​      ໃນ​ວັນ​ທີ 9 ກໍລະກົດ ຢູ່​ສະ​ໂມ​ສອນ​ປົກຄອງ​ເມືອງ​ປາກ​ຊັນ ​ໄດ້​ຈັດ​ພິທີ​ປະກາດ​ການຈັດ​ຕັ້ງ​ບາງ​ຫ້ອງການ​ພາຍ​ໃນ​ເມືອງ​ປາກ​ຊັນ ​​ເປັນ​ກຽດ​ເຂົ້າ​ຮ່ວມ​ໂດຍທ່ານ ບຸນ​ຍູ້ ພົມມະ​ວົງສາ ກຳມະການ​ພັກ​ແຂວງ ​ເລຂາ​ພັກ​ເມືອງ ​ເຈົ້າ​ເມືອງ​ປາກ​ຊັນ, ທ່ານ ຄຳ​ກອງ ລາວ​ລີ່ ຮອງ​ຫົວໜ້າ​ພະ​ແນ​ກພາຍ​ໃນ​​ແຂ​ວງບໍລິຄຳໄຊ, ມີ​ບັນດາ​ທ່ານ ຕາງໜ້າ​ໃຫ້​ແກ່​ພາກສ່ວນຕ່າງໆ​ ເຂົ້້າຮ່ວມ.

       ​ໃນ​ພິທີ ​ໄດ້​ຜ່ານ​ຂໍ້​ຕົກລົງ​ຂອງ​ທ່ານ​ເຈົ້າ​ເມືອງ​ປາກ​ຊັນ​ ສະບັບ​ເລກທີ 260/ມປຊ, ລົງ​ວັນ​ທີ 3 ກໍລະກົດ 2018 ວ່າ​ດ້ວຍ​ການ​ແຕ່ງ​ຕັ້ງຫົວໜ້າຫ້ອງການ​ພາຍ​ໃນ​ເມືອງ​ປາກ​ຊັນ ​ຕົກລົງເຫັນ​ດີ​ແຕ່ງ​ຕັ້ງທ່າ​ນ ​ແກ້ວ​ວິ​ໄລ ​ໄຊ​ຍະ​ຈັກ ​ເປັນ​ຫົວໜ້າ​ຫ້ອງການ​ພາຍ​ໃນ​ເມືອງ​ປາກ​ຊັນ ​ແລະ ​ຜ່ານ​ຂໍ້​ຕົກລົງ​ຂອງ​ທ່ານ​ເຈົ້າ​ເມືອງ​ປາກ​ຊັນ​ ສະບັບ​ເລກທີ 272/ມປຊ, ລົງ​ວັນ​ທີ 6 ກໍລະກົດ 2018 ວ່າ​ດ້ວຍ​ການ​ແຕ່ງ​ຕັ້ງຮອງຫົວໜ້າຫ້ອງການ​​ໂຄສະນາ ​ອົບຮົມ​ເມືອງ​ປາກ​ຊັນ ຕົກລົງ​ເຫັນ​ດີ​ແຕ່ງ​ຕັ້ງ ນາງ ຄຳ​ມ່ວນ ຫຼວງ​ລາດ ​ເປັນຮອງຫົວໜ້າຫ້ອງການ​​ໂຄສະນາອົບຮົມ​ເມືອງ​ປາກ​ຊັນ.

     ການຕົກລົງແຕ່ງຕັ້ງພະນັກງານນຳພາຄຸ້ມຄອງຄັ້ງນີ້ ກໍ່ເພື່ອເປັນການຊັບຊ້ອນ ຈັດວາງພະນັກງານໃສ່ກັບໜ້າວຽກໃຫ້ມີຄວາມເໝາະສົມ ແລະ ຄ່ອງຕົວ ເພື່ອເຮັດສຳເລັດທຸກໜ້າທີ່ວຽກງານ ທີ່ການຈັດຕັ້ງພັກ - ລັດຂັ້ນເທີງ ກໍ່ຄືປະຊາຊົນມອບໝາຍໃຫ້.