ຕ. ຕະກຽງ (ນ.) ​ໂຄມ​ໄຟ, ​ເຄື່ອງ​ໃຕ້​ດ້ວຍ​ນໍ້າມັນ ຫຼື​ແກັດ ​ເພື່ອ​ໃຫ້​ມີ​ແສງ​ຮຸ່ງ

ຕະໄບ (ນ.) ​ເຫຼັກ​ເຄື່ອງມື​ສໍາລັບ​ໃຊ້​ຖູ​ເຫຼັກ ຫູື​ໂລຫະ​ອື່ນໆ ​ໃຫ້​ກ້ຽງ ຫຼືຝົນ​ແຂ້ວ ​ເລື່ອຍ​ໃຫ້​ແຫຼມ ​ແລະຄົມ, ​ເຫຼັກສໍາ​ໄບ

ຕະປູ (ນ.) ​ເຄື່ອງ​ຕອກ​ໄມ້ ຫຼື​ແຜ່ນ​ໂລຫະ​ໃຫ້​ແໜ້ນຕິດ​ກັນ ຢູ່​ທາງ​ສົ້ນ​ເປັນ​ແວ້ ຫຼື ​ເປັນ​ດອກ​ຄື​ຕາປູ, ​ເຫຼັກຕາປູ

ຕະປາດ (ນ.) ຊື່​ຂຽດປນວໜຶ່ງ ຂາ​ຍາວ​ເຕັ້ນຫອງ ມັກ​ຈັບ​ຢູ່​ຕາມ​ຕົ້ນ​ໄມ້ ຫຼືຕົ້ນກ້ວຍ​ໄຂ່​ເປັນໜ່ວຍສີຂາວ

ຕະໂພນ (ນ.) ກອງ​ຫຸ້ມ​ສອງໜ້າ ຮູບ​ສ້ວຍ​ຫົວ​ສ້ວຍ​ກົ້ນ ສະ​ເໝີກັນ ​ໃຊ້​ຕົບ​ໃສ່​ເຄື່ອງ​ເສບ, ​ເດິ​ງ​ເດີ​ດ

ຕະລາງ (ນ.) ຄຸກ, ​​ເຮືອນ​ສໍາລັບ​ຄຸມ​ຂັງ​ນັກ​ໂທດ​ຕ່າງໆ

ຕະລຸມບອນ (ກ.) ຮົບ​ເລວ​ກັນ​ຈົນ​ເຖິງ​ໂຕ, ວຸ່ນວາຍ, ​ໂຮມ​ເຫື່ອ​ແຮງ​ຂອງ​ທົ່ວ​ປວງ​ຊົນ​ສຸມ​ໃສ່​ວຽກງານ​ໃດໜຶ່ງ ຢ່າງ​ບໍ່ຮູ້​ອິດ​ຮູ້​ເມື່ອຍ

ຕະຫຼຸງ (ນ.) ລີງ, ລີງ​ຂະໜາດ​ໃຫຍ່, ຄ່າງ​

ຕະຫຼາດ (ນ.) ທີ່​ຊຸມ​ຍຸ​ມການ​ຄ້າຂາຍ, ບ່ອນ​ທໍາ​ການ​ຄ້າຂາຍ ​ເອີ້ນຕະຫຼາດ, ລາດ, ກາດ

ຕະຫຼຸມ (ນ.) ນົກ​ແນວໜຶ່ງ ຕົວ​ຂະໜາດ​ໄກ່​ແຈ້​ຫາ​ກິນ​ຕາມ​ແຄມໜອງ ​ເອີ້ນນົກ ຕະຫຼຸມ, ຕາຫຼຸມ

ຕາ 1 (ນ.) ອະ​ໄວ​ຍະ​ວະ​ສ່ວນໜຶ່ງຂອງ​ຄົນ ​ແລະ ສັດ​ທີ່​ໃຊ້​ເບິ່ງ​ຮູບ ​ເອີ້ນຕາ

ຕາ 2 (ນ.) ສ່ວນໜຶ່ງຂອງຕົ້ນ​ໄມ້ ສໍາລັບ​ໃຫ້​ແຕກໜໍ່ ຫຼືງ່າ ​ເອີ້ນຕາ ​ເຊັ່ນ​ຕາ​ໄມ້​ມ່ວງ​ຕາ, ​ໄມ້ມີ້ ຕາ​ໄມ້​ໄຜ່

ຕາ 3 (ນ.) ປ່ອງ​ທີ່​ເກີດ​ຈາ​ກການ​ຖັກ, ການ​ສານ, ການ​ຂີດ​ເສັ້ນຜ່ານ​ກັນ ​ເຊັ່ນ​ຕາ​ແຫ​ຕາ​ນ່າງ ຕາໝາກ​ເສືອກິນໝູ

ຕາ 4 (ນ.) ​ເຄື່ອງໝາຍບູຮານ​ຕ່າງໆ ສໍາລັບ​ຈ້ຳ ຫຼືຕີ​ລົງ ຫຼືປະ​ທັບ​ໃນໜັງສື​ເປັນ​ສໍາຄັນ ​ເອີ້ນຕາ ຫຼື ກາ

ຕາ 5 (ກ.) ໝາຍ​ໄວ້ (ສ່ວນ​ຫຼາຍອອກສຽງ​ເປັນກາ)

ຕາ 6 (ນ.) ພໍ່ຂອງ​ແມ່ ​ເອີ້ນພໍ່ຕາ ອ້າຍ ຫຼືນ້ອງ​ຊາຍ​ຝ່າຍ​ພໍ່ຂອງ​ແມ່ ​ເອີ້ນຕາ, ຜູ້​ຊາຍ​ທີ່​ບໍ່​ເຄີຍ​ບວດ ​ເອີ້ນຕາ ຖ້າ​ຊື່​ສີ ​ເອີ້ນຕາ​ສີ ຊື່​ສາ ​ເອີ້ນຕາສາ, ສ່ວນ​ຜູ້​ທີ່ ​ໄດ້​ບວດ​ເປັນ​ພະ ​ເປັນ​ເນນ​ແລ້ວ ກໍ່​ເອີ້ນ ​ຊຽງ, ທິດ, ຈານ, ຈານ​ຊາ, ຈານ​ຄູ

ຕ່າ (ນ.) ພາຊະນະ​ສານ​ດ້ວຍ​ຕອກ ມີ​ງວງ ຫຼືສາຍ​ສໍາລັບ​ຫາບ ​ເອີ້ນຕ່າ ກະຕ່າ

ຕາກ້າ (ນ.) ​ໄຮ່ນາ​ບ່ອນ​ຫວ່ານກ້າ, ບ່ອນ​ຫວ່ານ​ເຂົ້າປູກ

ຕາໄກ້ (ນ.) ຊື່​ຕົ້ນ​ໄມ້​ແນວໜຶ່ງ ໜ່ວຍມົນ​ສຸກ​ແລ້ວ​ມີ​ລົດ​ຫວານ

ຕາກົບ (ນ.) ຊື່​ຕົ້ນ​ໄມ້​ແນວໜຶ່ງ ຕົ້ນ ​ແລະ ​ໃບ ຄື​ຕົ້ນປໍ​ຫູ ໝາກນ້ອຍ​ມົນ ຄື​ຕາກົບ​ ສຸກ​ແລ້ວ​ຫວານ

ຕາແຈ້ງ (ວ.) ຕາ​ທີ່​ບອດ ​ແຕ່​ແກ່ນ​ຕາ​ຍັງ​ດີ​ຢູ່ ​ເອີ້ນຕາບອດ​ແຈ້ງ

ຕາຈາວ (ວ.) ຕາ​ທີ່​ບໍ່ມີ​ຕາ​ດໍາ ຫຼືຕາບອດ​ທີ່​ເສຍ​ແຕ່​ຕາ​ດໍາ ສ່ວນ​ຕາຂາວ​ຍັງ​ຢູ່

ຕາແດງ (ນ.) ພະຍາດ​ຕາ​ແນວໜຶ່ງ ​ເຮັດ​ໃຫ້​ມີ​ຂີ້ຕາຫຼາຍ ​ແລະ ​ເຈັບ​ຕາ​ແຮງ

ຕາລາງ (ນ.) ລະຫວ່າງ, ​ເສັ້ນຂີດ​ຜ່ານ​ກັນ​ໄປມາ​ເປັນຕາໆ

ຕີ 1 (ກ.) ຟາດ​ລົງ, ທຸບ​ລົງ​ດ້ວຍ​ມື ຫຼືວັດຖຸ​ຕ່າງໆ, ຮົບ​ເລວ, ທໍາ​ໃຫ້​ແຕກ, ​ແປ​ຄວາມໝາຍ, ກໍານົດ​ລາຄາ

ຕີ 2 (ວ.) ມາ​ຈາກ​ຕິ​ໃນ​ພາສາ​ປາລີ​ແປ​ວ່າ 3 ​ໃຊ້​ນໍາໜ້າຄໍາອື່ນ ດັ່ງ​ຕີ​ຈີວອນ ຜ້າ​ສາມ​ຜືນ, ຕີ​ຄູນ​ສາມ​ເທົ່າ….

ຕີ 3 (ກ.) ສີດ ສິງ, ສີທຽນ ຫຼືສິງ​ທຽນ ​ເອີ້ນຕີທຽນ

ຕີໂກນ (ນ.) ຮູບສາມ​ລ່ຽມ, ຮູບສາມ​ແຈ

ຕຸລາ (ນ.) ຄັນ​ຊັ່ງ, ຊິງ, ຕາຊິງ ຊື່​ລາສີ​ທີ່ 7 ຫຼື​ເດືອນ​ທີ່ 7 ຕາມ​ທາງ​ສຸລິຍະ​ຄະຕິ​ທີ່​ນັບ​ແຕ່​ລາສີ​ເມດ ຄື​ເດືອນ 5 ​ໄປ

ຕຸລາການ (ນ.) ຜູ້​ຕັດສິນ​ຄວາມ, ຫົວໜ້າສານ

ຕູ້ 1 (ນ.) ຊື່​ເງິນ​ບູຮານ​ຈໍາພວກໜຶ່ງ ມີ​ລັກສະນະ​ຄ້າຍຄື​ເງິ​ນຮາງ​ ​ແຕ່​ບໍ່ມີ​ຮ່ອງ​ຂອບ​ບໍ່ສູງ ມີ​ອັກສອນ​ຈີນ​ປະ​ທັບ ມີ 4 ຂະໜາດຄື: ໜັກ 45 ບາດ, ໜັກ 41 ບາດ, ໜັກ 14 ບາດ, ໜັກ 12 ບາດ ​ເອີ້ນ​ເງິນ​ຕູ້

ຕູ້ 2 (ນ.) ນົມ, ນົມ ​ເອີ້ນຕູ້, ຈູ້

ຕູ້ 3 (ນ.) ​ເອີ້ນ​ແມ່ ​ແລະ ພໍ່ຂອງ​ແມ່ ວ່າ​ພໍ່ຕູ້​ ແມ່​ຕູ້

ຕູ້ 4 (ນ.) ຊື່​ນົກ​ເຂົາ​ແນວໜຶ່ງ ຕົວ​ໃຫຍ່​ກວ່າ​ນົກ​ເຂົາ​ທໍາ​ມະ​ດາ ​ເອີ້ນນົກ​ເຂົາ​ຕູ້

ຕູ້ 5 (ນ.) ຊື່​ຄວາຍ​ທີ່​ມີ​ເຂົາ​ສັ້ນ ​ແລະ ງໍ​ລົງ ​ເອີ້ນຄວາຍ​ຕູ້

ຕູ້ 6 (ວ.) ບໍ່​ແຫຼມ, ບໍ່ສະຫຼາດ, ຄົນ​ບໍ່ສະຫຼາດ ​ເອີ້ນຄົນ​ຕູ້, ປູ້

ຕູ້ 7 (ນ.) ​ເຄື່ອງ​ໃຊ້​ປະຈໍາ​ເຮືອນ ສໍາລັບ​ໃສ່​ສິ່ງ​ຂອງ ມີ​ເສື້ອຜ້າ ​ເງິນ, ຄໍາແລະ ອື່ນໆ​ເຮັດ​ດ້ວຍ​ໄມ້ ຫຼື​ໂລຫະ ​ເອີ້ນຕູ້ ຫຼືຕູ້​ສໍາ​ຫຼັບ​ໃສ່ໜັງສື​ຕ່າງໆ

ເຕະ (ກ.) ​ໃຊ້​ຕີນ​ແກວ່ງ ຫຼືທີບ​ໄປ​ທາງໜ້າ ​ໂດຍ​ໃຫ້ຫຼັງຕີນືກບ່ອນໝາຍ ​ເອີ້ນ​ເຕະ

ໂຕ້ 1 (ນ.) ຊື່​ມີດ​ຂະໜາດ​ໃຫຍ່ ​ແນວໜຶ່ງສັນໜາ, ງອມ​ໃຫຍ່ ​ເອີ້ນມີດ​ໂຕ້, ມີດ​ອີ່​ໂຕ້, ພ້າ​ໂຕ້, ພ້າ​ອີ່​ໂຕ້

ໂຕ້ 2 (ກ.) ຕອບ​ຄືນ, ຖຽງຄືນ ​ເພື່ອ​ຊີ້​ແຈງ​ຄວາມ​ຈິງ ຫຼື​ເຫດຜົນ

ໂຕ້ 3 (ວ.) ​ໃຫຍ່ ​ເຊັ່ນ ຄໍ​ໃຫຍ່​ເພາະ​ເປັນ​ໂລກ​ຄໍໜຽງ ​ເອີ້ນຄໍ​ໂຕ້, ຂາ​ໃຫຍ່ ​ເອີ້ນຂາ​ໂຕ້

ຕໍ່ 1 (ກ.) ຕື່ມ​ໃຫ້​ຍາວ​ອອກ, ຕື່ມ​ໃຫ້ຫຼາຍຂຶ້ນ, ​ເຮັດ​ໃຫ້​ຕິດ​ກັນ

ຕໍ່ 2 (ກ.) ຂໍຫຼຸດລາຄາ​ໃຫ້ໜ້ອຍລົງ ​ເອີ້ນຕໍ່ລາຄາ

ຕໍ່ 3 (ກ.) ​ເອົາ​ສັດລ້ຽງ​ໄປ​ລໍ້​ເອົາ​ສັດປ່າ ​ເອີ້ນຕໍ່​ເຊັ່ນ​ຕໍ່ນົກ​, ຕໍ່​ໄກ່

ຕໍ່ 4 (ນ.) ສັດລ້ຽງ​ໄວ້​ເພື່ອ​ໄປ​ລໍ້​ເອົາ​ສັດປ່າ​ເຊັ່ນ: ຊ້າງຕໍ່, ​ໄກ່ຕໍ່,​ ນົກ​ຕໍ່

ຕໍ່ 5 (ວ.) ຖັດ, ດັ່ງ​ຕໍ່​ໄປ​ນີ້, ທໍ່ ​ເຊັ່ນ​ໄດ້​ສອງຕໍ່

ຕໍ່ 6 (ກ.) ສູ້, ຮັບ ​ເຊັ່ນ ຕໍ່ມື

ຕໍ່ 7 (ວ.) ​ເອີ້ນຄໍາທີ່​ໃຊ້​ຈູງ​ຄໍາອື່ນ ​ໃຫ້​ໄດ້​ຄວາມ​ຕໍ່ກັນ ​ເຊັ່ນ​ຄໍາຕໍ່, ຄື​ບຸບພະບົດ ​ແລະ ສັນທານ

ຕໍ່ 8 (ນ.) ​ແມງ​ຈໍາພວກໜຶ່ງ ມີ​ປີກ​ໂຕ​ໃຫຍ່​ກວ່າ​​ເຜິ້ງ ​ໂຕ​ສີດໍາ ມີ​ສີ​ເຫຼືອງກ່ານ​ບ່ອນ​ແອວ ມີ​ໄລ​ຢູ່ກົນຄື່​ເຜິ້ງ ຕອດ​ປວດ​ຫຼາຍ​ເຮັດ​ຮັງ​​ເປັນ​ຊັ້ນໆ ​ແລະ ​ເປັນ​ດາງ, ຕໍ່ມີຫຼາຍ ​ແນວ​ຄື: ຕໍ່ຕຸ້ມ​, ຕໍ່ຄວາຍ, ຕໍ່ຂຸມ, ຕໍ່​ໂກນ, ຕໍ່ກະດິງ

ຕົວ (ນ.) ຮູບ, ຕົນ, ​ຕົນ​ເອງ

ໃຕ  (ນ.) ອະ​ໄວ​ຍະ​ວະຂອງສັດປີກ​ຢ່າງໜຶ່ງ ມີ​ລັກສະນະ​ແຂງ​ໃຊ້​ບົດ​ອາຫານ ​​ເຊັ່ນ​ໃຕ​ໄກ່

ໄຕ 1 (ນ.) ຂັນ, ​ໂອ, ຖາດ, ​ເອີ້ນ​ໄຕ, ​ໄຕ​ຄໍາ

ໄຕ 2 (ນ.) ​ແຜ່ນດິນ, ​ແຜ່ນດິນ ​ເອີ້ນ​ແຜ່ນ​ໄຕ

ໄຕ 3 (ວ.)​ ສາມ, ​ໃຊ້​ປະກອບໜ້າຄໍາອື່ນ ​ເຊັ່ນ​ໄຕລັດ ​ແກ້ວທັງສາມ, ​ໄຕ​ໂລກ​ ​ໂລກ​ທັງ​ສາມ

ໄຕ 4 (ນ.) ຄົນ, ມາ​ຈາກ​ຄໍາວ່າ ​ໄທ ຄື​ ສຽງ ທ. ຜ່ຽນ​ເປັນ ຕ.

ໄຕ 5 (ນ.) ​ໂລກ​ທັງ​ສາມ ຄື​ມະນຸດ​ໂລກ, ​ເທວະ​ໂລກ ​ແລະ ພົມມະ​ໂລກ

ໄຕປິດົກ (ນ.) ຄໍາສອນ​ໃນ​ສາສະໜາພຸດ​ຈັດ​ເປັນ​ສາມໝວດ ຫຼືສາມ​ກະຕ່າ,​ ສາມ​ປິ​ດົກ ໝວດພະ​ວິ​ໄນ, ສຸດຕັນຕະ​ປິ​ດົກ ໝວດພະ​ສູດ ອະ​ພິທໍາ​ປິ​ດົກ ໝວດພະ​ອະພິທໍາ

ເຕົາ (ນ.) ບ່ອນ​ດິນ​ທີ່​ຂຸດ​ເປັນໝ້ອງ ຫຼືປັ້ນຂຶ້ນ​ໃຫ້​ເປັນໝ້ອງ ສໍາລັບ​ດັງ​ໄຟ​ທໍາ​ປະ​ໂຫຍ​ດຕ່າງໆ ​ເຊັ່ນ ​ເຜົາ​ດິນ​ຈີ່ ​ເຜົາ​ປູນ

ເຕົ່າ 1 (ນ.) ສັດ​ສີ່​ຕີນ​ເລືອ​ຄານ ຈໍາພວກໜຶ່ງມີ​ອອງຫຸ້ມ​ໂຕ​ໄວ້ ​ເອີ້ນ​ເຕົ່າ​ ມີຫຼາຍ​ແນວ ​ເຊັ່ນ​ເຕົ່າ​ກາດ, ​ເຕົ່າ​ນາ, ​ເຕົ່າ​ເພັກ, ​ເຕົ່າ​ສາມ​ສັນ, ​ເຕົ່າ​ກາບລາງ, ​​ເຕົ່າ​ຄວາຍ, ​ເຕົ່າ​ງັບ

ເຕົ່າ 2 (ນ.) ຊື່​ຈຸນລະສັກກະຫຼາດທີ່​ລົງທ້າຍ​ດ້ວຍ​ເລກ​ເກົ້າ ທໍ່ກັບ​ນົບພະສົກ ຫຼືຄໍາກໍາກັບ​ຊື່​ປີ ຕາມ​ວິທີ​ນັບ ສັກກະຫຼາດບູຮານ ​ເອີ້ນວ່າ ປີ​ເຕົ່າ ທໍ່ກັບ​ເລກ 9 ທ້າຍ​ຈຸນລະສັກກະຫຼາດ

ເຕົ້າ 1 (ນ.) ສິ່ງ​ທີ່​ມີ​ສັນຖານ​ເໝືອນໝາກນໍ້າ​​ເຕົ້າ ​ເອີ້ນ​ເຕົ້າ ​ເຊັ່ນ​ເຕົ້າປູນ, ​ເຕົ້ານົມ

ເຕົ້າ 2 (ນ.) ລູກ​ສືບ​ສາຍ​​ເລືອດເອີ້ນລູກ​ເຕົ້າ

ເຕົ້າ 3 (ນ.) ກາ​ສໍາລັບ​ໃສ່​ນໍ້າ​ກິນ ​ເອີ້ນ​ ​ເຕົ້າກາ

ເຕົ້າ 4 (ນ.) ໝາກນໍ້າ​ທີ່​ເຈາະ​ເອົາ​ເນື້ອຂ້າງ​ໃນ​ອອກ​ແລ້ວ ​ເອົາ​ມາ​ເຮັດ​ເປັນ​ເຕົ້າ​ໃສ່​ນໍ້າ​ກິນ ​ເອີ້ນໝາກນໍ້າ​ເຕົ້າ

ເຕົ້າ 5 (ກ.) ​ໂຮມ, ທ້ອນ, ລວມ, ປະຊຸມ ​ເຊັ່ນ ​ເຕົ້າ​ໂຮມ​ກັນ

ເຕົ້າ 6 (ກ.) ​ເດີນ​ໄປ ​ເຊັ່ນ ​ໄຕ່​ເຕົ້າ

ເຕົ້າຈ້ຽວ (ນ.) ໝາກຖົ່ວ​ເຫຼືອງທີ່​ດອງ​ເກືອ ສໍາລັບ​ເຮັດ​ເປັນ​ອາຫານ ​ເອີ້ນ​ເຕົ້າຈ້ຽວ

ເຕົ້າຮູ້ (ນ.) ຖົ່ວ​ທີ່​ປົ່ນ​ເປັນ​ແປ້ງ​ແລ້ວ ​ເຮັດ​ເປັນ​ກ້ອນ​ອາຫານ​ເຄັມ​ຂອງ​ຈີ​ນ ​ເຮັດ​ດ້ວຍ​ໃນໝາກຖົ່ວ

ຕໍາແຍ 1 (ນ.) ​ເຄືອ​​ໄມ້​ແນວໜຶ່ງ ໝາກມີ​ຂົນ ຂົນ​ນັ້ນ​ເມື່ອ​ຖືກ​ໂຕ​ເຮົາ​ແລ້ວ ຄັນ​ຫຼາຍ ​ເອີ້ນ​ເຄືອ​ຕໍາ​ແຍ, ໝາກຕໍາ​ແຍ

ຕໍາແຍ 2 (ນ.) ຜູ້ຍິງ​ທີ່​ເປັນໝໍ​ເອົາ​ຄົນ​ອອກລູກ​ຕາມ​ວິທີ​ບູຮານ ​ເອີ້ນ​ແມ່​ຕໍາ​ແຍ ໝໍຕໍາ​ແຍ

ຕໍານິນ (ນ.) ຊື່​ຜັກ​ເປັນ​ເຄືອ​ແນວໜຶ່ງ ຂຶ້ນຕາມຮົ້ວບ້ານ ຫຼືຕາມ​ຕົ້ນ​ໄມ້ ​ເອີ້ນ​ເຄືອ​ຜັກ​ຕໍານິນ ກິນ​ດີ​ແທ້ໆ

ຕໍາລາ (ນ.) ​ແບບ​ແຜນ, ໜັງສື​ທີ່​ກ່າວ​ດ້ວຍ​ວິຊາ​ຕ່າງໆ ​ເຊັ່ນ​ຕໍາລາ​ເລກ, ຕໍາລາ​ປະຫວັດສາດ

ຕໍາຫຼວດ (ນ.) ​ເຈົ້າໜ້າທີ່​ຜູ້​ຮັກສາ​ຄວາມ​ສະຫງົບ, ກວດກາ​ຈັບ​ກຸມ ​ແລະ ປາບ​ປາມ​ຜູ້​ທໍາ​ຜິດ​ກົດໝາຍ

ຕັກແຕນ (ນ.) ຊື່​ແມງ​ຈໍາພວກໜຶ່ງ ຂາຫຼັງສອງ​ຂາ​ຍາວ ​ແລະ ​ແຂງ ​ເຕັ້ນ​ໄດ້​ໄກ​ມີ​ປີກ​ບິນ​ໄດ້ ກິນ​ຫຍ້າ​ເປັນ​ອາຫານ ​ເອີ້ນ​ ຕັກ​ແຕນ​ເຂົ້າ, ຕັກ​ແຕນ​ເຮືອ, ຕັກ​ແຕນ​ຄໍ​ລາຍ

ຕິກນໍ້າ (ນ.) ​ເຄື່ອງ​ໃສ່​ນໍ້າ​ເຢັນ ຫຼືນໍ້າ​ຮ້ອນ ​ເຮັດ​ດ້ວຍ​ໂລຫະ ມີ​ຮູບ​ຕ່າງໆ

ຕຶກ 1 (ນ.) ​ເຮືອນ​ມີ​ພື້ນຢູ່​ກັບ​ດິນ, ​ເຮືອນ​ພື້ນຕ່ຳ​ຕິດ​ກັບ​ດິນ

ຕຶກ 2 (ກ.) ການ​ຫາ​ເອົາ​ປາ​ດ້ວຍ​​ແຫ ມອງ ຫຼື​ເບັດ ​ເຊັ່ນ ຕຶກ​ແຫ,​ຕຶກ​ເບັດ, ຕຶກມອງ

ແຕກ 1 (ນ.)​ ຊື່​ພັນ​ໄມ້​ນ້ອຍ ມີໝາກ​ເອົາ​ມາ​ເຮັດ​​ເປັນ​ນໍ້າມັນ​ໄດ້ ​ເອີ້ນກົກໝາກ​ແຕກ

ແຕກ 2 (ກ.) ແຍກ, ແບ່ງ, ທຳຮ້າຍ, ກະຈັດກະຈາຍ, ຊະ, ປົ່ງ ເຊັ່ນງ່າຍໄມ້ປົ່ງ ເອີ້ນໄມ້ແຕກແໜງ, ຮູ້ແຈ່ມແຈ້ງ ເອີ້ນ ໜັງສືແຕກ, ເລີກກ່ຽວຂ້ອງ ເອີ້ນ ແຕກສາມັກຄີ, ເຫື່ອອອກ ເອີ້ນ ເຫື່ອແຕກ, ສິ່ງຂອງຕົກໄປທົ່ວຫີບ ເອີ້ນ ແຕກຊະແຕກຊະແຕກຊາຍ ກໍ່ວ່າ.

ຕົກ 1 (ກ.) ຫຼຸດລົງ, ຫຼົ່ນຈາກ​ທີ່​ສູງ, ວາງ​ລົງ​ມາ​ຈາກ​ທີ່​ສູງ, ຫຼຸດຈາກ​ຖານະ​ສູງ ​ເຊັ່ນ​ຕົກ​ຈາກ​ຕໍາ​ແໜ່ງ, ​ເຖິງ ​ເຊັ່ນ​ຕົກ​ຍາມ​ຮ້ອນ, ຈາງ ​ເຊັ່ນ​ສີ​ຕົກ, ຂາດເຊັ່ນ​ຂຽນໜັງສື​ຕົກ

ຕົກ 2 (ວ.) ຕະຫຼອດ, ບັນລຸ, ສໍາ​ເລັດ ​ເຊັ່ນ​ປົງຕົກ, ຄຶດ​ຕົກ

ຕົກ 3 (ກ.) ​ ​ໄປ​ເຖິງ, ​ໄປ​ຮອດ, ຝົນ​ລົງ ​ເອີ້ນຝົນຕົກ, ຕາວັນ​ລັບ​ຂອບ​ຟ້າ ​ເອີ້ນຕາວັນ​ຕົກ

ຕົກກະເທີນ (ກ.) ​ໄດ້​ເຮັດ ຫຼື​ເວົ້າ​ແລ້ວ​ຕ້ອງ​ປະຕິບັ​ດ

ຕົກກ້າ (ກ.) ​ເອົາ​ເຂົ້າ​ເປືອກ​ທີ່​ແຊ່​ນໍ້າ​ຈົນ​ອອກໜໍ່ ​ແລ້ວ​ໄປ​ຫວ່ານ​ລົງ​ໃນ​ໄຮ່ນາ ​ເພື່ອ​ໃຫ້​ເກີດເປັນຕົ້ນກ້າ ​ເອີ້ນຕົກກ້າ

ຕອກ 1 (ນ.) ​ເຂົ້າ​ເປືອກ​ທີ່​ເອົາ​ມາ​​ຂ້າວ​​ໃຫ້​ແຕກ ​ເອີ້ນ​ເຂົ້າ​ແຕກ, ​ເຂົ້າຕອກ​ແຕກ

ຕອກ 2 (ນ.) ​ໄມ້​ຕອກ, ​ໄມ້​ໄຜ່ ຫຼືຫວາຍ​ທີ່​ຈັກ​ເປັນ​ເສັ້ນບາງໆ​ເພື່ອ​ມັດ​ສິ່ງ​ຂອງ ຫຼືສານ​ກະຕ່າ, ກະບຸງ ​ເອີ້ນ​ໄມ້​ຕອກ

ຕອກ 3 (ນ.) ຊື່​ມີດ​ນ້ອຍ​ແນວໜຶ່ງ ມີ​ດ້າມ​ຍາວ​ປາຍ​ແຫຼມ ​ໃຊ້​ຈັກ​ຕອກ ຫຼື​ເຫຼົາຕອກ ​ເອີ້ນມີດເຫຼົາຕອກ

ຕອກ 4 (ກ.) ຕໍາ​ບັ້ງ​ໄຟ ​ເອີ້ນຕອກ​ບັ້ງ​ໄຟ

ຕອກ 5 (ກ.) ຕີ​ໃຫ້​ເຂົ້າ​ໄປ, ຕີ​ເຂົ້າ ​ເຊັ່ນ​ຕອກ​ຫຼີ້ມ

ເຕືອກ (ນ.) ສ່ວນ​ດ້ານ​ໃນ​ຂອງ​ໄມ້​ໄຜ່​ຕ່າງໆທີ່​ກົງກັນຂ້າມ​ກັບ​ຕິວ ​ເອີ້ນ​ເຕືອກ, ຕຸ້ມ​ເຕືອກ

ຕັ່ງອີ້ (ນ.) ຕັ່ງທີ່​ມີ​ຮາວ​ພາດ​ແຂນ ຫູືອີງ​ຫຼັງ ​ເອີ້ນຕັ່ງອີ້

ຕ້າງ 1 (ນ.) ​ໄມ້​ພຸ່ມ​ແນວໜຶ່ງ ດອກ​ສີ​ແດງ​ເປັນ​ຈຸ້ມ ຄ້າຍຄື​ຕ້າງ​ປະດັບ​ຫູ ​ເອີ້ນດອກ​ຕ້າງ

ຕ້າງ 2 (ນ.)​ ​ໄມ້​ດອກ​ແນວໜຶ່ງ ​ເປັນ​ຈໍາພວກ​ດອກ​ເຜີ້ງ ​ເປັນ​ເຄືອ​ເກາະຫ້ອຍຢູ່​ຕາມ​ຕົ້ນ​ໄມ້​ໃບ​ໃຫຍ່ ມົນໜາ ດອກ​ມີ​ລັກສະນະ​ເໝືອນກະດຸມ​ເສື້ອ ​ເປັນ​ພວງ ​ເອີ້ນດອກ​ຕ້າງ

ຕ້າງ 3 (ນ.) ​ໃບ​ຫູ​ຂອງ​ໄກ່​ທີ່​ຢ່ອນ​ລົງ ​ເອີ້ນຕ້າງ​ໄກ່,​ ​ແຕ້ຫູ, ສ່ວນ​ເນື້ອທີ່​ຕິດ​ຫ້ອຍ​ຢູ່​ກັບ​ຄາງ​ຂອງ​ສັດ ຈໍາພວກ​ນົກ ຫຼື​ໄກ່ ​ເອີ້ນຕ້າງ​ນົກ ຕ້າງ​ໄກ່

ຕ້າງ 4 (ນ.) ໜ້າກວ້າງ​ຂອງ​​ໄມ້ ​ເອີ້ນໜ້າຕ້າງ​ໄມ້

ແຕງ (ນ.) ໝາກ​ໄມ້​ຈໍາພວກໜຶ່ງເປັນ​ເຄືອ, ​ເຄືອ​ອ່ອນ​ມີ​ມື ມີ​ຂົນ​ຕາມ​ລໍາ​ເຄືອ, ຍອດ​ດອກ​ ໃບ ກິນ​ໄດ້ ມີຫຼາຍ​ແນວ ​ເຊັ່ນ​ແຕງຈິງ, ​ແຕງກົວ, ​ແຕງຊ້າງ, ​ແຕງ​ຂີ້​ໄກ່, ​ແຕງຄ້າງ, ​ແຕງອົ້ມ

ແຕ່ງ 1 (ກ.) ຕັ້ງ​ໃຫ້​ເປັນ​ຜູ້​ມີ​ອໍານາດ ​ເອີ້ນ​ແຕ່ງ​

ແຕ່ງ 2 (ກ.) ຈັດ, ປະດັບ, ຕັ້ງ, ​ເຮັດ​ໃຫ້​ງາມ, ​ເຮັດ​ໃຫ້​ດີ, ຈັດ​ທໍາ, ຕົບ​ແຕ່ງ

​ແຕ່ງດອງ (ກ.) ທໍາພິທີ​ໃຫ້​ບ່າວ​ສາວ​ເປັນ​ຜົວ​ເມຍ​ກັນ

ຕົງ 1 (ນ.) ຊື່​ໄມ້​ເຄື່ອງ​ເຮືອນ ທີ່​ພາດ​ຢູ່​ເທິງ​ຂາງ​​ເປັນ​ໄມ້​ຮອງ​​ແປ້ນ​ປູ ​ເອີ້ນ​ໄມ້​ຕົງ

ຕົງ 2 (ກ.) (ຈ.) ຊັກ​ເອົາ​ເງິນ​ຈາກ​ລູກມື​ທີ່​ໄດ້​ເງິນ​ໃນ​ການ​ພະນັນ ຫຼືຊັກ​ເອົາ​ເງິນ​ຈາກ​ລາຍ​ໄດ້​ໃນ​ການ​ພະນັນ ​ເອີ້ນ ຕົງ, ຕົ໋ງ

ຕົງ 3 (ວ.) ໝົດ, ສິ້ນ ​ເຊັ່ນ​ ຕາຍມົດ ​ເອີ້ນຕາຍ​ຕົງ

ຕົງ 4 (ນ.) ການ​ນັບ​ແບບ​ບູຮານ ​ເຊັ່ນໜ່ວຍສິບ ຮ້ອຍ, ພັນ, ໝື່ນ, ​ແສນ, ລ້ານ, ​ໂກດ, ກື, ຕື້, ຕິ່ວ, ຕົງ, ທໍ່ກັບ 100,000,000,000

ຕອງ 1 (ນ.) ​ໃບ​ໄມ້​ຂະໜາດ​ໃຫຍ່ ພໍ​ຫໍ່ຂອງ​ໄດ້ ​ເອີ້ນ​ໃບຕອງ ​ເຊັ່ນ ​ໃບ​ຕອງກ້ວຍ, ​ໃບຕອງ​ກຸງ, ​ໃບ​ຕອງ​ຈິງ ​ແລະ ອື່ນໆ

ຕອງ 2 (ນ.) ​ໄພ້​ຕອງ, ຊື່​​ໄພ້​ແນວໜຶ່ງ, ຈໍານວນ​ໄພ້​ທີ່​ເຫຼືອກັນ​ສາມ​ໃບ ​ເອີ້ນ ຕອງໜຶ່ງ, ດັ່ງນັ້ນ ຈິ່ງ​ເອີ້ນ​ໄພ້​ຕອງ

ຕອງ 3 (ນ.) ຊື່​ປາ​ແນວໜຶ່ງ ຕົວ​ເປ​ຄື​ໃບຕອງ​ເກັດ​ແລບ​ມີ​ກ້າງ​ຫຼາຍ ​ເອີ້ນ ປາຕອງ, ມີ​ສອງສະນິດ​ຄື ປາຕອງ​ນາ ​ແລະ ປາຕອງ​ກາຍ

ຕອງ 4 (ກ.) ຕອງ​ນໍ້າ, ກັ່ນ​ເອົາ​ແຕ່​ສ່ວນ​ດີ ຫຼືສ່ວນ​ລະອຽດ ​ເຊັ່ນ: ​ຕອງ​ນໍ້າ​ຄັ່ງ​ດ້ວຍ​ກະຕ່າ ​ເອີ້ນຕອງ​ນໍ້າ​ຄັ່ງ

ຕອງ 5 (ກ.) ​ແຕ້ມ, ຂຽນ​ໃຫ້​ງາມ

ຕອງເຫຼືອງ (ນ.) ຊື່​ພວກ​ລາວ​​ເຜົ່າໜຶ່ງ ​ອາ​ໃສ​ຢູ່​ໃນ​ປ່າດົງເອີ້ນວ່າ ​ເຜົ່າ​ຕອງ​ເຫຼືອງ, ປະຈຸ​ບັນມີ​ຢູ່​​ແຂວງ​ໄຊ​ຍະ​ບູລີ, ບໍລິ​ຄໍາ​ໄຊ

ຕ່ອງຊອນ (ນ.) ຊື່​ເຄື່ອງ​ສານ​ດ້ວຍ​ຕອກ ຫຼື​ເສັ້ນລວດ ສໍາລັບ​ຕັກ​ເອົາ​ຂອງ ຫຼືຕອງ​ນໍ້າ​ປາ​ແດກ ​ເອີ້ນຕ່ອງຊອນ,​ ກະຊອນ

ຕ້ອງ 1 (ນ.) ຊື່​ຕົນ​ໄມ້​​ແນວ​ໜຶ່ງ ​ເປັນ​ໄມ້​ຂະໜາດ​ໃຫຍ່ ໜ່ວຍມົນ ສຸກ​ແລ້ວ​ມີ​ລົດ​ສົ້ມ-ຫວານ ​ເອີ້ນຕົ້ນໝາກຕ້ອງ

ຕ້ອງ 2 (ກ.) ຊູນ, ຕໍາ, ທໍາ​ໃຫ້​ເໜັງ, ຖືກ, ບໍຖືກ ​ເອີ້ນບໍ່ຕ້ອງ; ລົມ​ພັດ ​ເອີ້ນລົມ​ຕ້ອງ; ຢາກ​ຈັບ ​ເອີ້ນຢາກ​ຕ້ອງ

ຕ້ອງ 3 (ກ.) ​ເປັນ​ກິລິຍາ​ນຸ​ເຄາະ ບອກ​ລັກສະນະ​ຂອງ​ກິລິຍາ​ອື່ນ​ໃຫ້​ຮູ້​ຄັກ ຫຼືບັງຄັບ ​ເຊັ່ນ: ​ຕ້ອງ​ໄປ, ຕ້ອງ​ກິນ, ຕ້ອງ​ເຮັດ

ຕ້ອງ 4 (ກ.) ສິງ, ຄົນ​ທີ່​ຖືກ​ຜີ​ສິງ ​ເອີ້ນຕ້ອງ​ຜີ ຫຼືຜີ​ຕ້ອງ, ​ເທວະ​ດາ​ສິງ ​ເອີ້ນຕ້ອງ​ເທວະ​ດາ, ຖືກ​ຜີ​ໄຮ່​ຜີ​ນາຜີ​ປ່າ​ສິງ​ເອີ້ນຕ້ອງ​ຜີ

ຕ້ອງ 5 (ກ.) ປະສົບ​ພົບ​ພໍ້ ຫຼື​ເຫັນ​ຄົນ​ທີ່​ຖື​ກ​ໂລກ​ໄພ​ໄຂ້​ເຈັບ ​ເອີ້ນຕ້ອງ​ໂພຍ ຕ້ອງ​ໄພ​

ຕຽງ (ນ.) ບ່ອນ​ສໍາລັບ​ນອນ ມີ​ສີ່​ຂາ ຮູບ​ສີ່​ລ່ຽມຮີ ​ເອີ້ນຕຽງ

ຕາຍ 1 (ກ.) ສິ້ນ​ໃຈ, ໝົດລົມ​ຫາຍ​ໃຈ, ໝົດຈິດ, ບໍ່ມີ​ຊີວິດ​ຢູ່

ຕາຍ 2 (ກ.) ເສຍຫາຍ, ໃຊ້ການບໍ່ໄດ້ ເຊັ່ນໂມງບໍ່ເດີນ ເອີ້ນໂມງຕາຍ, ແຂນຂາຕີງບໍ່ໄດ້ ເອີ້ນແຂນຂາຕາຍ, ຕາຍຂີ, ຕາຍພາຍ, ຕາຍຊາກ, ໂລກຝີດາດ, ຕາຍຮ່າ,ຕາຍຫູງ, ຕາຍດັບ.

ຕາຍ 3. ​ເປັນ​ຄໍາປະກອບໜ້າປະ​ໂຫຍ​ກ ຫຼືທ້າຍ​ປະ​ໂຫຍ​ກ ໝາຍຄວາມ​ວ່າ​ເຕັມທີ, ຍິ່ງ​ເຊັ່ນ ຮ້ອນ​ເກືອບ​ຕາຍ, ໜາວ​ເກືອ​ບ ຕາຍ, ຕາຍ​ແລ້ວ​ບາດນີ້, ຕາຍ​ລະ​ເທື່ອ​ນີ້, ຕາຍ​ແລ້ວ​ກູ, ກູບໍ່ຕາຍ​ໃຜ​ຊິ​ຕາຍ

ຕາຍກຸມ (ກ.) ຕາຍ​ພ້ອມ​ກັບ​ລູກ​ໃນ​ທ້ອງ

ຕາຍໂຫງ (ວ.) ຕາຍ​ຜິດ​ທໍາ​ມະ​ດາ ​ໂດຍ​ປັດຈຸບັນ​ທັນ​ດ່ວນ ​ເຊັ່ນ​ຕົກ​ນໍ້າ​ຕາຍ, ຄວາຍ​ຊົນ​ຕາຍ, ​ເຂົາຂ້າ​ຕາຍ ​ເອີ້ນຕາຍຫູງ, ຕາຍ​ໂຫງ

ຕາຍຮ່າ (ວ.) ຕາຍ​ຍ້ອນ​ພະຍາດ​ຖອກທ້ອງ ຫຼື​ໂລກ​ອະຫິວາ ​ເອີ້ນຕາຍຮ່າ, ບູຮານ​ເຊື່ອ​ວ່າ​ຜີ​ຮ່າ​ມາ​ກິນ

ເຕີຍ 1 (ນ.) ຊື່​ໄມ້​ຈໍາພວກໜຶ່ງ ມີ​ສອງ​ຊະນິດ​ຄື ​ເຕີຍໜາມ ​ແລະ ​ເຕີຍ​ຫອມ

ເຕີຍ 2 (ກ.) ​ໄປ​ຕາມ, ຕາມ, ບໍ່ຂັດ

ຕັດ 1 (ກ.) ​ເຮັດ​ໃຫ້​ຂາດ​ຈາກ​ກັນ, ​​ເຮັດ​ໃຫ້​ຂດ້ວຍ​ຂອງ​ມີ​ຄົມ ບໍ່ຕິດ​ຕໍ່ກັນ, ​ເອີ້ນຕັດ ​ເຊັ່ນ ຕັດ​ໄມ້, ຕັດ​ຜ້າ

ຕັດ 2 (ກ.) ​ເວົ້າ, ຕັດ​ສັ່ງ (ລາຊາ​ສັບ)

ຕາດ 1 (ນ.) ​ໄມ້​ກວາດ ທີ່​ເອົາ​ໄມ້​ດິ້ວຫຼາຍອັນ​ຖັກ​ໃສ່​ກັນ ​ໃຊ້​ສໍາລັບ​ປັດ​ເດີ່ນ​ບ້ານ ຫຼືປັດ​ດິນ ​ແລະ ຫຍ້າ ​ເອີ້ນ​ໄມ້​ຕາດ

ຕາດ 2 (ນ.) ພະ​ລານ​ຫີນ​ເປັນ​ຊັ້ນໆ ​ເປັນ​ພັກໆ ​ເອີ້ນຕາດ ນໍ້າຕົກ​ຈາກ​ພູ​ເຂົາ ​ເຊິ່ງມີ​ຫີນ​ເປັນ​ຊັ້ນໆ ​ເອີ້ນນໍ້າຕົກຕາດ, ນໍ້າ​ໂຕນ​ຕາດ

ຕາດ 3 (ນ.) ຊື່​ຕົ້ນ​ໄມ້​ແນວໜຶ່ງ ໝາກມີ​ລົດ​ຝາດ ​ໃຊ້​ເຮັດ​ຢາ​ໄດ້ ​​ເອີ້ນຕົ້ນ ໝາກຕາດ

ຕິດ 1 (ກ.) ​ໄປ​ບໍ່​ໄດ້, ຂ້ອງ​ຢູ່, ຄາ​ແນບ​ເຂົ້າຫາ​ກັນ ອາການ​ທີ່​ຂ້ອງ​ຢູ່ ​ເອີນຕິດ

ຕິດ 2 (ກ.) ​ເຄີຍ ​ເຊັ່ນ ຕິດຝິ່ນ, ຕິດ​ເຫຼົ້າ ຕິດ​ຢາ

ຕິດ 3 (ກ.) ຄ້າງ​ຢູ່ ​ເຊັ່ນ ຕິດ​ເງິນ, ຕິດໜີ້

ຕົດໜາ (ນ.) ຊື່​ເຄືອ​ໄມ້​ແນວໜຶ່ງ ຮາກ​ມີ​ຫົວ ​ແລະ ​ໃຊ້​ຫົວ​ປະສົມ​ແປ້ງ ​ເຮັດ​ເຂົ້າໜົມ​ໄດ້ ຫົວ​ມີ​ກິ່ນ​ຫອມ​ແຕ່​ໃບ​ມັນເໝັນ

ຕອດ (ກ.) ຍ້າຍ​ຂອງ​ນ້ອຍ ຫຼືຍ້າຍ​ກົ້ນ​ໃຫ້​ຖູ​ໄປ​ກັບ​ພື້ນ ​ເອີ້ນຕອດ​ໄປ

ຕອດ 1 (ກ.) ​ເອົາ​ປາກຫຼື​ໄລ​ສັບ​​ເອົາ ​ເອີ້ນຕອດ ​ເຊັ່ນ​ ນົກ​ສັບ​ບົ້ງ ​ເອີ້ນນົກ​ຕອດ​ບົ້ງ ປາ​ແຫບ​ເຫຍື່ອ ​ເອີ້ນປາ​ຕອດ​ເຫຍື່ອ, ​ແຕນ​ຕ່ອຍ ​ເອີ້ນ​ແຕນ​ຕອດ, ງູ​ຂົບ ​ເອີ້ນງູ​ຕອດ

ຕອດ 2 (ນ.) ຊື່​ຕົ້ນ​ໄມ້​ແນວ​ໜຶ່ງ​ແກ່ນ, ໝາກມີ​ພິດ ໝາກ​ໃຊ້​ເປັນ​ຢາຂ້າ​ແມ່​ທ້ອງ​ໄດ້ ​ເອີ້ນຕົ້ນໝາກຕອດ

ຕອດ 3 (ນ.) ​ເຄື່ອງ​ເປົ່າ​ຫຼອກສັດ​ໃຫ້​ມາ​ຫາ ຫຼື​ເຄື່ອງ​ສອນສຽງສັດ​ຮ້ອງ ​ແນວໜຶ່ງ ​ເອີ້ນຕອດ

ຕັນ 1 (ກ.) ລັດ​ໄວ້, ອັດ​ໄວ້, ​ເຮັດບໍ່​ໃຫ້​ໄປມາ​ໄດ້ ​ເຊັ່ນ ຄິດ​ບໍ່ອອກ ​ເອີ້ນຕັນ​​ໃຈ, ຍິງ​ບໍ່ອອກ ​ເອີ້ນຕັນປືນ, ບັງໜ້າ​ໄວ້ ​ເອີ້ນຕັນໜ້າ

ຕັນ 1 (ກ.) ລັດ​ໄວ້, ອັດ​ໄວ້, ​ເຮັດບໍ່​ໃຫ້​ໄປມາ​ໄດ້ ​ເຊັ່ນ ຄິດ​ບໍ່ອອກ ​ເອີ້ນຕັນ​​ໃຈ, ຍິງ​ບໍ່ອອກ ​ເອີ້ນຕັນປືນ, ບັງໜ້າ​ໄວ້ ​ເອີ້ນຕັນໜ້າ

ຕີນ (ນ.) ອະ​ໄວ​ຍະ​ວະ​ທີ່​ໃຊ້​ຍ່າງ, ບ່ອນ​ຕັ້ງ, ບ່ອນ​ສຸດ​ຂອງ​ຂາ​ທາງ​ລຸ່ມ ​ເອີ້ນ ຕີນ, ຮັບ​ໃຊ້​ຕາງ​ມື​ຕາງ​ຕີນ ​ເອີ້ນຕາງ​ຕີນ

ຕີນແຮດ (ນ.) ຊື່​ເຫັດ​ແນວໜຶ່ງ ຕີນ​ໃຫຍ່​ຄ້າຍ​ຕີນ​ແຮດ ດອກ​ໃຫຍ່ ​ແລະ ໜາ ສີ​ມຸມໆ ​ເອີ້ນ​ເຫັດ​ຕີນ​ແຮດ

ຕຸ່ນ (ນ.) ຊື່ສັດ​ແນວໜຶ່ງ ຕົວ​ຄ້າຍຄືໜູ ​ແຕ່​ໃຫຍ່ ​ແລະ ຕຸ້ຍ​ກວ່າໜູ ຕາ​ນ້ອຍ ຂົນ​ອ່ອນ ​ເຮັດ​ຮູ​ຢູ່​ຄືໜູ

ເຕັນ 1 (ນ.) ຊື່​ນົກ​ແນວໜຶ່ງ ​ເປັນ​ນົກ​ກິນ​ປາ​ ຂົນ​ປີກ​ສີສິ້ວ​ແກມ​ແດງ ມີ​ສາມ​ແນວ ຄື​ເຕັນ​ກາກ ຕົວ​ໃຫຍ່ ​ເຕັນ​ຊິວ​ຕົວ​ນ້ອຍ, ​ເຕັນຂີ້ໜອນ ຕົວລາຍ​ປີກ​ລາຍ

ເຕັນ 2 (ນ.) (ອ.) ຜ້າ​ເຕັນ, ທີ່​ອາ​ໄສ​ເຊິ່ງຍ້າຍ​ໄປມາ​ໄດ້ ​ເຮັດ​ດ້ວຍ​ເສົາ​ໂລຫະ ມຸງ​ດ້ວຍ​ຜ້າໜາໆ ມີ​ສາຍ​ເຄັ່ງ​ໃສ່​ເຫຼັກ ​ເອີ້ນ​ເຕັນ, ຜ້າ​ເຕັນ, ຜ້າ​ຕັງ

ເຕັນ 3 (ນ.) (ອ.) ຊື່​ໄມ້​ແນວໜຶ່ງຕົ້ນ​ເປັນໜາມຍາວ ​ແລະໝາກສຸກ​ແລ້ວ​ເປັນ​ສີດໍາ​ກິນ​ໄດ້, ໝາກຍັງ​ອ່ອນ​ເອົາ​ຕໍ່າ​ໃສ່​ຂີ້​ເຫຼົ້າ

ແຕນ (ນ.) ຊື່​ແມງ​ຈໍາພວກໜຶ່ງ ມີ​ປີກ​ບິນ​ໄດ້ ​ແລະ ມີ​ໄລ​ຢູ່ກົ້ນຕອດ​ປອດ ​ເອີ້ນ​ແຕນ, ມີຫຼາຍ​ແນວ​ຄື ​ແຕນ​ເຈ້ຍ ຫຼື​ແຕນ​ເຕ້ຍ ຫຼື​ແຕນ​ຂີ້ໝາ

ຕົ້ນ (ນ.) ລໍາ​ຂອງຕົ້ນ​ໄມ້, ກົກ, ​ເຄົ້າ, ​ເດີມ, ຫົວໜ້າ

ໂຕນ 1 (ນ.) (ຝ). ນໍ້າໜັກທໍ່ກັບ 1.000 ກິ​ໂລ ​ເອີ້ນໜຶ່ງ​ໂຕນ

ໂຕນ 2 (ກ.) ​ໂດດ​ລົງ​ຈາກ​ບ່ອນ​ສູງ

ໂຕນ 3 (ກ.) ຕົກ​ຈາກ​ບ່ອນ​ສູງ ​ເຊັ່ນ​ນໍ້າຕົກ​ຈາກ​ບ່ອນ​ສູງ​ລົງ​ສູ່​ບ່ອນ​ຕ່ຳ ​ເອີ້ນ​ໂຕນ

ໂຕນ 4 (ກ.) ​ເຕັ້ນລົງ​ຈາກ​ບ່ອນ​ສູງ ​ເຊັ່ນ​ ໂຕນລົງ​ຈາກ​ຂັ້ນ​ໄດ, ຕົນ​ລົດ

ໂຕນ 5 (ກ.) ລັກໜີຟ້າວ​ຟັ່ງ ​ເອີ້ນ​ໂຕນ ​ເຊັ່ນ ​ນັກ​ໂທດ​ໂຕນ​ຄຸກ

ໂຕນ 6 (ວ.) ຫຼຸ​ດ, ບໍ່ສະ​ເໝີກັນ, ບໍ່ທັນ​ກັນ ​ເອີ້ນ​ໂຕນ​ກັນ

ໂຕນ 7 (ກ.) ການ​ເອົາ​ຂອງຕໍ່ຂອງ ​ແລກ​ກັນ​ໂດຍ​ຕີ​ລາຄາ ປຽບທຽບ​​ໃສ່​ກັນ, ​ເອີ້ນບໍ່​ໂຕນ​ກັນ

ໂຕ່ນ 1 (ນ.) ຊື່​ພືດໝາກ​ໄມ້​ແນວໜຶ່ງ ຕົ້ນ​ເປັນ​ເຄືອ​ຄື​ເຄືອໝາກ​ແຕງ ໜ່ວຍ​ໃຫຍ່ ​ເຄືອ ​ແລະ ໝາກມີ​ຂົນ ​ໃຊ້​ກິນ​ເປັນ​ອາຫານ​ໄດ້ ​ເອີ້ນໝາກ​ໂຕ່ນ

ໂຕ່ນ 2 (ວ.) ຂາວໝົ່ນ, ໝົ່ນ

ໂຕ່ນ 3 (ວ.) ​ເປືອຍ, ​ເປົ່າ ​ເຊັ່ນ​ໄກ່​ບໍ່ມີ​ຂົນ ​ເອີ້ນ​ໄກ່​ໂຕ່ນ ​ເຊັ່ນ ປະ​ເປືອຍ ​ໂກ່ນ​ໂຕ່ນ

ໂຕ້ນ 1 (ວ.) ​ໃຫຍ່, ນົມ​ໃຫຍ່​ກວ່າ​ປົກກະຕິ ​ເອີ້ນນົມ​ໂຕ້ນ, ກົ້ນ​ໃຫ່ຍ ​ເອີ້ນກົ້ນ​ໂຕ້ນ

ໂຕ້ນ 2 (ນ.) ຂອງ​ແຂວນ​ຊັ່ງ​ນໍ້າໜັກທີ່​ຫ້ອຍ​ຢູ່​ຫາງ​ຊິງ ​ເອີ້ນ​ໂຕ້ນຊິງ

ຕອນ 1 (ນ.) ທ່ອນ, ຕ່ອນ, ​ໄລຍະ, ວັກ, ໝວດ

ຕອນ 2 (ກ.) ​ແບ່ງ​, ຕັດ, ​ເຮັດ​ຍອດ ຫຼືງ່າ​ໄມ້​ໃຫ້​ແຕກ​ແໜງ ​ເອີ້ນຕອນ ​ເຊັ່ນ​ຕອນ​ຢາ, ຕອນ​ຕົ້ນ​ໄມ້. ຜ່າຕັດ​ອະ​ໄວ​ຍະ​ວະ​ສືບ​ພັນ ສ່ວນໜຶ່ງຂອງ​ຄົນ ​ແລະ ສັດ ​ເພື່ອ​ບໍ່​ໃຫ້​ມີ​ລູກ ​ເອີ້ນຕອນ ​ເຊັ່ນ ຕອນ​ຄົນ ຕອນ​ງົວ ຕອນ​ຄວາຍ ຕອນໝູ

ຕ້ອນ 1 (ນ.) ເຄື່ອງມືຈັບປາແນວໜຶ່ງ ຄ້າຍລີ່ແຕ່ບໍ່ມີຫາງ ຝັງເສົາມັດໄມ້ຂັ້ນ ກັ້ນເຜືອກເຈາະຮູ ສໍາລັບເອົາໄຊໃສ່ ເຮັດໄວ້ຕາມຮ່ອງນໍ້າ ຫຼືຫ້ວຍນ້ອຍ ເອີ້ນ ຕ້ອນ

ຕ້ອນ 2 (ນ.) ຂອງຝາກ, ເວລາໄປຢາມພີ່ນ້ອງເອົາຂອງໄປຝາກ, ຂອງຝາກນີ້ ເອີ້ນຂອງຕ້ອນ

ຕ້ອນ 3 (ນ.) ໄປຮັບ, ໄປຖ້າຮັບ ເອີ້ນໄປຕ້ອນ

ຕ້ອນ 4 (ກ.) ຂັບໄລ່ ເອີ້ນຕ້ອນ

ຕ້ອນ 5 (ກ.) ປ້ອງກັນໄວ້ ເອີ້ນຕ້ອນ

ຕ້ອນ 6 (ກ.) ກັນບໍ່ໃຫ້ໄປຕາມທີ່ຕ້ອງການ, ໄລ່ໄປໃສ່ທີ່ຕ້ອງການ ເຊັ່ນ: ປ້ອງງົວຄວາຍໄປກິນຫຍ້າ ຫຼືປ້ອງເຂົ້າຄອກ ເອີ້ນຕ້ອນ

ຕ້ອນຮັບ (ກ.) ຮັບແຂກທີ່ເຊີນມາ, ຮັບແຂກທີ່ມາຢາມ

ຕັບ 1 (ນ.) ອະໄວຍະວະສ່ວນໜຶ່ງຢູ່ໃນທ້ອງຂອງຄົນ ແລະ ສັດ ມີໜ້າທີ່ສ້າງ ນໍ້າບີ ແລະ ໂປຣຕີນບາງຊະນິດ ເພື່ອຍ່ອຍອາຫານທີ່ເປັນມັນ

ຕັບ 2 (ນ.) ເປັນຄຳທີ່ໃຊ້ເອີ້ນຂອງທີ່ເປັນແຫຼບກັນຢູ່ຫຼາຍຊັ້ນ ເຊັ່ນຕັບເຈ້ຍ ຕັບລູກປືນ, ຕັບໄມ້ແປ້ນ

ຕັບເຕົ່າ 1 (ນ.) ແມງແນວໜຶ່ງປີກແຂງ ສີດໍາເຫຼື້ອມ ຕົວຂະໜາດເລັບມື ອາໄສຢູ່ຕາມບຶງ ຫຼືຕາມທົ່ງນາ ເອີ້ນແມງຕັບເຕົ່າ

ຕັບເຕົ່າ 2 (ນ.) ຊື່ໄມ້ຂະໜາດກາງແນວໜຶ່ງໃບດ້ານໜ້າ ເປັນມັນ, ຮູບໃບຄ້າຍແມງຕັບເຕົ່າ ເອີ້ນຕົ້ນຕັບເຕົ່າ

ຕາບ 1 (ນ.) ຂ້າງ, ຝ່າຍ, ຮິມ

ຕາບ 2 (ນ.) ຮອຍແປ້ວ, ຮອຍຂີ້ບາດທີ່ດີແລ້ວເຊັ່ນ: ຂາຕາບ, ແຂນຕາບ

ຕາບ 3 (ກ.) ເອົາແປະໃສ່ບ່ອນຂາດ ຫຼືບ່ອນວາກ, ເສື້ອຜ້າທີ່ຂາດໃຊ້ຜ້າແປະໃສ່ບ່ອນຂາດແລ້ວຫຍິບຫຼືເຮືອແຕກ ເອົາແປ້ນມາແປະໃສ່ ແລ້ວຕອກຕາປູໃສ່ໃຫ້ແໜ້ນ ເອີ້ນຕາບ

ຕາບ 4 (ວ.) ຈົນເຖິງ, ເມື່ອ, ຍັງ, ຈົນຕະຫຼອດ, ຮອດເຖິງເຊັ່ນ: ຕາບຕໍ່ເທົ້າ, ຕາບໄປ່ເຖິງ

ຕິບ (ນ.) ພາຊະນະສານດ້ວຍຕອກໄມ້ໄຜ່ ຮູບກົມຕີນມົນ ຕາມຮູບໜ່ວຍ ມີຝາສໍາລັບໃສ່ເຂົ້າໜຶ້ງ ເອີ້ນຕິບເຂົ້າ, ກະຕິບເຂົ້າ

ຕົບ 1. ຕີດ້ວຍຝາມື, ຕີດ້ວຍຂອງແປໆ, ຕີດ້ວຍຝາມື ເອີ້ນຕົບ ເຊັ່ນເອົາມືຕີ ເຂົ້າກັນ ເອີ້ນຕົບມື, ເອົາແສ່ງຕີກັນ ເອີ້ນຕົບແສ່ງ, ຕີກອງ ເອີ້ນຕົບກອງ

ຕົບ 2 (ກ.) ຊັກ, ສຸ, ຖູໃຫ້ສະອາດດ້ວຍນໍ້າ ເຊັ່ນ: ຊັກຜ້າ ເອີ້ນຕົບຜ້າ, ສຸຜ້າ ໃຫ້ສະອາດດ້ວຍນໍ້າ ເອີ້ນຕົບຜ້າ

ຕົບ 3 (ນ.) ຊື່ຜັກແນວໜຶ່ງ ເກີດຢູ່ຕາມໜອງຕາມບຶງ ດອກສີແຫຼ້ ມີສອງແນວ ຄືຜັກຕົບທໍາມະດາ ແລະ ຕົບໂປ້ງ

ຕາມ 1 (ກ.) ນໍາໄປ, ໄປທາງໜ້າ, ເປັນໄປໂດຍລໍາດັບ, ບໍ່ຂັດ, ບໍ່ຂີນ ເຊັ່ນ: ຕາມໃຈເຮັດຕາມຮີດ

ຕາມ 2 (ບຸ.) ຕະຫຼອດ, ນໍາ ເຊັ່ນ: ໄປຕາມທາງມາຕາມທາງ

ຕາມ 3 (ກ.) ໄຕ້ທູບ, ໄຕ້ທຽນ ເພື່ອບູຊາ ເອີ້ນຕາມທູບຕາມທຽນ

ຕຸ້ມ 1 (ນ.) ເຄື່ອງມືຫາປາ ສານດ້ວຍຕອກໄມ້ໄຜ່ມີຮູບຄືຂ້ອງມີງາຢູ່ຂ້າງໃຫ້ປາເຂົ້າໄປແລ້ວອອກບໍ່ໄດ້ ເອີ້ນຕຸ້ມ, ຕຸ້ມມີຫຼາຍແນວເຊັ່ນ: ຕຸ້ມກົບ, ຕຸ້ມປາ, ຕຸ້ມໂຕ່ງປາ

ຕຸ້ມ 2 (ນ.) ເຄື່ອງປະດັບຫູ ທາງໜ້າຮູບຄືໝາກຕຸ້ມ ຂາສັ້ນ ເອີ້ນຕຸ້ມຫູ

ຕຸ້ມ 3 (ນ.) ກະດຸມ, ກະດຸມທີ່ເຮັດດ້ວຍຄຳ, ເງິນ, ນາກ ຈະເຮັດເປັນເມັດ ຫຼືຮ້ອຍເປັນພວງຄືສາຍສ້ອຍ ເອີ້ນໝາກຕຸ້ມ ໃສ່ເສື້ອ ເອີ້ນຕຸ້ມເສື້ອ, ໃສ່ຜ້າ ເອີ້ນຕຸ້ມຜ້າ

ຕຸ້ມ 4 (ນ.) ກອງຕຸ້ມ, ຊື່ກອງແນວໜຶ່ງ ຫຸ້ມດ້ວຍໜັງທັງສອງຂ້າງ ໃຊ້ຕີໃນ ເວລາຫຼິ້ນບຸນບັ້ງໄຟ ຫຼືກອງທີ່ຕີສຽງດັງຕຸ້ມໆ ເອີ້ນກອງຕຸ້ມ

ຕຸ້ມ 5 (ນ.) ຊື່ຕຸ້ມແນວໜຶ່ງ ສານດ້ວຍຕອກໄມ້ໄຜ່ ເປັນຮູບກົມ ສໍາລັບຂັງນົກ ຕໍ່ ມີນົກເຂົາ, ນົກທາ, ນົກຄໍ່

ຕຸ້ມ 6 (ກ.) ຄູ່ມຄອງ, ປົກຄອງ, ຮັກສາເຈົ້ານາຍແຕ່ກ່ອນປົກຄອງໄພ່ຟ້າປະ ຊາກອນ ເອີ້ນຕຸ້ມ

ຕຸ້ມ 7 (ກ.) ຫົ່ມ, ປົກເອົາໄວ້ ເຊັ່ນ: ຫົ່ມຜ້າ ຫຼືຄຸມຜ້າ ເອີ້ນຕຸ້ມ

ຕຸ້ມ 8 (ກ.) ຫຸ້ມ, ປິດ, ຫໍ​ຫຸ້ມ ​ເອີ້ນຕຸ້ມ

ຕຸ້ມ 9 (ກ.) ທະນຸ​ຖະໜອມນໍ້າ​ໃຈ ​ເອີ້ນຕຸ້ມ

ຕຸ້ມ 10 (ນ.) ຊື່​ຕໍ່ທີ່​ເຮັດຮັງ​ແຂວນ​ຢູ່​ງ່າ​ໄມ້ ​ເອີ້ນຕໍ່ຕຸ້ມ

ຕຸ້ມ 11 (ນ.) ຊື່​ຜ້າ​ແພ​ຜືນໜາທີ່​ຕ່ຳ​ດ້ວຍ​ຟືມ ຫຼືຖັກ​ດ້ວຍ​ດ້າຍ ສໍາລັບ​ເອົາ​ຕຸ້ມ​ລູກນ້ອຍ ​ເອີ້ນຜ້າ​ຕຸ້ມ

ຕູມ (ນ.) ຊື່​ຕົ້ນ​ໄມ້​ແນ​ວໜຶ່ງ ຕາມ​ຕົ້ນມີໜາມ ​ໃບ​ມີ​ກິ່ນ​ຂິວ ໜ່ວຍມົນ ​ໃນໜ່ວຍມີ​ຢາງໜຽວ ໜ່ວຍສຸກ​ແລ້ວມີ​ກິ່ນ​ຫອມ ກິນ​ໄດ້ ​ເອີ້ນຕົ້ນໝາກຕູມ

ແຕ້ມ 1 (ກ.) ຂຽນດ້ວຍ​ສີ​ໃຫ້​ເປັນຮູບຫຼືລາຍທາ, ທາໜ້ອຍໆ​ ​ເອີ້ນ​ແຕ້ມ ​ເຊັ່ນ: ​ແຕ້ມຮູບຄົນ, ຮູບສັດ ​ເອີ້ນ​ແຕ້ມຮູບ; ​ແຕ້ມ​ເປັນຮູບລາຍ​ດອກ ລາຍ​ເຄືອ ​ເອີ້ນ​ແຕ້ມ​ລາຍ; ​ແຕ້ມ​ປູນໜ້ອຍໆໃສ່​ໃບ​ພູ ​ເພື່ອ​ຄ້ຽວໝາກ ​ເອີ້ນ​ແຕ້ມ​ປູນ

ແຕ້ມ 2 (ນ.) ນໍ້າ​ສີ​ທີ່​ໃຊ້​ຂຽນຮູບລາຍ ​ເອີ້ນນໍ້າ​ສີ​ແຕ້ມ

ແຕ້ມ 3 (ນ.) ຄະ​ແນນໝາຍ​ໃນ​ການ​ພະນັນ ດັ່ງ​ໄພ້ ​ເອີ້ນ​ແຕ້ມ​ໄພ້

ຕົ້ມ 1 (ກ.) ​ເຮັດ​ໃຫ້ຮ້ອນ, ​ເຮັດ​ໃຫ້​ສຸກ​ດ້ວຍ​ນໍ້າຮ້ອນ ​ເຊັ່ນ: ຕົ້ມ​ໄກ່, ຕົ້ມ​ເປັດ, ຕົ້ມປາ, ຕົ້ມ​ເງິນ, ຕົ້ມຄຳ

ຕົ້ມ 2 (ກ.) ​ເຮັດ​ໃຫ້​ສະອາດ ​ເຊັ່ນ: ຕົ້ມຜ້າ ຕົ້ມ​ເງິນ ຕົ້ມຄຳ

ຕົ້ມ 3 (ນ.) ຊື່​ເຂົ້າໜົມ​ແນວໜຶ່ງ ​ເຮັດດ້ວຍ​ເຂົ້າໜຽວຫໍ່​ໃບຕອງ​ກ້ວຍ ມັດ​ດ້ວຍ​ຕອກ ຖ້າ​ມັດ​ຫໍ່ດຽວ ​ເອີ້ນໜຶ່ງກີບ ຖ້າ​ມັດ​ຕິດ​ກັນ​ສອງ​ຫໍ່ຂຶ້ນ​ໄປ ​ເອີ້ນໜຶ່ງ ​ໂຄມ ​ແລ້ວ​ເອົາ​ໄປຕົ້ມ​ໃຫ້​ສຸກ ​ເອີ້ນ​ເຂົ້າຕົ້ມ

ຕົ້ມ 4 (ກ.) ຫຼອກລວງ​ເອົາ​ຂອງ​ຜູ້​ອື່ນ ມາ​ເປັນ​ຂອງ​ຕົນ, ຕົວະ​ຍົວະ​ເອົາ​ຂອງ​ຜູ້ ອື່ນ ​ເອີ້ນຕົ້ມ

ຕາວ 1 (ນ.) ດາບ, ງ້າວ, ມີດ​ຍາວ

ຕາວ 2 (ນ.) ຊື່​ຕົ້ນ​ໄມ້​ແນວໜຶ່ງ ໝາກ​ເປັນ​ພວງ​ຄືໝາກຄ້ຽວ ​ໃບ​ເປັນ​ກ້ານ ຄ້ານ​ກ້ານ​ພ້າວ ​ເອີ້ນຕົ້ນໝາກຕາວ

ຕ່ຽວ ນ. ​ເຊີງ​ຜ້າ​ນຸ່ງ​ທີ່​ຢ່ອນ​ລົງ ຫຼື​ເຊີງ​ຜ້າ​ທີ່​ມ້ວນ​ແລ້ວ​ເໜັບ​ໄວ້​ທາງ​ຫຼັງ ​ເອີ້ນຜ້າ​ກະຕ່ຽວ, ຂອງ​ທີ່​ມີ​ລັກສະນະ​ດັ່ງ​ເຊີງ​ຜ້າ​ເໜັບຂຶ້ນ ກໍ່​ເອີ້ນຕ່ຽວ

ຕ້ຽວ 1 ນ. ສ່ວນໜຶ່ງຢູ່​ຜ່ານໜ້າອົກ​ຂອງ​ກະປູຕົວ​ຜູ້ ຮູບຄື​ຕ່ຽວຜ້າ ​ເອີ້ນຕ້ຽວ ປູ, ຕ່ຽວປູ

ຕ້ຽວ 2 (ນ.) ຜ້າ​ຜືນ​ນ້ອຍໆ ທີ່​ຜູ້ຍິງ​ເປັນ​ລະດູ​ນຸ່ງ​ຊ້ອນ​ເໜັບ​ໄວ້​ທາງ​ໃນ ​ເພື່ອ​ຊັບ​ເອົາ​ເລືອດ ​ເອີ້ນຕ້ຽວ

ຕ້ຽວ 3 (ນ.) ຢາງຮອງໝາກກະຖຸນ ບ່ອນ​ສໍາລັບ​ໃສ່​ລູກ​ກະຖຸນ ສໍາລັບ​ຍິງ​ໄປ ​ເອີ້ນຕ້ຽວກະ​ຖຸນ