ໃນວັນທີ 13 ມີຖຸນາ ປີ 2018 ກອງພັນໃຫ່ຍ 642 ໄດ້ເປີດກອງປະຊຸມສະຫຼຸບຖອດຖອນບົດຮຽນວຽກງານເສນາທິການປະຈຳ 6 ເດືອນຕົ້ນປີ 2018 ໂດຍພາຍໃຕ້ການເປັນປະທານຂອງທ່ານ ພັອ ອຸ່ນເຮືອນ ສີຈັນເດືອນ ຮອງເລຂາຄະນະພັກ ຫົວໜ້າການທະຫານກອງພັນໃຫ່ຍ 642 ພ້ອມດ້ວຍຄະນະ, ມີບັນດາສະຫາຍພະນັກງານຫຼັກແຫຼ່ງ, ພະນັກງານຜູ້ຮັບຜິດຊອບວຽກງານເສນາທິການທົ່ວກົມເຂົ້າຮ່ວມ.

         ໃນພິທີສະຫາຍ ພັທ ຈັນທອນ ຄຳປັນຍາ ຄະນະພັກ, ຮອງຫົວໜ້າພະແນກເສນາທິການ ກໍ່ໄດ້ຂື້ນຜ່ານບົດສະຫຼຸບວຽກງານເສນາທິການໃນ 06 ເດືອນຜ່ານມາ ໂດຍຍົກໃຫ້ເຫັນບັນດາຜົນງານດ້ານຕ່າງໆທີ່ປິ່ນອ້ອມ ເປັນຕົ້ນແມ່ນວຽກງານກຽມພ້ອມສູ້ຮົບ, ກົມກອງໄດ້ຈັດຕັ້ງມີລະບົບປະຈຳການແຕ່ລະຂັ້ນຢ່າງເຂັ້ມງວດ ແລະ ສາມາດຮັບປະກັນໄດ້ໃນກໍລະນີສູ້ຮົບທັງ 2 ດ້ານ ( ທາງອາກາດ ແລະ ທາງໜ້າດີນ ) ໄປພ້ອມກັບການປະສານສົມທົບແໜ້ນກັບກຳລັງປ້ອງກັນຊາດ ປ້ອງກັນຄວາມສະຫງົບຂອງທ້ອງຖີ່ນ ເຮັດໃຫ້ຂອບເຂດກົມກອງຕັ້ງທັບມີຄວາມສະຫງົບໂດຍພື້ນຖານ, ໄປຄຽງຄູ່ວຽກງານດັ່ງກ່າວ ກົມກອງຍັງໄດ້ຈັດຕັ້ງການຝຶກອົບຮົບຫັດແອບວຽກງານວິຊາສະເພາະເຫຼົ່າຮົບປ້ອງກັນອາກາດເປັນບັນຫາຕົ້ນຕໍ ແລະ ອົບຮົມຫັດແອບວິຊາທະຫານລາບເປັນບັນຫາສຳຄັນ ແນໃສ່ຮັບປະກັນໄດ້ວຽກງານກຽມພ້ອມສູ້ຮົບ ແລະ ສູ້ຮົບໄດ້ໃນເມື່ອມີສະພາບການ.