ຖ. ຖະໜົນ (ນ.) ຫົນທາງ, ທາງ

ຖະແຫຼງ (ກ.) ບອກ, ເລົ່າ ຫຼື ແຈ້ງໃຫ້ຊາບຢ່າງເປັນທາງການ

ຖະແຫຼງການ 1 (ກ.) ອະທິບາຍເຫດການເປັນທາງການ

ຖະແຫຼງການ 2 (ນ.) ຄໍາ​ອະທິບາຍເຫດການເປັນທາງການ

ຖາວອນ (ວ.) ໝັ້ນຄົງ, ຢູ່ເຫິງນານ, ຕັ້ງໝັ້ນທົນທານ, ຄົງທົນ

ຖ້າ 1 (ກ.) ຄອງ, ຄອຍ, ລໍ, ລໍຄອຍສິ່ງທີ່ຍັງບໍ່ມີບໍ່ມາ ວ່າຖ້າ

ຖ້າ 2 (ສັນ.) ຜີ, ຫາກ, ແມ້, ແມ້ວ່າ, ຫາກວ່າ, ຖ້າວ່າ

ຖ້າ 3 (ກ.) ເພື່ອ, ລ້ຽງຍິງໄວ້ລໍຊາບ ລ້ຽງຊາຍໄວ້ລໍຍິງ ເອີ້ນລ້ຽງໄວ້ຖ້າ

ຖື (ກ.) ຈັບ, ຈັບຍົກໄວ້ດ້ວຍມື, ເຮັດຕາມ, ປະພຶດເຊື່ອ ເຊັ່ນ: ຈັບມີດ ເອີ້ນຖືມີດ, ຕັ້ງທ້ອງ ເອີ້ນຖືພາ, ເຊື່ອແລະປະຕິບັດຕາມສາສະໜາ ເອີ້ນຖືສາສະໜາ ຮັບສິນແລ້ວປະຕິບັດ ເອີ້ນຖືສິນ, ນັບເອົາເປັນພີ່ນ້ອງ ເອີ້ນ ຖືເປັນພີ່ນ້ອງ

ເຖລະວາດ (ນ.) ລັດທິ​ພຸ​ດທະ​ສາສະໜາຝ່າຍ​ໃຕ້ ທີ່​ເຖລະ​ພຸດທະ​ສາວົກ ​ໄດ້​ທໍາ​ສັງຄາຍະນາ​ໄວ້ ຄື: ລັດທິ​ຫິນະ​ຍານ

ແຖ 1 (ນ.) ມີດ​ສໍາລັບ​ຂູດ​ຜົມ ​ແລະ ຂົນ​​ໃຫ້​ກ້ຽງ ​ເອີ້ນມີດ​​ແຖ

ແຖ 2 (ກ.) ຂູດ​ຜົມ ​ແລະ ຂົນ​ອອກ​ດ້ວຍ​ມີດ​ແຖ ​ເອີ້ນ​ແຖ​ຜົມ

ແຖ 3 (ວ.) ​ເຈີດ​ໄປ, ​ແວ​ໄປ, ​ແຮະ​ໄປ ​ເຊັ່ນ: ນົກ​ເຈີດ​ລົງ​ເອົາ​ເຫຍື່ອ ​ເອີ້ນ​ແຖ​ລົງ

ແຖ 4 (ນ.) ປີ່​ແນວໜຶ່ງ ຄ້າຍຄື​ປີ່​ທໍາ​ມະ​ດາ ​ແຕ່​ປາກ​ເຫີ​ວ ​ເອີ້ນປີ່​ແຖ, ບາງ​ທ້ອງ​ຖິ່ນ ​ເອີ້ນ​ແກ ຫຼື​ແຕ

ແຖ 5 (ນ.) ຍາມ​ໃກ້​ທ່ຽງ ​ເອີ້ນວ່າ: ຍາມ​ແຖ ຫຼື​ແຖ​ໃກ້​ທ່ຽງ

ໂຖ (ນ.) ພາຊະນະ​ຢ່າງໜຶ່ງ ລັກສະນະ​ສູງ​ປາກ​ກວ້າງ ກົ້ນຮອມ ມີ​ຝາ​ອັດ ​ເອີ້ນ​ໂຖ ​ເຮັດດ້ວຍ​ແກ້ວ ​ເອີ້ນ​ໂຖ​ແກ້ວ, ​ເຮັດດ້ວຍ​ດິນ ​ເອີ້ນ​ໂຖ​ດິນ

ເຖາະ (ນ.) ຊື່​ປີ​ທີ 4 ມີຮູບກະຕ່າຍ​​ເປັນ​ເຄື່ອງໝາຍ ​ເອີ້ນປີ​ເຖາະ, ປີ​ກະຕ່າຍ

ຖົ່ວ 1 (ນ.) ພືດ​ຈໍາພວກໜຶ່ງ ​ໃຊ້ໝາກ​ເປັນ​ອາຫານ, ມີຫຼາຍ​ແນວ​ຄື: ຖົ່ວດິນ, ຖົ່ວ​ພູ, ​ຖົ່ວ​ແຮ, ຖົ່ວ​ດໍາ ​ແລະ ຖົ່ວອື່ນໆ

ຖົ່ວ 2 (ນ.) ຊື່​ການ​ພະນັນ​ຢ່າງ​ໜຶ່ງ ​ໃຊ້ໝາກ​ເບ້ຍ​ຫຼາຍໜ່ວຍ​ເອົາ​ຖ້ວຍງວຳ​ໄວ້ສ່ວນຫຼາຍ​ໃຊ້ໝາກ​ເບ້ຍ​ເມັດໝາກຂາມ ​ແລ້ວ​ແຈ້ງ​ເປັນ​ຄະ​ແນນທີ່​ລະ4ຖ້າ​ເຫຼືອ​ເສດໜຶ່ງ ​ເອີ້ນວ່າ​ອອກໜ່ວຍ ຖ້າ​ເຫຼືອ​ເສດ​ສອງ ​ເອີ້ນວ່າ ອອກສອງ ຖ້າ​ຄົບ​ສີ່​ພໍດີ ​ເອີ້ນວ່າ ອອກ​ຄົບ​ໂປ

ຖົ່ວງອກ (ນ.) ​ແກ່ນໝາກຖົ່ວ​ຂຽວທີ່​ເອົາ​ມາ​​ແຊ່​ນໍ້າ​ໃຫ້​ອອກ​ງອກ ​ເອີ້ນ​ຖົ່ວ​ງອກ​ແລ້ວ​ຈຶ່ງ​ເອົາມາ​ໃຊ້​ເປັນ​ອາຫານ

ໄຖ 1 (ນ.) ​ເຄື່ອງມື​ເຮັດນາ​ຢ່າງໜຶ່ງ ​ໃຊ້​ຄວາຍ ຫຼືງົວ ຫຼືລົດ ​ແກ່​ໄປ​ເພື່ອ​ເຮັດ​ໃຫ້​ດິນປິ້ນຂຶ້ນ ການ​ໄຖ ມີ​ໄຖຮຸດ ​ໄຖ​ຄົ້ນ

ໄຖ 2 (ກ.) ຍູ້​ໄປ​ທາງໜ້າ, ​ເຮັດ​ໃຫ້​ດິນ​ປີ້ນຂຶ້ນດ້ວຍ​ໄຖ

ໄຖ່ 1 (ກ.) ຖອນ, ຄືນ, ​ເອົາ​ຊັບ​ຂອງ​ຕົນ​ໄປ​ແລກ​ເອົາ​ຂອງ​ທີ່​ຕົນ​ຈໍາ​ຄົນ​ອື່ນ​ໄວ້ ຊື້ຄືນ

ໄຖ່ 2 (ກ.) ປ່ຽນ, ​ແກ້​ໄຂ ​ເຊັ່ນ: ນຸ່ງ​ຜ້າ​ຜືນ​ໃໝ່ ​ເອີ້ນ​ໄຖ່​ຜ້າ

ຖັກແທ່ 1 (ນ.) ຄົນ​ປ່າ ຫຼືສັດປ່າ​ພວກໜຶ່ງຮູບຮ່າງຄື​ຄົນ ​ແຕ່​ບໍ່ມີໝາກບ້າ​ຫົວ​ເຂົ່າ​ແຂນ​ຂາ​ຄົມ ສໍາລັບ​ໃຊ້​ຟັນ​ອາຫານ​ກິນ​ຜົມ​ແດງ ​ແຂ້ວ​ດໍາ ​ເອີ້ນຖັກ​ແທ່, ຊະ​ແຄ່

ຖັກແທ່ 2 (ນ.) ສັດ​ແນວໜຶ່ງມັກ​ຢູ່​ໃນ​ດິນ​ຊຸ່ມຕົວ​ຄື​: ຂີ້ກະ​ເດືອນ ​ແຕ່​ຕົວ​ນ້ອຍ​ສີ​ແດງ

ຖືກ 1 (ກ.) ຕໍາ, ຊູນ, ​ແຕະຕ້ອງ, ສໍາຜັດ, ບໍ່ຜິດ

ຖືກ 2. ​ເປັນ​ຄໍາຂະຫຍາຍ​ກິລິຍາ ​ໃນ​ຄວາມໝາຍຖືກ​ເຮັດ, ຖືກ​ທໍາ ​ເຊັ່ນ: ນົກ​ຖືກ​ຍິງ, ຄວາຍ​ຖືກ​ຂ້າ

ຖືກ 3 (ວ.) ບໍ່​ແພງ ​ລາຄາໜ້ອຍ ​ເຊັ່ນ​ຂອງ​ບໍ່​ແພງ ​ເອີ້ນຂອງ​ຖືກ

ໂຖກເຖກ (ນ.) ​ໄມ້​ສອງ​ອັນ ​ເຮັດ​ເດືອຍ​ໃສ່​ສ່ວນ​ທາງ​ລຸ່ມ ສໍາລັບ​ຢຽບ ທາງ​ປາຍ​ເອົາ​ມື​ຈັບ​ແລ້ວ​ຍ່າງ​ເພື່ອ​ໃຫ້​ສູງ ​ເອີ້ນ​ໄມ້​ຂາ​ໂຖກ​ເຖກ ​ເປັນ​ກິລາ​ບູຮານ​ແນວໜຶ່ງ ຫຼິ້ນ​ເປັນໝູ່ໆ ຄືຂຶ້ນ​ໄມ້​ຂາ​ໂຖກ​ເຖກ​ແລ້ວ​ແລ່ນ​ໃຜ​ແລ່ນ​​ໄວ​ຖື​ວ່າ​ແພ້, ​ໄມ້​​ໂຢ່ງ​ເຢ່ງ

ຖັງ (ນ.) ພາ​ຊະນະ​ແນວໜຶ່ງ ປາກ​ກວ້າງ ກົ້ນຮອມ ຖ້າ​ໃສ່​ນໍ້າ​ ​ເອີ້ນຖັງ​ນໍ້າ, ​ໃສ່​ເຂົ້າ ​ເອີ້ນຖັງ​ເຂົ້າ ກະ​ຖັງ

ຖົງ (ນ.) ​ເຄື່ອງ​ໃສ່​ສິ່ງ​ຂອງ​ທໍາ​ດ້ວຍ​ຜ້າ ຫຼືສານ​ດ້ວຍ​ປໍ, ປ່ານ ມີ​ສາຍພາຍ​ເຊັ່ນ: ຖົງ​ໂສ້ງ, ຖົງ​ເສື້ອ, ຖົງ​ເງິນ

ຖຽງ 1 (ນ.) ​ເຮືອນ້ອຍໆ ທີ່​ປຸກ​ໄວ້​ຕາມ​ນາ ຫຼື​ໄຮ່ ຖ້າ​ຢູ່ນາ ​ເອີ້ນຖຽງນາ, ຖ້າ​ຢູ່​ໄຮ່ ​ເອີ້ນຖຽງ​ໄຮ່

ຖຽງ 2 (ກ.) ​ເວົ້າສູ້​ກັນ​ໄປມາ, ​ເວົ້າຕອບ​ກັນ​ໄປມາ, ​ເວົ້າຂັດ​ແຢ້ງກັນ ​ເອີ້ນຖຽງກັນ

ເຖືອດ (ນ.) ດິນແລະໄມ້ທີ່ເອົາອັດປາກແລະກົ້ນບັ້ງໄຟ, ໃນການເຮັດບັ້ງໄຟຈະຕ້ອງໃຊ້ທັງເຖືອດດິນແລະເຖືອດໄມ້ອັດປາກ, ກົ້ນບັ້ງໄຟ ແລ້ວຈິ່ງເຈາະຮູເພື່ອປ້ອງກັນບໍ່ໃຫ້ບັ້ງໄຟຫຼຸເຖືອດແລະບໍ່ໃຫ້ຮູກວ້າງໄວໃນເວລາຈູດ

ຖ້ອຍ (ນ.) ຄໍາເວົ້າ, ຄວາມ, ຖ້ອຍ​ຄວາມ

ຖ້ວຍ (ນ.) ພາຊະນະ​ສໍາລັບ​ໃສ່​ອາຫານ ມີຮູບຕ່າງໆກັນ ​ເຮັດດ້ວຍ​ດິນ​ເຜົາ, ຖ້າ​ຂະໜາດ​ໃຫຍ່ ​ເອີ້ນຖ້ວຍຊາມ

ຖັນ (ນ.) ນົມ

ຖັນ 2 (ນ.) ​ແຖວ, ​ແຖວ​ລຽນທາງກວ້າງ

ຖັນ 2 (ນ.) ​ແຖວ, ​ແຖວ​ລຽນທາງກວ້າງ

ຖານ 2 (ນ.) ທີ່ຕັ້ງ, ຕໍາແໜ່ງ, ຫຼັກ

ຖ່ານ 1 (ນ.) ໄມ້ທີ່ເຜົາໃຫ້ໄໝ້ ໃຊ້ແທນຝືນ ເອີ້ນຖ່ານ

ຖ່ານ 2 (ນ.) ຊື່ເຫັດແນວໜຶ່ງ ດອກດໍາຄືຖ່ານ ເອີ້ນເຫັດຖ່ານ

ຖຸນ (ກ.) ກິນອາຫານພໍຮອງທ້ອງ, ການກິນຝິ່ນ ໂດຍບໍ່ສູບ ເອີ້ນຖຸນຝິ່ນ, ກິນຢາໂດຍບໍ່ສູບ ເອີ້ນຖຸນຢາ

ແຖນ (ນ.) ເທວະດາ, ຟ້າ, ຜີຟ້າ ຕາມຄວາມເຊື່ອຖືຂອງຄົນບູຮານວ່າ ພະຍາແຖນ ເປັນພະເຈົ້າຂອງຄົນລາວ

ເຖື່ອນ 1 (ນ.) ດາບ, ມາຈາກເຖື່ອນ

ເຖື່ອນ 2 (ນ.) ປ່າດົງທີ່ຮົກ, ແດນບ່ອນຢູ່ໃນປ່າຮົກ ເອີ້ນເຖື່ອນ

ຖ້ວນ (ວ.) ຄົບ, ຈົບກໍານົດ, ພໍ, ເຕັມບໍລິບູນ, ຈຸບບໍລິບູນ, ຈຸບກໍານົດ

ຖີບ 1 (ນ.) ຊື່ລົດທີ່ເອົາຕີນຢັນໄປ ເອີ້ນລົດຖີບ

ຖີບ 2 (ກ.) ເອົາຕີນຢັນໄປໂດຍແຮງ ເອີ້ນຕີນຖີບ

ຖີບ 3 (ວ.) ຟ້າວ, ດ່ວນ

ແຖບ (ນ.) ຖິ່ນ, ຝ່າຍ, ທາງ, ຂ້າງ ເຊັ່ນ: ຂ້າງເໜືອ ເອີ້ນແຖບເໜືອ, ຝ່າຍໃຕ້ ເອີ້ນແຖບໃຕ້

ແຖມ (ກ.) ຕື່ມ, ເພີ່ມ

ຖ້ວມ 1 (ກ.) ລຶບ, ນໍ້າລຶບ ເອີ້ນນໍ້າຖ້ວມ

ຖ້ວມ 2 (ວ.) ລົ້ນ, ກາຍ ເຊັ່ນ: ຖ້ວມທຶນ, ສູງຖ້ວມຫົວ

ຖ່າວ (ວ.) ພວມບ່າວ, ພວມສາວ ຫຼືກໍາລັງເປັນບ່າວເປັນສາວ

ຖິວ (ກ.) ເຮັດສົບອອມເຂົ້າກັນ ແລ້ວທັ່ງລົມອອກໃຫ້ມີສຽງດັງ ເອີ້ນຖິວ, ຜິວ

ແຖວ (ນ.) ສິ່ງທີ່ລຽນກັນຢູ່, ແນວ, ລໍາດັບ, ຖັນ, ຄອງປະທັດ, ຄອງບັນທັດ

ຖ້ຽວ (ນ.) ຄັງ, ຫົນ, ເທື່ອ, ຄັ້ງໜຶ່ງ ເອີ້ນຖ້ຽວໜຶ່ງ ຫົນໜຶ່ງ ເອີ້ນຖ້ຽວໜຶ່ງ