ກອງປະຊຸມໃຫ່ຍຄັ້ງທີ I ຂອງໜ່ວຍພັກພະແນກຈັດຕັ້ງ-ພະນັກງານ+ນະໂຍບາຍ-ປະກັນສັງຄົມ ຫ້ອງການເມືອງ ປກສແຂວງ ບໍລິຄໍາໄຊ ໄດ້ໄຂຂື້ນຢ່າງເປັນທາງການ ໃນຕອນເຊົ້າ ວັນທີ 25 ມັງກອນ 2018 ພາຍໃຕ້ການເປັນປະທານຂອງສະຫາຍ ພັນໂທ ບຸນນິດ ໂຮມຄະສິດ  ເລຂາໜ່ວຍພັກ ພະແນກຈັດຕັ້ງ-ພະນັກງານ+ນະໂຍບາຍ-ປະກັນສັງຄົມ ຮອງຫົວໜ້າຫ້ອງການເມືອງ, ເປັນກຽດເຂົ້າຮ່ວມຂອງສະຫາຍ ພັນໂທ ຄໍາໄມ ແກ່ນຄໍາຈັນ ຮອງປະທານກວດກາພັກກອງບັນຊາການ ຮອງຫົວໜ້າຫ້ອງການເມືອງ ປກສ ແຂວງ, ມີທ່ານ ພັນຕີ ກອງລະສັກ ສີສຸກລາດ   ຮອງຫົວໜ້າຫ້ອງການເມືອງ ຄະນະຊຸກຍູ້ກອງປະຊຸມໃຫ່ຍໜ່ວຍພັກ, ມີແຂກຖືກເຊີນ, ບັນດາສະມາຊິກພັກສົມບູນ-ສໍາຮອງເຂົ້າຮ່ວມ.

      ສະຫາຍ ພັນຕີ ແກ່ນຈັນ ແສງດາລາ   ຮອງເລຂາໜ່ວຍພັກ  ໄດ້ຕາງໜ້າໃຫ້ຄະນະໜ່ວຍພັກ ຂື້ນຜ່ານບົດລາຍງານການເມືອງ ເຊີ່ງສະຫາຍໄດ້ຍົກໃຫ້ເຫັນຜົນງານໃນການຈັດຕັ້ງປະຕິບັດໜ້າທີ່ວຽກງານຫຼາຍດ້ານ ເຊັ່ນ:  ດ້ານການເມືອງ-ແນວຄິດ: ໄດ້ຖຶເອົາການສືກສາອົບຮົມການເມືອງ-ແນວຄິດ ໃຫ້ຖັນແຖວພະນັກງານສະມາຊິກພັກ ເປັນບັນຫາສຳຄັນຕົ້ນຕໍ ພະນັກງານ-ນັກຮົບ ມີແນວຄິດ-ການເມືອງໜັກແໜ້ນ,   ມີລະບຽບວິໃນ , ເຊື່ອໝັ້ນຕໍ່ການນໍາພາຂອງພັກ, ເຄົາລົບລະບຽບກົດໝາຍຂອງລັດຢ່າງເຂັ້ມງວດ; ວຽກງານຈັດຕັ້ງພະນັກງານ: ໄດ້ສົ່ງນາຍ ແລະ ພົນຕໍາຫຼວດໄປຍົກລະດັບວິຊາສະເພາະທັງພາຍໃນ ແລະ ຕ່າງປະເທດ ຈໍານວນ 439 ສະຫາຍ, ຍິງ 48 ສະຫາຍ ໃນນັ້ນລະບົບຊັ້ນຕົ້ນ 166 ສະຫາຍ, ຊັ້ນກາງ 133 ສະຫາຍ, ຊັ້ນສູງ 100 ສະຫາຍ,  ປະລີນຍາຕີ 34 ສະຫາຍ, ປະລີນຍາໂທ 04 ສະຫາຍ, ປະລີນຍາເອກ 01 ສະຫາຍ. ສົ່ງພະນັກງານ-ນັກຮົບ ໄປຍົກລະດັບທິດສະດີການເມືອງ-ການປົກຄອງພາຍໃນ ແລະ ຕ່າງປະເທດ ຈໍານວນ 89 ສະຫາຍ, ໃນນັ້ນລະບົບບໍາລຸງຊັ້ນຕົ້ນ 65 ສະຫາຍ, ຊັ້ນກາງ 12 ສະຫາຍ, ຊັ້ນສູງ 06 ສະຫາຍ, ປະລີນຍາໂທ 01 ສະຫາຍ. ສັງລວມການເລື່ອນຊັ້ນໃຫ້ນາຍ ແລະ ພົນຕໍາຫຼວດຕາມການຕົກລົງຂອງກອງບັນຊາການ ຈໍານວນ 1.081 ສະຫາຍ, ຍິງ 161 ສະຫາຍ, ໃນນັ້ນ ຊັ້ນພັນໂທ 61 ສະຫາຍ, ຊັ້ນພັນຕີ 131 ສະຫາຍ, ຮ້ອຍເອກ 160 ສະຫາຍ, ຮ້ອຍໂທ 131 ສະຫາຍ, ຮ້ອຍຕີ 172 ສະຫາຍ, ວາທີຮ້ອຍຕີ 130 ສະຫາຍ, ສິບເອກ 160 ສະຫາຍ, ສິບໂທ 33 ສະຫາຍ, ສິບຕີ 74 ສະຫາຍ, ຊັ້ນ I  29 ສະຫາຍ. ວຽກງານນະໂຍບາຍ-ປະກັນສົງຄົມ:ໃນໄລຍະ 05 ປີຜ່ານມາ ໄດ້ປະຕິບັດນະໂຍບາຍການລາພັກໃຫ້ພະນັກງານ-ນັກຮົບທັງໝົດ ໄດ້ 225 ເທື່ອຄົນ, ປະກອບເອກະສານສະເໜີຂໍຮັບເບ້ຍບໍານານ ໄດ້ 20 ສະຫາຍ,  ແລ່ນເງີນອຸດໜູນກ່ອນເຂົ້າຮັບບໍານານໃຫ້ພະນັກງານ-ນັກຮົບໄດ້ 20 ສະຫາຍ ເປັນເງີນທັງໝົດ 638.499.540 ກີບ, ແລ່ນເງີນອຸດໜູນໃຫ້ຄອບຄົວນາຍ ແລະ ພົນຕໍາຫຼວດຜູ້ເສຍຊີວິດໄດ້ 09 ສະຫາຍ ເປັນເງີນທັງໝົດ 596.337.467 ກີບ, ແລ່ນເງີນອຸດໜູນລູກພະນັກງານເສຍຊີວິດ 02 ສະຫາຍ ເປັນເງີນ 14.964.780 ກີບ, ເງີນອຸດໜູນເມຍພະນັກງານເສຍຊີວິດ 03 ຄົນ ເປັນເງີນ 48.568.530 ກີບ, ປະກອບເອກະສານສະເໜີຂັ້ນເທິງອະນຸມັດໃຫ້ພະນັກງານ-ນັກຮົບ ສ້າງຄອບຄົວໄດ້ 260 ສະຫາຍ; ດ້ານວຽກງານປັບປຸງກໍ່ສ້າງພັກ ແລະ ພະນັກງານ: ສາມາດຂະຫຍາຍເອົາມາຫາຊົນກ້າວໜ້າຮຽນສະໜັບສະໜູນ 01  ສະຫາຍ,  ຮຽນກົດລະບຽບພັກ 02  ສະຫາຍ, ຍິງ 01 ສະຫາຍ, ເລື່ອນສະມາຊິກພັກສໍາຮອງ ເຂົ້າສົມບູນ  02 ສະຫາຍ, ຍິງ 01 ສະຫາຍ.  ຫຼັງຈາກຄະນະພັກຊຸດເກົ່າກ່າວອໍາລາໜ້າທີ່ ກໍ່ໄດ້ມີການປ່ອນບັດເລືອກຕັ້ງເອົາຄະນະໜ່ວຍພັກຊຸດໃໝ່ ໂດຍມີຜູ້ລົງສະໝັກ 5 ສະຫາຍ, ຜ່ານການປ່ອນບັດ ແລະ ຜົນກອງປະຊຸມຄັ້ງປະຖົມມະລືກ ໄດ້ເລືອກໄດ້ສະຫາຍ ພັນໂທ ບຸນນິດ ໂຮມຄະສິດ  ເປັນເລຂາໜ່ວຍພັກ,  ສະຫາຍ ພັນຕີ ແກ່ນຈັນ ແສງດາລາ  ເປັນຮອງເລຂາໜ່ວຍ ແລະ ສະຫາຍ ພັນໂທ   ຄໍາແພງ ໄຊທາວົງ ເປັນຄະນະປະທານກວດກາ.