ເພື່ອ​ເປັນ​ການ​ຊ່ວຍ​ເຫຼືອ​ບັນ​ເທົາ​ທຸກ ​ແລະ ​ເຫັນ​ໄດ້​ດ້ານ​ມະນຸດສະທຳ ໃນ​ລະຫວ່າງ​ວັນ​ທີ 27-28 ກຸມພາ 2018 ທ່ານ ນາງ ​ແອ​ງ ​ໄຊ​ສົງ​ຄົມ ປະທານ​ກອງ​ທືນໜຶ່ງ​ດວ​ງ​ໃຈ​ບໍລິ​ຄຳ​ໄຊ​ຊ່ວຍ​ເຫຼືອ​ສັງຄົມ ພ້ອມ​ດ້ວຍ​ຄະນະ ​ໄດ້​ລົງ​ມອບ​ເຄື່ອງ​ຊ່ວຍ​ເຫຼືອ​ໃຫ້​ແກ່​ຄອບຄົວ​ທຸກ​ຍາກອານາ​ຖາ ຢູ່​ເມືອງ​ຄຳ​ເກີດ​ ແຂວງ​ບໍລິ​ຄຳ​ໄຊ.

     ​ເຄຶ່ອງທີ່​ນຳ​ມາ​ມອບ​ຄັ້ງ​ນີ້​ປະກອບ​ມີ: ຜ້າ​ຫົ່ມ, ​ເຄື່ອງນຸ່ງ ​ແລະ ​ເຂົ້າສານ ​ເຊິ່ງປະກອບມີ 8 ກຸ່ມ​ບ້ານ 200 ກວ່າ​ຄອບຄົວ ​ແລະ ຄອບຄົວ​ອານາ​ຖາ 8 ຄອບຄົວ ​ໃນ​ນັ້ນ​ມີ​ຄື: ກຸ່ມ​ບ້ານໜອງ​ກອງ ມີ 4 ບ້ານ 27 ຄອບຄົວ: ບ້ານ​ໂພນ​ລົມ 2 ຄອບຄົວ, ບ້ານ​ໂພນ​ງາມ 5 ຄອບຄົວ, ບ້ານ​ນາ​ຄຳ 13 ຄອບຄົວ; ກຸ່ມ​ບ້ານ​ໂພນ​ຕານ​ ມີ 5 ບ້ານ 12 ຄອບຄົວ: ບ້ານ​ໂພນ​ຕານ 3 ຄອບຄົວ, ບ້ານ​ປຸ່ງ​ປ່າ​ຕາວ 3 ຄອບຄົວ, ບ້ານ​ປ່າ​ຄາ 1 ຄອບຄົວ, ບ້ານ​ທ່າ​ສາລາ 2 ຄອບຄົວ; ກຸ່ມ​ບ້ານ​ຄຳ​ມ່ວນ ມີ 6 ບ້ານ 26 ຄອບຄົວ: ບ້ານ​ຫ້ວຍ​ແກ້ວ 3 ຄອບຄົວ, ບ້ານ​ດົງ​ບັງ 3 ຄອບຄົວ, ບ້ານ​ຄຳ​ມ່ວນ 6 ຄອບຄົວ, ບ້ານ​ດອນ​ສາດ 7 ຄອບ​ຄົວ, ບ້ານ​ໂພນ​ທອງ 4 ຄອບຄົວ; ກຸ່ມ​ບ້ານ​ທົ່ງ​ແສນ ​ມີ 7 ບ້ານ 34 ຄອບຄົວ: ບ້ານ​ວັງ​ຜາ 7 ຄອບຄົວ, ບ້ານ​ນ້ຳ​ເດີນ 3 ຄອບຄົວ, ບ້ານ​ໜອງ​ເມກ 4 ຄອບຄົວ, ບ້ານ​ໂພນ​ສີ 6 ຄອບຄົວ, ບ້ານ​ກໍ​ໄຮ 3 ຄອບຄົວ, ບ້ານ​ໂພນ​ວິ​ໄລ 5 ຄອບຄົວ, ບ້ານ​ໂພນ​ສະອາດ 6 ຄອບຄົວ; ກຸ່ມ​ບ້ານ​ເທດສະບານ​ເມືອງ ​ມີ 8 ບ້ານ 40 ຄອບຄົວ: ບ້ານ​ທົ່ງ​ຈະ​ເລີ​ນ 4 ຄອບຄົວ, ບ້ານ​ຫຼັກຊາວ 5 ຄອບຄົວ, ບ້ານ​ຫ້ວຍ​ແກ້ວ 4 ຄອບຄົວ, ບ້ານ​ອຸດົມ 4  ຄອບຄົວ, ບ້ານ​ໂພນ​ເມືອງ​ນ້ອຍ 5 ຄອບຄົວ, ບ້ານ​ໂພນ​ໂຮງ 7 ຄອບຄົວ, ບ້ານ​ໜອງ​ດົງ 4 ຄອບຄົວ, ບ້ານ​ນ້ຳ​ພາວ 7 ຄອບຄົວ; ກຸ່ມ​ບ້ານ​ທົ່ງ​ແຄະ ມີ 5 ບ້ານ 32 ຄອບຄົວ: ບ້ານ​ວັງ​ກໍ່ 4 ຄອບຄົວ, ບ້ານ​ທົ່ງ​ແຄະ 9 ຄອບຄົວ, ບ້ານ​ນາ​ໄຮ 4 ຄອບຄົວ, ບ້ານ​ນາ​ເມືອງ 2 ຄອບຄົວ, ບ້ານ​ນາ​ທອນ 13 ຄອບຄົວ; ກຸ່ມ​ທ່າ​ແວ້​ງ ມີ 5 ບ້ານ 18 ຄອບຄົວ: ບ້ານ​ທົ່ງ​ວຽງ​ຄຳ 3 ຄອບຄົວ, ບ້ານ​ນາ​ຈະ​ໄຫຼ້ 3 ຄອບຄົວ, ບ້ານ​ໂພນ​ແພງ 2 ຄອບຄົວ, ບ້ານ​ທ່າ​ແວ້​ງ 6 ຄອບຄົວ, ບ້ານຊຳ​ເຕີຍ 4 ຄອບຄົວ; ກຸ່ມ​ໜອງ​ອໍ້-ນາ​ແປ່ ມີ 5 ບ້ານ 28 ຄອບຄົວ: ບ້ານ​ນາ​ຫາດ 6 ຄອບຄົວ, ບ້ານ​ນາ​ແປ້ 5 ຄອບຄົວ, ບ້ານ​ຫຼັກ​ຫ້າ 6 ຄອບຄົວ, ບ້ານ​ນາ​ເຮືອງ 6 ຄອບຄົວ, ບ້ານ​ຫຼັກ​ສິບ 5 ຄອບຄົວ, ​ໃນ​ນັ້ນ​ສຳລັບ​ຄອບຄົວ​ອານາ​ຖາ ບ້ານ​ກວນ​ຈັນ 1 ຄອບຄົວ, ບ້ານ​ໂພນ​ສະອາດ 3 ຄອບຄົວ, ບ້ານ​ວັງ​ຜາ 1 ຄອບຄົວ, ບ້ານ​ທົ່ງ​ແຄະ 2 ຄອບຄົວ ​ແລະ ບ້ານ​ນາ​ກະ​ໂດກ 1 ຄອບຄົວ​. ໂອກາດ​ນີ້​ອຳນາດ​ການ​ປົກຄອງ​ແຕ່​ລະ​ບ້ານ ​ໄດ້​ກ່າວ​ສະ​ແດງ​ຄວາມ​ຂອບ​ໃຈ ຕໍ່ກອງ​ທືນໜຶ່ງ​ດວງ​ໃຈ​ບໍລິ​ຄຳ​ໄຊ​ຊ່ວຍ​ເຫຼືອ​ສັງຄົມ ທີ່​ໄດ້​ນຳ​ເອົາ​ເຄື່ອງ​ຈຳນວນ​ດັ່ງກ່າວ ມາ​ມອບ​ໃຫ້​ບັນດາຄອບຄົວ​ຜູ້​ທຸກ​ຍາກ​ຂາດ​ເຂີນອານາ​ຖາ​ໃນ​ຄັ້ງ​ນີ້.

    ກອງທືນໜຶ່ງດວງໃຈ ບໍລິຄຳໄຊ ຊ່ວຍເຫຼືອສັງຄົມ ສ້າງຕັ້ງມາໄດ້ 2 ປີກ່ວາ ໂດຍໄດ້ຮັບການຊີ້ນຳຈາກຄະນະພັກແຂວງບໍລິ​ຄຳ​ໄຊ ສະມາຊິກໃນກອງທືນແມ່ນບັນດາພັນລະຍາການນຳຂອງແຂວງ, ມາຮອດປັດຈຸບັນ ກອງ​ທືນດັ່ງກ່າວ ໄດ້​ເຄື່ອນ​ໄຫວ​ຊ່ວຍ​ເຫຼືອສ້າງ-ສ້ອມ​ແປງໂຮງຮຽນໃນທົ່ວແຂວງ ໄດ້ 30 ກວ່າຫຼັງ ພ້ອມດຽວກັນນັ້ນຍັງໄດ້ຊ່ວຍເຫຼືອ ດ້ານອຸປະກອບນການແພດຈຳນວນ​ໜຶ່ງ ໃຫ້​ແກ່ໂຮງໝໍແຂວງ, ໂຮງໝໍທະຫານ, ໂຮງໝໍເມືອງ ແລະ ຊ່ວຍເຫຼືອຄອບຄົວທຸກ​ຍາກອານາຖາ, ສະມາຊິກ​ໃນກອງທືນ​ແມ່ນເຄື່ອນໄຫວດ້ວຍຄວາມສະມັກໃຈ ໂດຍບໍ່ໄດ້ຄິດເຖິງຜົນກຳໄລໃດໆ ຈຸດປະສົງຕົ້ນຕໍ ແມ່ນເພື່ອ​ແນ​ໃສ່ຮັບໃຊ້ປະຊາຊົນ​ໂດຍ​ກົງ.