍາໄຊ.