​  ເພຶ່ອເປັນການສະແດງຄວາມຮູ້ບຸນຄູນ-ຄຸນງາມຄວາມດີ ຕໍ່ກໍາລັງປ້ອງກັນຊາດ ທີ່ໄດ້ເອົາໃຈໃສ່ຈັດຕັ້ງປະຕິບັດວຽກງານຂອງຕົນ ເຮັດໃຫ້ແຂວງບໍລິຄໍາໄຊສືບຕໍ່ມີສະຖຽນລະພາບທາງດ້ານການເມືອງຢ່າງໜັກແໜ້ນ, ສັງຄົມມີຄວາມສະຫງົບສຸກ ຈະເລີນສີວິໄລຕະຫຼອດມາ ໃນຕອນເຊົ້າວັນທີ 16 ມັງກອນ 2018  ທ່ານ ປອ ກອງແກ້ວ ໄຊສົງຄາມ ກໍາມະການສູນກາງພັກ ເລຂາພັກແຂວງ ເຈົ້າແຂວງ ບໍລິຄໍາໄຊ ທັງເປັນປະທານປ້ອງກັນຊາດ ປ້ອງກັນຄວາມສະຫງົບຂັ້ນແຂວງ ພ້ອມດ້ວຍຄະນະ ໄດ້​ນຳ​ເອົາ​ກະຕ່າ​ດອກ​ໄມ້ ​ແລະ ກະຕ່າຂອງ​ຂັວນ ເຂົ້າອວຍພອນຄະນະພັກຄະນະບັນຊາກອງພັນ 619, ກຸ່ມຜະລິດຄົບວົງຈອນເລກ 1, ຄະນະພັກຄະນະບັນຊາ - ອໍານວຍການ ໂຮງຮຽນທະຫານຊາຍແດນ, ໂຮງຮຽນ 303 ແລະ ໂຮງຮຽນ 301 ຢູ່ເມືອງ ທ່າພະບາດ ແຂວງບໍລິຄໍາໄຊ ເນື່ອງໃນໂອກາດຊົມເຊີຍວັນສ້າງຕັ້ງກອງທັບປະຊາຊົນປະຕິວັດລາວ ຄົບຮອບ 69 ປີ.   

   ໂອກາດນີ້  ຕາງໜ້າໃຫ້ຄະນະພັກຄະນະບັນຊາ ກໍ່ຄືກຳລັງປ້ອງກັນຊາດແຕ່ລະກົມກອງ ໄດ້ສະແດງຄວາມຂອບໃຈຢ່າງສູງ ມາຍັງການນຳຂັ້ນແຂວງ ທີ່ໄດ້ເປັນຫວ່ງເປັນໄຍ ເຫັນໄດ້ຄວາມສຳຄັນຂອງກຳລັງປ້ອງກັນຊາດ, ພ້ອມນັ້ນ ກໍ່ຍັງໄດ້ອວຍພອນໄຊອັນປະເສີດ ມາຍັງການນໍາພັກລັດ ຕະຫຼອດຮອດພໍ່ແມ່ປະຊາຊົນບັນດາເຜົ່າທຸກທົ່ວໜ້າ  ຈົ່ງມີພາລະນາໄມສົມບູນ, ສຸຂະພາບເຂັ້ມແຂງ - ແຂງແຮງ ປະສົບຜົນສໍາເລັດໃນໜ້າທີວຽກງານ ໄປຄຽງຄູ່ກັບພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ກໍ່ຄືເສດຖະກິດ-ສັງຄົມຂອງແຂວງບໍລິຄຳໄຊ ໃຫ້ມີການຂະຫຍາຍຕົວກ້າວຂື້ນໄປເລື້ອຍໆ. ພາຍຫຼັງທີທ່ານເຈົ້າແຂວງ ໄດ້ເຂົ້າອ່ວຍພອນບັນດາກົມກອງຕ່າງໆ ສໍາເລັດແລ້ວ ກໍ່ຍັງໄດ້ເຂົ້າຮ່ວມຮັບຊົມການຝຶກຊ້ອມ - ຫັດແອບ ວິຊາການທະຫານ ວິຊາການປ້ອງກັນໂຕຈາກ ໂຮງຮຽນ 301 ຕື່ມອີກ.