ກອງປະຊຸມໃຫ່ຍຄັ້ງທີ I ຂອງໜ່ວຍພັກພະແນກ ຕມ ຫ້ອງສັນຕິບານກອງບັນການ ປກສ ແຂວງ ບໍລິຄໍາໄຊໄດ້ໄຂຂື້ນຢ່າງເປັນທາງການໃນຕອນເຊົ້າ ວັນທີ 17 ມັງກອນ 2018 ພາຍໃຕ້ການເປັນປະທານຂອງສະຫາຍ ພັນໂທ ບົວລອນ ສຸວັນນະລາ ເລຂາໜ່ວຍພັກ ພະແນກ ຕມ ຮອງຫົວໜ້າຫ້ອງສັນຕິບານ ປກສ ແຂວງ, ເປັນກຽດເຂົ້າຮ່ວມຂອງສະຫາຍ ພັນໂທ ເຄນວອນ ລໍວັນໄຊ ເລຂາພັກຮາກຖານຫົວໜ້າຫ້ອງສັນຕິບານ ປກສ ແຂວງ ມີທ່ານ ພັນໂທ ຄຳໄມ ແກ່ນຄຳຈັນ ຮອງປະທານກວດກາພັກ ຮອງຫົວໜ້າຫ້ອງການເມືອງ ປກສ ແຂວງ, ມີແຂກຖືກເຊີນ, ບັນດາສະມາຊິກພັກ ສົມບູນ-ສໍາຮອງ ພະແນກ ຕມ ເຂົ້າຮ່ວມ.

       ສະຫາຍ ພັນຕີ ສີຂັນໄຊ ໄຊມົນຕີ  ຮອງເລຂາໜ່ວຍພັກ ພະແນກ ຕມ ໄດ້ຕາງໜ້າໃຫ້ຄະນະໜ່ວຍພັກຂື້ນຜ່ານບົດລາຍງານການເມືອງ ເຊີ່ງສະຫາຍໄດ້ຍົກໃຫ້ເຫັນຜົນງານໃນການຈັດຕັ້ງປະຕິບັດໜ້າທີ່ວຽກງານຫຼາຍດ້ານ,  ດ້ານການເມືອງ-ແນວຄິດ ໄດ້ຖືເອົາການດຳເນີນຊີວິດການເມືອງໃຫ້ຖັນແຖວພະນັກງານສະມາຊິກເປັນບັນຫາສຳຄັນຕົ້ນຕໍ, ພະນັກງານສະມາຊິກພັກ ນັກຮົບ ມີລະບຽບວິໃນ , ເຊື່ອໝັ້ນຕໍ່ການນໍາພາຂອງພັກ, ເຄົາລົບລະບຽບກົດໝາຍຂອງລັດຢ່າງເຂັ້ມງວດ, ດ້ານວຽກວິຊາສະເພາະໃນຕະຫຼອດ 5 ປີຜ່ານມາ ຄະນະໜ່ວຍພັກໄດ້ສຸມໃສ່ຊີ້ນຳ-ນຳພາ ວຽກງານວິຊາສະເພາະຕາມສິດ, ໜ້າທີ່ ແລະ ພາລະບົດບາດ , ຕາມການມອບໝາຍຂອງຂັ້ນເທີງໄດ້ຮັບຜົນສໍາເລັດຫຼາຍດ້ານ ເຊັ່ນ: ວຽກງານບໍລິການ, ສາມາດອອກປື້ມ ແລະ ໃບຜ່ານແດນລາວ-ໄທໄດ້ 16.655 ຄົນ, ໃບຜ່ານແດນລາວ-ຫວຽດ 5.192 ຄົນ, ອອກປື້ມເຮືອໂດຍສານ ແລະ ເຮືອບັກ 133 ຄົນ, ຕໍ່ບັດພັກເຊົາໃຫ້ຄົນຕ່າງປະເທດ 597 ຄົນ, ແຈ້ງຄົນເຂົ້າເມືອງທັງໝົດ 974.455, ຍິງ 226.336 ຄົນ, ເດັກ 12.191 ຄົນ, ແຈ້ງຄົນອອກ 1.029.471 ຄົນ, ຍິງ 337 ຄົນ, ເດັກ 12.700 ຄົນ, ແຈ້ງພາຫະນະອອກ 247.318 ຄັນ, ແຈ້ງພາຫະນະອອກ 247.229 ຄົນ, ອອກວີຊາກັບດ່ານໄດ້ ຈໍຳນວນ 4,326 ຄົນ, ຍິງ 1.927 ຄົນ. ວຽກງານຄະດີ. ມີ 93 ລາຍ, ມີ 129 ຄົນ, ຍິງ 20 ຄົນ, ລວມ ມີ 22 ສັນຊາດ, ມອບຜູ້ຖືກຫາ 91 ຄັ້ງ, ມີ 157 ຄົນ, ຍິງ 32 ຄົນ, ຮັບຜູ້ຖືກຫາ 93 ຄັ້ງ, ມີ 129 ຄົນ, ຍິງ 20 ຄົນ, , ປ້ອງການເວນຍາມ 1.209 ຄັ້ງ, ກວດກາກາລາດຕະເວນຕາມຊາຍແດນ 412 ຄັ້ງ, ລົງເຜີຍແຜ່ກົດໝາຍກວດຄົນເຂົ້າອອກ-ເມືອງໄດ້ 03 ຕົວເມືອງ, 03 ຄັ້ງ, ກັກໄມ້ຂະຍຸ້ງໄດ້ 10 ຄັ້ງ, ກັກໄມ້ດູ່ໄດ້ 13 ຄັ້ງ, ກັກດອກເຜີ້ງໄດ້ 03 ຄັ້ງ, ກັກສັດຫ່ວງຫ້າມໄດ້ 03 ຄັ້ງ, ກັກກັນຊ້າແຫ້ງໄດ້ 02 ຄັ້ງ, ກັກ ຢາເສບຕິດໄດ້ 01 ຄັ້ງ, ກັກລົດຈັກທີ່ນໍາເຂົ້າບໍ່ຖືກຕ້ອງໄດ້ 01 ຄັ້ງ, ວຽກງານປ້ອງກັນຊາດ-ປ້ອງກັນຄວາມສະຫງົບ. ໄດ້ຊີ້ນໍາ-ນໍາພາ ພະນັກງານສະມາຊິກພັກ-ພະນັກງານ-ນັກຮົບ, ພັດປ່ຽນກັນປະຈໍາການ 24 ຊົ່ວໂມງ ຢ່າງເປັນປົກກະຕິ ແລະ ມີຄວາມສະຫງົບປອດໄພ 100%, ວຽກງານອົງການຈັດຕັ້ງມະຫາຊົນປັບປຸງ ແລະ ຂະຫຍາຍພັກໄດ້ນໍາພາສະມາຊິກຊາວໜຸ່ມ, ແມ່ຍິງ  ປະກອບສ່ວນເຂົ້າໃນຂະບວນການຕ່າງໆຂອງກົມກອງ, ແລະ ຍົກລະດັບທາງດ້ານທິດສະດີ ແລະ ວິຊາສະເພາະໄລຍະສັ້ນ, ໄລຍະຍາວ ຄື: ພາຍໃນປະເທດ 16 ຄັ້ງ, ມີ 18 ສະຫາຍ, ຍິງ 03 ສະຫາຍ, ຢູ່ຕ່າງປະເທດ 10 ຄັ້ງ, ມີ 10 ສະຫາຍ, ຍິງ 02 ສະຫາຍ, ບຳລຸງວິຊາສະເພາະ 03 ເດືອນ ມີ 04 ຄັ້ງ, ມີ 04 ສະຫາຍ, ຍິງ 01 ສະຫາຍ, ບຳລຸງທິດສະດີ 45 ວັນ ມີ 04  ສະຫາຍ.

    ຫຼັງຈາກນັ້ນຄະນະພັກຊຸດເກົ່າກໍ່ໄດ້ກ່າວຂື້ນອໍາລາໜ້າທີ່, ໂອກາດດຽວກັນກໍ່ໄດ້ມີການປ່ອນບັດເລືອກຕັ້ງເອົາຄະນະໜ່ວຍພັກຊຸດໃໝ່ ໃນນັ້ນມີຜູ້ລົງສະໝັກ 5 ສະຫາຍ, ຜ່ານການປ່ອນບັດ ແລະ ກອງປະຊຸມຄັ້ງປະຖົມມະລືກສາມາດເລືອກໄດ້ສະຫາຍ ພັນໂທ ບົວລອນ ສຸວັນນະລາ ເປັນເລຂາໜ່ວຍພັກ, ສະຫາຍ ພັນຕີ ສີຂັນໄຊ ໄຊມົນຕີ ເປັນຮອງເລຂາໜ່ວຍ, ສະຫາຍ ພັນໂທ ນ. ສີສົມພອນ ຈະເລີນລາດ ເປັນຄະນະປະທານກວດກາ.