ກອງປະຊຸມແລກປ່ຽນ - ຖອດຖອນບົດຮຽນການຈັດຕັ້ງປະຕິບັດວຽກງານສັນຕິບານ ລະຫວ່າງ ຫ້ອງສັນຕິບານ ກອງບັນຊາການ ປກສ ແຂວງບໍລິຄໍາໄຊ ກັບ ຫ້ອງສັນຕິບານ ກອງບັນຊາການ ປກສ ແຂວງຄໍາມ່ວນ ໄດ້ໄຂຂຶ້ນຢ່າງເປັນທາງການ ໃນຕອນເຊົ້າ ວັນທີ 9 ພືດສະພາ 2018 ຢູ່ທີ່ຫ້ອງປະຊຸມນ້ອຍ ກອງບັນຊາການ ປກສ ແຂວງບໍລິຄໍາໄຊ, ໂດຍການເປັນປະທານຂອງທ່ານ ພັນໂທ ຜາຂົງ ດອກມະນີຈັນ ປະທານກວດກາອົງຄະນະພັກ ຮອງຫົວໜ້າກອງບັນຊາການ ປກສ ແຂວງບໍລິຄໍາໄຊ, ມີທ່ານພັນໂທ ຄໍາພອນ ສີກຸມພົນ ຄະນະພັກ ຮອງຫົວໜ້າກອງບັນຊາການ ປກສ ແຂວງຄໍາມ່ວນ, ມີບັນດາຄະນະຫ້ອງສັນຕິບານ, ຫົວໜ້າກອງບັນຊາການ ປກສ ເມືອງ, ຫົວໜ້າພະແນກ, ຮອງພະແນກ, ພາກສ່ວນທີ່ກ່ຽວຂ້ອງທັງ 02 ກອງບັນຊາການ ປກສ ແຂວງ ເຂົ້າຮ່ວມ.

         ໃນທີ່ປະຊຸມ ທັງສອງຝ່າຍໄດ້ພັດປ່ຽນກັນລາຍງານສະພາບການຈັດຕັ້ງປະຕິບັດວຽກງານສັນຕິບານ ກໍ່ຄືວຽກປ້ອງກັນຄວາມສະຫງົບໄລຍະ 01 ປີຜ່ານມາ ເຊີ່ງມີຫລາຍຜົນງານທີ່ພົ້ນເດັ່ນ ເຊັ່ນ: ເຮັດບົດສະຫຼຸບລາຍງານສະພາບໃຫ້ຫ້ອງການປ້ອງກັນຊາດ-ປ້ອງກັນຄວາມສະຫງົບ ແລະ ກະຊວງໄດ້1.514ຄັ້ງ, ກວດກາເອກະສານຂໍຂື້ນທະບຽນອາວຸດຂອງພະນັກງານ ແລະນັກທຸລະກິດໄດ້ 72 ຊຸດ, ກວດກາເອກະສານເຂົ້າພັກໄດ້ 682 ສະບັບ, ປ້ອງກັນຜູ້ນຳພັກ-ລັດ, ຂັ້ນສູນກາງ, ຂັ້ນແຂວງ, ແຂກທັງພາຍໃນ ແລະ ຕ່າງປະເທດໄດ້ 62 ຄັ້ງ,  ລົງແກ້ໄຂບັນຫາສາສະໜາໄດ້ 12 ຄັ້ງ, ໃນ 01 ປີຜ່ານມາມີຄະດີເກີດຂື້ນທັງໝົດ34 ລາຍ, ຜູ້ຖືກຫາ 47 ຄົນ, ຍິງ 06 ຄົນ, ລວມມີ 03 ສັນຊາດ ສົ່ງໄອຍະການສັ່ງຟ້ອງສານຕັດສີນຈໍານວນ 11 ລາຍ, ຜູ້ຖືກຫາ 13 ຄົນ, ຍິງ02 ຄົນ, ຈັດສົ່ງຜູ້ຖືກຫາກັບຄືນປະເທດໄດ້ 05 ຄັ້ງ, ຜູ້ຖືກຫາ 06 ຄົນ, ເກັບກຳສະຖິຕິເຄືອຂ່າຍອີນເຕີເນັດແລະ ຂໍ້ມູນຂ່າວສານທາງອີນເຕີເນັດໄດ້ 1.560 ຄັ້ງ,  ໄດ້ສົມທົບກັບກໍາລັງປ້ອງກັນຊາດເກັບກູ້ອາວຸດຢູ່ເທດສະບານເມືອງວຽງທອງໄດ້ຈໍານວນ 410 ກະບອກ, ຂື້ນບັນຊີ ແລະ ຄຸ້ມຄອງອາວຸດເສີກຕາມສໍານັກງານ-ອົງການຕ່າງໆຈໍານວນ 769 ກະບອກ, ເກັບກຳສະຖິຕິມົ້ງຫວຽດນາມອົບພະຍົບມາຢູ່ແຂວງບໍລິຄໍາໄຊ ແລະ ຄໍາມ່ວນຈໍານວນ 622 ຄອບຄົວ ມີ 4.234ຄົນ, ຍິງ2.064 ຄົນ, ເກັບກໍາສະຖິຕິຄົນຕ່າງປະເທດເຂົ້າມາດໍາເນີນທຸລະກິດ ແລະ ປະກອບອາຊີບຕ່າງໆຢູ່ແຂວງບໍລິຄໍາໄຊ ແລະ ຄໍາມ່ວນ ຈໍານວນ 5.539 ຄົນ, ຍິງ834ຄົນ, ມີ 25 ສັນຊາດ, ອອກບັດອະນຸຍາດພັກເຊົາຊົ່ວຄາວໃຫ້ຄົນຕ່າງປະເທດໄດ້ 3.739ຄົນ, ຍິງ 525 ຄົນ, ອອກບັດປັບສະຖານະພາບໄດ້ 1.725 ຄົນ. ຍິງ 113 ຄົນ, ສຳລະສະສາງ 1.254 ຄົນ, ຍິງ 435 ຄົນ, ອອກປື້ມຜ່ານແດນໄປໄທ ແລະ ຫວຽດນາມໄດ້ 1.588 ຫົວ, ຕໍ່ປື້ມຜ່ານແດນໄດ້ 2.835 ຫົວ, ເກັບກຳສະຖິຕິຄົນເຂົ້າ-ອອກເມືອງ ຈຳນວນ 423.322 ຄົນ, ຍິງ 205.352 ຄົນ, ເດັກ 9.823 ຄົນ, ພາຫະນະເຂົ້າ-ອອກເມືອງທັງໝົດ 257.922 ຄັນ, ເຮືອເຂົ້າ-ອອກ9.479ຖ້ຽວລຳ,  ຂື້ນສະຖິຕິແລະຄຸ້ມຄອງບັນດາໂຄງການລົງທືນຕ່າງໆພາຍໃນມີ341ບໍລິສັດ, ໂຄງການລົງທືນຕ່າງປະເທດ432ບໍລິສັດ, ໄດ້ສົມທົບກັບອໍານາດການປົກຄອງເມືອງລົງແກ້ໄຂບັນຫາການຕັ້ງສະນໍາໄດ້38ຄັ້ງ, ເອົາໃຈໃສ່ຄຸ້ມຄອງບັນດາໂຮງແຮມ, ເຮືອກພັກ ແລະ ສະຖານທີ່ບັນເທິງຢ່າງເປັນປົກກະຕິ, ເກັບກຳສະຖິຕິນັກທ່ອງທ່ຽວ ແລະ ແຂກທີ່ມາພັກເຊົາທັງໝົດ 9.372 ຄົນ, ຍິງ 1.651 ຄົນ. ສ່ວນວຽກງານດ້ານອື່ນໆ ກໍ່ສາມາດເຮັດສຳເລັດຢ່າງມີປະສິດທິຜົນ, ບັນດາຜູ້ແທນກອງປະຊຸມກໍ່ໄດ້ປະກອບຄໍາຄິດຄຳເຫັນຕໍ່ບົດລາຍງານ ແລະ  ບົດບັນທືກຊ່ວຍຈໍາ ເພື່ອເປັນເອກະພາບກັນ, ຫຼັງຈາກນັ້ນທັງສອງຝ່າຍກກໍ່ໄດ້ລົງນາມເຊັ່ນບົດບັນທືກຊ່ວຍຈໍາເພື່ອຮັກສາໄວ້ເປັນຫຼັກຖານ ແລະ ພ້ອມກັນນໍາໄປຈັດຕັ້ງເຄື່ອນໄຫວວຽກງານສັນຕິບານກໍ່ຄືວຽກງານປ້ອງກັນຄວາມສະຫງົບຢູ່ແຕ່ລະທ້ອງຖິ່ນຂອງຕົນໃຫ້ມີປະສິດທິຜົນສູງແນ່ໃສ່ເຮັດໃຫ້ທົ່ວແຂວງ ມີສະຖຽນລະພາບທາງດ້ານການເມືອງ, ມີຄວາມສະຫງົບປອດໄພດີ ແລະ ແຕ່ລະປີທັງ 02 ກອງບັນຊາການກໍ່ຈະໄດ້ພັດປ່ຽນກັນເປັນເຈົ້າພາບຈັດກອງປະຊຸມ ຖອດຖອນ ແລະ ແລກປ່ຽນບົດຮຽນ ຢ່າງເປັນປະຈໍາໃນທຸກໆປີ.