ຫ້ອງພາລາທິການ ປກສ ແຂວງບໍລິຄໍາໄຊ ໄດ້ເປີດກອງປະຊຸມສະຫຼຸບການເຄື່ອນໄຫວວຽກງານພາລາທິການ   ປະຈໍາ 06 ເດືອນຕົ້ນປີ  ແລະ ທິດທາງແຜນການ 06 ເດືອທ້າຍປີ 2018 ຂື້ນ ຢ່າງເປັນທາງການ ໃນຕອນເຊົ້າວັັນທີ 08 ສິງຫາ 2018 ໂດຍການເປັນປະທານຂອງທ່ານ ພັນໂທ ສົມຄິດ ໄຊສົງຄາມ ເລຂາຄະນະພັກຮາກຖານ ຫົວໜ້າຫ້ອງພາລາທິການ, ມີຄະນະພັກ-ຄະນະຫ້ອງ, ຄະນະພະແນກ, ໜ່ວຍງານ, ຕະຫຼອດຮອດພະນັກງານ-ນັກຮົບ ພາຍໃນຫ້ອງເຂົ້າຮ່ວມ ຈຳນວນ 50 ກວ່າສະຫາຍ.

          ທ່ານ ພັນໂທ ຈັນເພັງ ຫຼ້າວິໄລ ຮອງເລຂາຄະນະພັກຮາກຖານ ຮອງຫົວໜ້າຫ້ອງພາລາທິການ ໄດ້ຜ່ານບົດສະຫຼຸບ ການຈັດຕັ້ງເຄື່ອນໄຫວວຽກງານພາລາທິການ ໄລຍະ 06 ເດືອນຕົ້ນປີ ແລະ ທິດທາງແຜນການ 06 ເດືອນທ້າຍປີ 2018 ຕໍ່ທີ່ປະຊຸມ, ໂດຍປະຕິບັດຕາມ 04 ຄາດໝາຍ, 04 ແຜນງານ ແລະ 41ໂຄງການໃຫ່ຍທີ່ກະຊວງປ້ອງກັນຄວາມສະຫງົບວາງອອກ ຄະນະພັກ-ຄະນະຫ້ອງ ໄດ້ເອົາໃຈໃສ່ຊີ້ນຳ-ນໍາພາ ພະນັກງານ-ນັກຮົບ ເຄື່ອນໄຫວເຮັດໜ້າທີ່ວຽກງານດ້ານຕ່າງໆ ແລະ ສາມາດຍາດໄດ້ຜົນຫຼາຍດ້ານ ເຊັ່ນ: ຮັບເງີນຄ່າທໍານຽມຕ່າງໆໄດ້ 347.432.000 ກີບ, ຮັບເງີນຄ່າບໍລິການ 480.352.000 ກີບ, ຮັບເງີນເດືອນ ແລະ ເງີນອຸດໜູນໄດ້ 21.739.600.000 ກີບ, ຮັບເງີນນະໂຍບາຍຊ່ວຍໜູນ 1.832.936.000 ກີບ, ເງີນບໍລິຫານປົກກະຕິ 1.201.630.000 ກີບ, ຮັບເງີນດັດສົມສົ່ງເສີມ 82.000.000 ກີບ, ກວດກາແຜນລາຍຮັບບໍລິຫານຕ່າງໆໄດ້ 21 ສະບັບ, ຈໍານວນ 517.400.000 ກີບ, ກວດກາແຜນລາຍຈ່າຍ 890 ສະບັບ ຈໍານວນເງີນ 21.107.557.810 ກີບ,  ສະຫຼຸບສັງລວມລາຍຮັບ-ລາຍຈ່າຍ ໄລຍະ 06 ເດືອນຜ່ານມາ ມີລາຍຮັບທັງໝົດ 30.386.863.700 ກີບ, ເງີນບາດ 20.247 ບາດ, 3.670 ໂດລາ, 2.000.000 ດົງ, ລາຍຈ່າຍທັງໝົດ 29.971.369.208 ກີບ,  ຂື້ນແຜນກໍ່ສ້າງຄ້າຍຄຸມຂັງໜອງດົງ, ຫ້ອງການ ປກສ ເມືອງທ່າພະບາດຫຼັງໃໝ່ ແລະ ຕືກ 03 ຊັ້ນ ຫ້ອງການ ປກສ ແຂວງຢູ່ຄ້າຍເກົ່າ, ຖອນອັດຕາກີນຄົນເຈັບນອນໂຮງໝໍໄດ້ 8.980.000 ກີບ, ກວດສຸຂະພາບໃຫ້ພະນັກງານ-ນັກຮົບ ແລະ ນັກໂທດ-ຕ້ອງຫາ ໄດ້ 1.557 ຄົນ, ສ້ອມແປງໂຮງໝໍ 10 ຕຽງໄດ້ສໍາເລັດ, ສ້ອມແປງຫ້ອງນໍ້ຳຄ້າຍໃຫ່ມ ຈໍານວນ 9.500.000 ກີບ, ສໍາລະຄ່າກະແສໄຟຟ້າ ປີ 2017 ມູນຄ່າ 261.000.000 ກີບ ແລະ ສໍາລະຄ່ານໍ້າປະປາ ມູນຄ່າ 47.215.000 ກີບ.