ກອງປະຊຸມສະໄໝສາມັນ ເທື່ອທີ 4 ຂອງສະພາປະຊາຊົນແຂວງບໍລິຄໍາໄຊ  ຊຸດທີ I  ໄດ້ດຳເນີນແຕ່ ວັນທີ 22 – 26 ມັງກອນ 2018 ໂດຍພາຍໃຕ້ການເປັນປະທານ ຂອງທ່ານ ປອ ສຸວັນນີ ໄຊຊະນະ ປະທານສະພາປະຊາຊົນແຂວງ ໃນກອງປະຊຸມໄດ້ຄົ້ນຄວ້າ ພິຈາລະນາ ຮັບຮອງເອົາການສະເໜີໂຍກຍ້າຍ, ແຕ່ງຕັ້ງບຸກຄະລາກອນຂອງແຂວງ ຕາມການສະເໜີຂອງເຈົ້າແຂວງ.

         ກອງປະຊຸມ ໄດ້ເຫັນດີເປັນເອກະພາບ ຮັບຮອງເອົາການຍົກຍ້າຍ, ແຕ່ງຕັ້ງບຸກຄະລາກອນຂອງແຂວງ ຄື: ຮັບຮອງເອົາການຍົກຍ້າຍ ທ່ານ ພອນທິລາດ ທິດສາທອນ ຫົວໜ້າພະແນກແຜນການ ແລະ ການລົງທຶນແຂວງ ໄປຮັບໜ້າທີ່ໃໝ່ຢູ່ຫ້ອງວ່າການປົກຄອງແຂວງ, ຮັບຮອງເອົາການແຕ່ງຕັ້ງ ທ່ານ ເລື່ອນວິໄລ ຈັນທະລາພັນ ເຈົ້າເມືອງເມືອງບໍລິຄັນ ມາເປັນຫົວໜ້າພະແນກແຜນການ ແລະ ການລົງທຶນແຂວງຄົນໃໝ່ ແລະ ສະເໜີແຕ່ງຕັ້ງທ່ານ ພອນສະຫວັນ ຫອມນະບຸນລັດ ຮອງຫົວໜ້າພະແນກກະສິກຳແຂວງ ຂື້ນເປັນຫົວໜ້າພະແນກກະສິກຳ ແລະ ປ່າໄມ້ແຂວງ ແທນຫົວໜ້າຜູ້ເກົ່າອອກຜັກຜ່ອນຮັບເບ້ຍບຳນານ.