ຕອນບ່າຍວັນທີ 06 ກໍລະກົດ 2018 ບໍລິສັດ ສະຕາໂທລະຄົມ ຈໍາກັດ ສາຂາແຂວງບໍລິຄໍາໄຊ, ບ້ານ ໂພນໄຊ ເມືອງປາກຊັນ ແຂວງບໍລິຄໍາໄຊ ໄດ້ຈັດກິດຈະກໍໍາ ແຫ່ຄາລາວານ ເປີດເຄືອຂ່າຍ 4G ດ້ວຍລົດຈັກ ຂະບວນແຫ່ດັ່ງກ່າວໄດ້ເລີ່ມຈາກຫ້ອງການ ສາຂາຂອງ Unitel ໄປຕາມເສັ້ນທາງຫຼັກໃນຕົວເມືອງປາກຊັນ ລວມໄລຍະທາງກວ່າ 20 ກິໂລແມັດ, ປັດຈຸບັນ Unitel ສາຂາ ແຂວງ ບໍລິຄໍາໄຊ ໄດ້ຂະຫຍາຍເຄືອຂ່າຍໂທລະຄົມທີ່ກວ້າງຂວາງ ເຊິ່ງສາມາດຂະຫຍາຍໄດ້ຫຼາຍກວ່າ 273 ສະຖານີ ໃນນັ້ນ 2G ມີ 121 ສະຖານີ, 3G ມີ 134 ສະຖານີ, 4G ມີ 70 ສະຖານີ ແລະ ລະບົບສາຍສົ່ງແກ້ວໄຍແສງຫຼາຍກວ່າ 1.337 ກິໂລແມັດ. ສັນຍານເຂດປົກຄຸມກວມ 100% ບັນດາເມືອງ, 94,85% ຂອງພົນລະເມືອງທົ່ວແຂວງ, ມີຊ່ອງທາງຈໍາໜ່າຍທີ່ກວ້າງຂວາງ, ມີ 05 ປ່ອງບໍລິການ, ມີຮ້ານຕົວແທນຈໍາຫນ່າຍ ແລະ ຈຸດຂາຍຍ່ອຍ 1.100 ຮ້ານ ແລະ ມີສ່ວນແບ່ງຕະຫຼາດກວມໄດ້ 52%.

          ກິດຈະກໍາເປີດເຄືອຂ່າຍ 4G ຂອງເຄືອຂ່າຍ Unitel ໄດ້ຈັດຂື້ນໃນລະຫວ່າງ ເດືອນມິຖຸນາ ແລະ ເດືອນກໍລະກົດ 2018 ໂດຍການຈັດກິດຈະກໍາດັ່ງກ່າວໄດ້ມີການຈັດຕັ້ງຢ່າງເປັນຂະບວນ ນັບແຕ່ພາກໃຕ້ ແຂວງອັດຕະປື ຈົນເຖິງພາກເໜືອແຂວງຜົ້ງສາລີ, ຈັດຕັ້ງທຸກໆແຂວງ ເພື່ອສະແດງໃຫ້ເຫັນວ່າ ຂອບເຂດການຂະຫຍາຍຂອງ Unitel ໂດຍສະເພາະແມ່ນການສະໜອງເຄືອຂ່າຍ 4G ແມ່ນສາມາດສະໜອງບໍລິການໄດ້ໃນຂອບເຂດທົ່ວປະເທດ ທັງນີ້ກໍ່ເພື່ອອໍານວຍຄວາມສະດວກໃຫ້ແກ່ການສື່ສານໄດ້ຮັບຄວາມສະດວກສະບາຍບໍ່ຂາດການຕິດຕໍ່ ເພື່ອຮັບປະກັນໃນການຂະຫຍາຍລະບົບ 4G ດັ່ງກ່າວນີ້, ຕະຫຼອດໄລຍະຜ່ານມາ Unitel ແມ່ນໄດ້ລົງທຶນສຸມໃສ່ໃນການຂະຫຍາຍສູນສະຖານີມືຖືໃນຂອບເຂດທົ່ວປະເທດ, ປະຈຸບັນມີປະມານ 6.000 ສະຖານນີ 2G/3G/4G ທົ່ວປະເທດ, ລະບົບສາຍສົ່ງດ້ວຍສາຍແກ້ວໄຍແສງ ແຕ່ເໜືອ ເຖິງໃຕ້ຍາວປະມານ 30.000 ກິໂລແມັດ, ສັນຍານຄວບຄຸມເຖິງ 100% ບັນດາເມືອງ, ມີຈໍານວນລູກຄ້ານໍາໃຊ້ມືຖືເຖິງ 2,9 ລ້ານຄົນ, ສ່ວນແບ່ງຕະຫຼາດປະມານ 52% ປະກອບສ່ວນເສຍພັນທະໃຫ້ລັດຖະບານເຖິງ 350.000.000 ໂດລາ ສະຫະລັດ, ລະບົບຊ່ອງທາງຈັດຈໍາໜ່າຍກວ້າງຂວາງດ້ວຍ 143 ສູນບໍລິການທົ່ວປະເທດ ແລະ ຮ້ານຈຸດຂາຍກວ່າ 20.000 ຮ້ານ, ປະກອບສ່ວນການນໍາເອົາຂະແໜງໂທລະຄົມລົງສູ່ທຸກພື້ນທີ່ຫ່າງໄກຊອກຫຼີກ ເພື່ອເຮັດໃຫ້ປະຊາຊົນສາມາດນໍາໃຊ້ບໍລິການໄດ້.

          ດ້ານການບໍລິການ Unitel ກໍ່ອອກແບບ ບໍລິການ ທີ່ສະໜອງໄດ້ຕາມຄວາມຕ້ອງການຂອງສັງຄົມ ເຊິ່ງເປັນເຄື່ອຂ່າຍດຽວທີ່ເຮັດໃຫ້ການນໍາໃຊ້ອິນເຕີເນັດຢ່າງມີຄຸນຄ່າ ແລະ ປະຢັດທີ່ສຸດໂດຍບໍ່ເສຍຄ່າດາຕາ (Data) ເລີຍເຊັ່ນ: ການສະໜອງເວັບໄຊ ຂ່າວສານລວມທຸກຂໍ້ມູນທີ່ເດັດໆ, ສໍາຄັນໃນສັງຄົມ, ແອັບແຊັດ ທີ່ຊື່ວ່າ: ໂມຈ່າ (Mocha application ) ສາມາດສົ່ງຂໍ້ຄວາມຕົວໜັງສື, ສົ່ງເປັນຮູບພາບ, ສະຕິກເກີ້, ສົ່ງເພງ ຫຼື ຟັງເພງຮ່ວມກັນກໍ່ໄດ້, ແອັບເພງ (Keeng application) ເປັນການສະໜອງຄວາມບັນເທີງດ້ານສຽງເພງ, ຟັງເພງໃຫມ່ໆ, ມ່ວນໆ ໂດຍຜ່ານ ແອັບດັ່ງກ່າວ, ນອກຈາກນີ້ກໍ່ຍັງອອກແບບບໍລິການເກັບຄ່າບໍລິການທີ່ຕໍ່າ, ຫຼີກລ່ຽງການຕັດຫົວໜ່ວຍ ດາຕ້າ ເຊິ່ງຈະເຮັດໃຫ້ປະຢັດເຊັ່ນກັນຄື: ແວັບໄຊ ເບິ່ງຮູບເຫງົາແບບອອນໄລ (Play HD), ແອັບມ່ວນຫຼາຍ (Muanlainapplication) ສະໜອງບໍລິການເບິ່ງໂທລະພາບແບບອອນໄລ ຫຼື ວິທະຍຸ, ເບິ່ງຄລິບຕ່າງໆອັບເດດທຸກໆມື້ ແລະ ບັນດາແອັບອື່ນໆອີກ ເບິ່ງຂໍ້ມູນລາຍລະອຽດໄດ້ທີ່ເວັບໄຊ Unitel (www.unitel.com.la).