ຕອນເຊົ້າວັນທີ 09 ສິງຫາ 2018 ນີ້ ຢູ່ທີ່ໂຮງຮຽນທິດສະດີການເມືອງການປົກຄອງ ແຂວງບໍລິຄຳໄຊ ໄດ້ເປີດຊຸດຮຽນທິດສະດີການເມືອງການປົກຄອງ 45 ວັນ ຮຸ່ນທີ 34 ໃຫ້ແກ່ພະນັກງານ-ນັກຮົບກອງບັນຊາການ ປກສ ແຂວງບໍລິຄໍາໄຊ ໂດຍການເປັນປະທານຂອງທ່ານ ພູເຂົາເງີນ ອິນທະວົງ ອຳນວຍການໂຮງຮຽນ ທິດສະດີການເມືອງການປົກຄອງ ແຂວງບໍລິຄຳໄຊ, ມີທ່ານ ພັນໂທ ຄໍາໄມ ແກ່ນຄຳຈັນ ຮອງຫົວໜ້າຫ້ອງການເມືອງ ປກສ ແຂວງ, ມີບັນດາສຳມະນາກ່ອນຮຸ່ນທີ 34 ເຂົ້າຮ່ວມ49 ສະຫາຍ ຍິງ 13 ສະຫາຍ.

        ທ່ານ ພູເຂົາເງີນ ອິນທະວົງ ອຳນວຍການໂຮງຮຽນທິດສະດີການເມືອງ ການປົກຄອງ ໄດ້ຜ່ານຫຼັກສຸດການຮຽນ-ການບໍາລຸງ ໃນຄັ້ງນີ້ ເຊີງທ່ານໄດ້ເວົ້າວ່າ:  ຈະໄດ້ດຳເນີນການຮຽນ-ການສອນໃນ 05 ກຸ່ມວິຊາ ຄື: ກຸ່ມວິຊາອົບຮົມປັດຊະຍາມາກ-ເລນິນມີ 08 ບົດ, ກຸ່ມວິຊາເສດຖະສາດການເມືອງມີ 10 ບົດ, ກຸ່ມວິຊາລັດທິສັງຄົມນິຍົມວິທະຍາສາດມີ 08 ບົດ, ກຸ່ມວິຊາບໍລິຫານມີ 08 ບົດ, ກຸ່ມວິຊາກໍ່ສ້າງພັກມີ 06 ບົດ, ໃນນັ້ນ ມີວິຊາກໍ່ສ້າງພັກຂອງກຳລັງ ປກສ ຈຳນວນ 01 ບົດ ລວມທັງໝົດ ມີ 40 ບົດ, ມີ 244 ຊົ່ວໂມງ. ໃນນີ້, ຊົ່ວໂມງບັນຍາຍມີ 165 ຊົ່ວໂມງ, ສໍາມະນາໜ່ວຍມີ 08 ຊົ່ວໂມງ, ສຳມະນາຫ້ອງມີ 20 ຊົ່ວໂມງ, ແກ້ຂໍ້ຂ້ອງໃຈມີ 17 ຊົ່ວໂມງ, ຂຽນບົດເກັບກ່ຽວແຕ່ລະກຸ່ມວິຊາ 20 ຊົ່ວໂມງ, ລົງພຶດຕິກຳຕົວຈິງ 07 ຊົ່ວໂມງ.

        ທ່ານໄດ້ຮຽກຮ້ອງໃຫ້ບັນດາສໍາມະນາກອນທຸກສະຫາຍ ຈົ່ງພ້ອມກັນເອົາໃຈໃສ່ປະຕິບັດລະບຽບຂອງໂຮງຮຽນຢ່າງເຂັ້ມງວດ, ຕັ້ງໜ້າຝືກຝົນຮໍ່າຮຽນເອົາຄວາມຮູ້ຄວາມສາມາດທີ່ທາງຄູອາຈານສິດສອນໃຫ້, ກໍາໃຫ້ໄດ້ບົດຮຽນ ແລະ ວິທີປະຕິບັດຕົວຈິງ ເພື່ອນໍາໄປຈັດຕັ້ງໝູນໃຊ້ເຂົ້າໃນການເຮັດວຽກງານວິຊາສະເພາະຕົວຈິງ ໃຫ້ມີປະສິດທິຜົນດີຂື້ນເລື້ອຍໆ ເພື່ອເຮັດໃຫ້ທົ່ວແຂວງມີຄວາມສະຫງົບປອດໄພ ແລະ  ສ້າງໃຫ້ໃຫ້ກຳລັງປ້ອງກັນຄວາມສະຫງົບປະຊາຊົນມີການເຕີບໃຫ່ຍຂະຫຍາຍຕົວຢ່າງບໍ່ຢຸດຢັ້ງ.