ໃນ​ຕອນ​ເຊົ້າ​ວັນ​ທີ 06 ກໍລະກົດ 2018 ຢູ່​ທີ່​ສະ​ໂມ​ສອນຂອງ​ກອງພັນ​ນ້ອຍ 291 ໄດ້​ມີພິທີ ມອບ - ຮັບ​ເຄື່ອງຊ່ວຍເຫລືອຮັບ​ໃຊ້​ຫ້ອງການ​ປະ​ເພດ ຄອມ​ພິວ​ເຕີ (Computer) ຈຳນວນ 01 ​ຊຸດ ລວມມູນ​ຄ່າ 2,500,000 ກີບ ຈາກ​ສະ​ຖາ​ບັນ​ການ​ເງີ​ນຈຸ​ລະ​ພາກ​ທີ່​ບໍ່ຮັບ​ເງີ​ນຝາກ ສາຂາປາກ​ຊັນ ມອບໂດຍ ​ທ່ານ ​ກົງ​ຈັນ ດວງ​ສົງຄາມ ຜູ້ອຳ​ນວຍ​ການສະ​ຖາ​ບັນ​ການ​ເງີ​ນຈຸ​ລະ​ພາກ​ທີ່​ບໍ່ຮັບ​ເງີ​ນຝາກ ສາຂາປາກ​ຊັນ ​ແລະ ກ່າວ​ຮັບ​ໂດຍ​ສະຫາຍ ພັນ​​ໂທ ​ຄຳ​ປີ່​ງ ຄູນ​ສົມ​ເຮືອງ ​ເລຂາ​ຄະນະ​ພັກ ຫົວໜ້າ​ການ​ເມືອງ​ກອງພັນ​ນ້ອຍ 291 ພ້ອມດ້ວຍ​ຄະນະ​ ໂດຍ​ການ​ຊ້ອງ​ໜ້າ​ພະນັກງານ-​ນັກຮົບ​ທັງ​ສອງ​ຝ່າຍ​ເຂົ້າ​ຮ່ວມ.

​    ການມອບເຄື່ອຮັບໃຊ້ຫ້ອງການ ໃຫ້ແກ່ກອງພັນນ້ອຍ 291 ຄັ້ງນີ້ ກໍ່ເພື່ອເປັນການກະຕຸກຊຸກຍູ້ວຽກງານ ປ້ອງກັນຊາດ ໃຫ້ຖືກຈັດຕັ້ງປະຕິບັດໄດ້ຢ່າງຄ່ອງຕົວ, ມີຄວາມເປັນທັນສະໄໝ ແລະ ທ່ວງທັນກັບສະພາບການ, ໃນ​ໂອ​ກາດ​ດັ່ງກ່າວ ສະຫາຍ ພັນ​​ໂທ ​ຄຳ​ປີ່​ງ ຄູນ​ສົມ​ເຮືອງ ກໍ່​ໄດ້​ຕາງໜ້າ​​ໃຫ້​ພະນັກງານ-ນັກຮົບ​ໃນ​ກົມ​ກອງ​ກ່າວ​ສະ​ແດງ​ຄວາມ​ຂອບ​ໃຈ​ ມາຍັງສະຖາບັນການເງີນຈຸລະພາກ ທີ່ບໍ່ຮັບເງີນຝາກ ສາຂາປາກຊັນ ທີ່​ເຫັນໄດ້​ຄວາມ​ໝາຍ​ຄວາມ​ສຳຄັນ ແລະ ​ໄດ້​ໃຫ້ການ​ຊ່ວຍ​ເຫຼືອ, ສັນຍາວ່າ  ຈະ​ປົກ​ປັກ​ຮັກສາ  ນຳ​ໃຊ້ເຄື່ອງຄອມ​ພິວ​ເຕີດັ່ງກ່າວ​ ເຂົ້າ​ໃນ​ວຽກ​ງານ​ລວມຕົວ​ຈີ​ງຂອງ​ກົມ​ກອງ​ໃຫ້​ເກີດ​ຜົນ​ປະ​ໂຫຍ​ດອັນ​ສູງ​ສຸດ ​ແລະ ຈະ​ສືບ​ຕໍ່​ຮັດ​ແໜ້ນ​ຄວາມ​ສາມັກຄີ​ບົນ​ພື້ນຖານການ​ຊ່ວຍ​ເຫຼືອ​ເຊີ່ງ​ກັນນີ້ໄປນານແສນນານ.