ນ. ນະ (ບຸ.) ​ໃນ, ທີ່ ​ເປັນ​ຄໍາຊີ້ບອກ​ເວລາ ຫຼືສະຖານ​ທີ່

ນະຄອນ (ນ.) ​ເມືອງ, ​ເມືອງ​ໃຫຍ່, ​ເມືອງ​ຫຼວງຂອງ​ປະ​ເທດ

ນະຄອນບານ (ນ.) ການ​ປົກຄອງ​ເມືອງ, ການ​ຮັກສາ​ເມືອງ

ນະໂຍບາຍ (ນ.) ວິທີ​ດໍາ​ເນີນ​ການ, ຫຼັກ​ ​ແລະ ວິທີ​ປະຕິບັດ ​ເຊິ່ງຖື​ເປັນ​ແນວທາງ​ດໍາ​ເນີນ​ການ

ນະທີ (ນ.) ​ແມ່​ນໍ້າ

ນະພາ (ນ.) ຟ້າ, ອາກາດ, ກາງຫາວ

ນະວະ  (ວ.) ​ໃໝ່ ​ໃຊ້​ເປັນ​ຄໍານໍາໜ້າສັບ​ອື່ນ ​ເຊັ່ນ: ນະວະ​ກໍາ ນະວະ​ການ, ນະວະ​ກິດ

ນະວະ 1 (ນ.) ການກໍ່ສ້າງ, ການ​ສ້າງ​ແປ​ງ,​ນະວະ​ກໍາ​ມິ​ກະ

ນະວະ 2 (ນ.) ຜູ້​ເບິ່ງ​ແຍງ​ການກໍ່ສ້າງ, ນະວະນິຍາຍ

ນະວະ 3 (ນ.) ນິທານ, ​ເລື່ອງ​ທີ່​ແຕ່ງ​ຂຶ້ນ​ໃໝ່

ນະວະ 4 (ວ.) ​ເກົ້າ, ຈໍານວນ​ເກົ້າ ​ໃຊ້​ເປັນ​ຄໍານໍາໜ້າຄໍາອື່ນ ​ເຊັ່ນ: ນະວະ​ເຄາະ ດາວ​ທັງ​ເກົ້າ, ດາວ​ນບພະ​ເຄາະ​ທັງ​ເກົ້າ ຄື​ພະ​ອາທິດ, ພະຈັນ, ພະ​ອັງຄານ, ພະພຸດ, ພະ​ປະ​ຫັດ, ພະສຸ​ກ, ພະ​ເສົາ, ພະ​ລາຫູ, ພະ​ເກດ

ນາ 1 (ນ.) ພື້ນທີ່​ສໍາລັບ​ປູກ​ເຂົ້າ ​ເອີ້ນນາ, ນາ​ປ່າ ​ເອີ້ນນາ​ໂຄກ, ນາດ​ອນ ​ເອີ້ນນາ​ໂນນ, ນາ​ຂຸ່ມ ​ເອີ້ນນາທາ​ມ, ນາ​ຊ່າວ​ໃໝ່ ​ເອີ້ນນາຊ່າວ

ນາ 2 (ວ.) ​ເປັນ​ຄໍາສ້ອຍ​ທ້າຍ ​ເພື່ອ​ໃຫ້​ມີ​ຄວາມ​ມ່ວນ​ຂຶ້ນ ​ເຊັ່ນ: ພີ່​ນາ, ນ້ອງ​ນາ, ​ແມ່​ນາ

ນາ 3 (ວ.) ​ເປັນ​ຄໍາຊ່ວຍ​ກິລິຍາ ບອກ​ຄໍາສະ​ເໜີ​ແນະ ຫຼືຂໍ​ຮ້ອງ ​ເຊັ່ນ​: ຂໍ​ໄປ​ນໍາ​ແດ່​ນາ, ຂໍ​ກິນ​ນໍາ​ແດ່​ນາ, ຂໍ​ນອນ​ນໍາ​ແດ່​ນາ

ນ້າ (ນ.) ​ເປັນ​ຄໍາເອີ້ນພໍ່ ຫຼື​ແມ່ ທີ່​ບໍ່​ແມ່ນ​ພໍ່ຄີງ​ແມ່ຄີງ ວ່າ ພໍ່ນ້າ ​ແມ່​ນ້າ, ນ້ອງ​ຂອງ​ແມ່​ເປັນ​ຜູ້​ຊາຍ​ຮຽກນ້າ​ບ່າວ, ​ເປັນ​ຜູ້ຍິງ ຮຽກນ້າສາວ

ນາຍົກ 1 (ນ.) ຊາຍ​ຜູ້​ເປັນ​ຫົວໜ້າ, ຊາຍ​ຜູ້​ເປັນ​ຜູ້ນໍາ

ນາຍົກ 2 (ນ.) ຜູ້​ເປັນ​ຫົວໜ້າ ລັດຖະບານ​ບໍລິຫານ​ປະ​ເທດ ຮຽກນາຍົກ

ນາຕະສິນ (ນ.)​ ວາດ​ຟ້ອນ, ວາດ​ຫຼິ້ນລະຄອນ, ລວດລາຍ​ການ​ຟ້ອນ, ລວດລາຍ​ການຫຼິ້ນລະຄອນ

ນາທີ (ນ.) ຊື່​ມາດຕາ​ນັບ​ເວລາ​ 1 ຊົ່ວ​ໂມງ ​ເທົ່າ​ກັບ 60 ນາທີ

ນາລິກາ (ນ.) ​ເຄື່ອງ​ບອກ​ເວລາ ຫຼື​ເຄື່ອງ​ນັບ​ເວລາ, ຄຳນີ້ກ່າຍ​ມາ​ຈາກ ພາສາ​ສັນສະກຣິດ ນາ​ດິກາ ສຽງຕົວ ດ. ​ເປັນສຽງຕົວ

ນາວາ (ນ.) ​ເຮືອ

ນາວິກະໂຍທິນ (ນ.) ທະຫານ​ເຮືອ​ທີ່​ປະຈໍາການ​ພົນ​ຮົບ​ໃນ​ກອງທັບ​ເຮືອ, ທະຫານ​ເຮືອ ຝ່າຍ​ທາງບົກ

ນາວີ (ນ.) ​ເຮືອ, ກອງທັບ​ເຮືອ

ນາເຮື້ອ (ນ.) ນາ​ທີ່​ປະ​ໄວ້​ບໍ່​ເຮັດ, ສອງ​ສາມ​ປີ​ຈິ່ງ​ເຮັດ​ເທື່ອໜຶ່ງ ຫຼືປະ​ໄວ້​ຕະຫຼອດ​ໄປ ​ເອີ້ນນາ​ເຮື້ອ

ນິຄົມ (ນ.) ໝູ່ບ້ານ​ໃຫຍ່, ​ເຂດ​ຕາ​ແສງ, ຄໍາກອນ​ທີ່​ເວົ້າ​ແຄບ ​ແລະ ລຶ້ມຄວາມ​ເກົ່າ​ເພື່ອ​ໃຫ້​ຜູ້​ຟັງຈື່​ງ່າຍ

ນິຍາຍ (ນ.) ນິທານ, ​ເລື່ອງ​ທີ່​ເລົ່າ​ສື​ບກັນ​ມາ​ຜົນງານ​ການ​ປະພັນ​ເລື່ອງສັ້ນ ​ເລື່ອງ​ຍາວ​​​ປະຈຸບັນ ຮຽກນິຍາຍ

ນິຍາມ (ນ.) ການ​ກໍານົດ, ທາງ ຢ່າງ​ວິທີ, ກໍານົດ​ຄວາມໝາຍທີ່​ແນ່ນອນ, ຈໍາກັດ​ຄວາມ​ທີ່​ແນ່ນອນ

ນິທານ 1 (ນ.) ​ເລື່ອງ​ແຕ່​ເກົ່າ, ​ເລື່ອງ​ທີ່​ເລົ່າ​ກັນ​ມາ ​ເຊັ່ນ: ນິທານ​ຊາດົກ​ຕ່າງໆ ​ເຫດ ​ເຊັ່ນ: ​ເກີດ​ເຫດການ​ນິທານ​ແນວ​​ໃດ

ນິທານ 2 (ນ.) ການ​ຝັງ​ໄວ້, ການ​ບັນຈຸ, ບ່ອນ​ຝັງ, ບ່ອນ​ບັນຈຸ

ນິພານ (ນ.) ຄວາມ​ດັບ​ກິ​ເລດ ​ແລະ ກອງ​ທຸກ​ທັງ​ປວງ, ຕາຍກໍ່​ເອີ້ນນິບພານ ​ໃຊ້​ສໍາລັບ​ພະ​ອໍລະຫັນ, ນິລະ​ພານ

ນິພົນ (ນ.) ການ​ແຕ່ງ​ເລື່ອງ, ​ເລື່ອງ​ທີ່​ແຕ່ງ​ຂຶ້ນ

ນິມົນ ​(ກ.) ​ເຊີນ, ​ເຊີນ​ພິກຂຸ ຫຼືພະ​ເຈົ້າ​ແຜນດິນ, ນີລະມົນ

ນິລັນດອນ (ວ.) ຕະຫຼອດ​ໄປ​ບໍ່​ເວັ້ນຫວ່າງ, ຕິດຕໍ່ກັນ​ຕະຫຼອດ​ໄປ ບໍ່ມີ​ແນວ​ຂັ້ນ, ສະ​ເໝີໆ

ນີ້ 1 (ສ.) ຄໍາແທນ​ນາມ​ທີ່ຢູ່​ໃກ້ ​ເຊັ່ນ: ນີ້ຂອງ​ໃຜ, ນີ້​ແມ່ນ​ຫຍັງ

ນີ້ 2 (ວ.) ເປັນຄຳປະກອບຄຳນາມທີ່ຢູ່ໃກ້ ຫຼືໃຫ້ຮູ້ຈຳເພາະ ເຊັ່ນ ຄົນນີ້, ຕົ້ນນີ້.

ເນລະຄຸນ (ວ.) ອະກະຕັນຍູ, ຊົ່ວ, ບໍ່ຮູ້​ບຸນ​ຄຸນ

ເນລະເທດ (ກ.) ຂັບ​ໄລ່ໜີຈາກ​ປະ​ເທດ

ເນລະມິດ (ກ.) ນິມິດ, ສ້າງ, ​ແປງ, ​ເຮັດ, ບັນດານ​ໃຫ້​ມີ​ຂຶ້ນຕາມ​ໃຈ

ແນະ (ກ.) ​ເຮັດ​ໃຫ້​ຮູ້, ບອກ, ບອກ​ທາງ​ໃຫ້

ແນະນໍາ (ກ.) ບອກ​ທາງ​ໃຫ້​ຮູ້

ແນ (ກ.) ຄາດ​ຄະ​ເນ, ​ເລັງ​ໃຫ້​ຊື່, ​ເບິ່ງ​ຊື່​ໄປ, ຕວງ, ບໍ່​ໃຫ້​ຜິດ, ​ໃສ່, ກະ​ໃສ່, ​ແທກ​ດ້ວຍ​ແສງຕາ, ​ເລັງ

ແນ່ (ວ.) ບໍ່ຜິດ, ​ແທ້, ບໍ່ຜິດພາດ, ​ເຮັດບໍ່​ໃຫ້​ຜິດພາດ

ໂນ 1 (ນ.) ຕົ້ນ​ໄມ້​ແນວໜຶ່ງ ​ເປັນ​ຈາວ​ເບົາ​ມັກ​ເກີດ​ບ່ອນ​ນໍ້າ​ຖ້ວມ​ເຖິງ, ຕົ້ນສະ​ໂນ, ​ໃຊ້​ເຮັດ​ປ່ອມ​ຂ້ອງ ປ່ອມ​ເບັດ ປ່ອມມອງ​ໄດ້

ໂນ 2 (ວ.) ​ໃຄ່, ​ໂປ, ສວດ​ອອກ, ​ໂປ​ຂຶ້ນ ນູນຂຶ້ນ

ນໍ 1 (ນ.) ​​ເຂົາ​ທີ່​ປົ່ງ​ຂຶ້ນ​​ເໜືອດັງ​ແຮດ ​ເອີ້ນນໍ​ແຮດ ​ແຮດ​ມີ 2 ນໍ ຄື ນໍ​ເທິງ​ຢູ່​ຊື່ໜ້າຜາກ, ນໍ​ຢູ່​ເທິງ​ນ້ອຍ, ນໍ​ທີ່​ເກີດ​ຂຶ້ນ ຫຼື​ໂນ​ຂຶ້ນຢູ່ຮ່າງ​ກາຍ​ຂອງ​ຄົນ​ແລະສັດ ກໍ່​ເອີ້ນນໍ​ເໝືອນກັນ.

ນໍ 2 (ນ.) ຊື່​ຕົ້ນ​ໄມ້​ຂະໜາດ​ໃຫຍ່ ​ແນວໜຶ່ງ​ໃບ​ກ້ຽງ ​ແລະ ໜາ ດອກ​ນ້ອຍ​ກິ່ນ​ຫອມ ​ເອີ້ນຕົ້ນດອກ​ນໍ

ນໍ 3 (ນ.) ຊື່​ເຄື່ອງ​ເສບ​ແນວໜຶ່ງ ຄ້າຍຄື​ແຄນ ​ເປັນ​ຂອງ​ພວກ​ລາວ​ເດີມ ຫຼືພວກ​ມູ​ເຊີ

ນໍ 4 (ວ.) ​ເປັນ​ຄໍາຊ່ວຍ​ກິລິຍາ ຫຼືຄໍາວິ​ເສດ ​ເຊັ່ນ: ​ໄປ​ນໍາ​ກັນ​ນໍ, ກິນ​ນໍາ​ກັນ​ນໍ, ດີ​ນໍ, ​ໃຫຍ່​ນໍ

ເນື້ອ (ນ.) ຊີ້ນສັດ​ສີ່​ຕີນ ຈໍາພວກ ກວາງ, ຟານ, ງົວ, ຄວາຍ, ສິ່ງ​ເປັນ​ຕົນ​ໂຕ​ຂອງ​ສິ່ງ​ຕ່າງໆ ​ເຊັ່ນ: ​ເນື້ອຜ້າ, ​ເນື້ອຄຳ

ເນື້ອໃນ (ນ.) ຂະໜາດຂອງ​ພື້ນທີ່

ນົວ (ວ.) ມີ​ລົດ​ແຊບ​ດີ, ບໍ່ຈາງ​ບໍ່​ເຄັມ

ນົວ (ວ.) ມີ​ລົດ​ແຊບ​ດີ, ບໍ່ຈາງ​ບໍ່​ເຄັມ

ໃນ 1 (ບຸ.) ກົງ​ຂ້າມ​ກັບ​ນອກ​ເຊັ່ນ: ​ໃນ​ບ້ານ ​ໃນ​ເມືອງ ​ໃນ​ປະ​ເທດ

ໃນ 2 (ນ.) ​ເມັດໝາກ​ໄມ້​ຕ່າງໆ ຫຼືແກ່ນ​ຂອງໝາກ​ໄມ້​ຕ່າງໆ ​ເຊັ່ນ: ​ໃນໝາກມີ້​ໃນໝາກມ່ວງ, ​ໃນໝາກຜູ​ໃນໝາກຂາມ

ໄນ (ນ.) ເຄົ້າຄວາມທີ່ບອກໄວ້ໃຫ້ເຂົ້າໃຈເອົາເອງ, ເງື່ອນຄວາມ, ຫົວຂໍ້

ໄນ 2 (ນ.) ຝ້າຍ ຫຼື​ໄໝ ຂີດໜຶ່ງ ​ເອີ້ນ​ໄນໜຶ່ງ (ຕາມ​ຕາຊິງ​ສາກົນ)

ໄນ 3 (ນ.) ຊື່ໝາປ່າ​ຈໍາພວກໜຶ່ງ ຕົວ​ນ້ອຍ ​ເອີ້ນໝາ​ໄນ, ໝາຈິ້ງຈອກ, ໝາຈິກຈອກ : ຊື່​ປາ​​ແນວໜຶ່ງ ຕົວ​ຄື​ປາຂາວ ຫຼືປາ​ເຂັງ ​ເອີ້ນປາ​ໄນ

ໄນ່ 1 (ວ.) ຊໍານານ, ຄ່ອງ​ເຄີຍ ​ເຊັ່ນ: ສຽງກະທົບ​ຫູບໍ່ຂາດ​ໄລຍະ ຈົນ​ຖື​ເປັນ​ເລື່ອງ​ທໍາ​ມະ​ດາ ​ເອີ້ນ​ໄນ່ ​ເຊັ່ນ: ​ໄນ່​ປາກ, ​ໄນ່​ຫູ, ​ໄນ່​ມື

ໄນ່ 2 (ວ.) ​ໃຊ້​ສໍາລັບ​ຂອງ​ທີ່​ເອົາ​ແຊ່​ນໍ້າ​ໄວ້​ເຫີ​ງຈົນ​ອ່ອນ ຫຼືຈົນ​​ໃຄ່ ​ເຊັ່ນ: ​ເຂົ້າໝ່າ ຫຼືໝາກຖົ່ວ​ງອກ

ເນົາ 1 (ກ.) ຢູ່

ເນົາ 2 (ນ.) ວັນ​ທີ່​ພະ​ອາທິດ​ໂຄຈອນ​ຢູ່​ລະຫວ່າງ​ລາສີ​ມິນ ​ແລະ ​ເມດ ​ເອີນວ່າ​ວັນ​ເນົາ ຄື​ວັນ​ຖ້ວນ​ສອງ ຕໍ່ຈາກ​ວັນ​ສັງຂານລ່ວງ ​ເອີນວ່າ: ວັນ​ເນົາ

ເນົາ 3 (ກ.) ຫຍິບ​ດົ້ນບາດ​ຫ່າງໆ ​ໄວ້​ຊາມຊາ​ເມື່ອ​ໄດ້​ຫຍິບ​ດີ​ແລ້ວ ຈິ່ງ​ຖອດ​ໄໝຫຍິບ​ທີ່​ເນົານັ້ນອອກ

ນັກ 1 (ນ.) ຜູ້ຄ່ອງເຄີຍ, ຜູ້ຊໍານານ (ສໍາລັບຢູ່ໜ້າຄຳອື່ນ ໃຫ້ມີຄວາມໝາຍວ່າເປັນຍອດໃນທາງນັ້ນໆ)

ນັກ 2 (ວ.) ມາກ, ຫຼາຍ, ໂພດ ເຊັ່ນ: ຢ່າຫຼິ້ນນັກຢ່ານອນນັກ

ນາກ 1 (ນ.) ຊື່ສັດສີ່ຕີນແນວໜຶ່ງ ຮູບຮ່າງຄ້າຍຄືຈອນພອນ ແຕ່ໂຕໃຫຍ່ກວ່າ ຂົນສັ້ນຫາງໃຫຍ່ ອາໄສຢູ່ໃນນໍ້າ ກິນປາເປັນອາຫານ

ນາກ 2 (ນ.) ໂລຫະປະສົມແນວໜຶ່ງ ເອົາຄຳ ເງິນ ແລະ ທອງແດງ ປະສົມກັນ ເອີ້ນທອງນາກ ນິຍົມກັນເຮັດຕຸ້ມຫູ, ສາຍສ້ອຍ, ສາຍແອວ, ແຫວນ

ນາກ 3 (ນ.) ລວງ, ງູໃຫຍ່, ຊ້າງ, ຜູ້ປະເສີດ, ຜູ້ຈະບວດເປັນພິກຂຸ, ຜູ້ບໍ່ເຮັດບາບ

ນົກ 1 (ນ.) ສັດສອງຕີນມີປີກ ບິນໄປມາໄດ້ອອກລູກເປັນໄຂ່ກ່ອນ ແລ້ວຈິ່ງຟັກເປັນຕົວມີຫຼາຍຈໍາພວກ ເຊັ່ນ: ນົກກົກ ນົກແກງ ນົກຂຸ້ມ ນົກທາ ແລະ ອື່ນໆ

ນົກ 2 (ນ.) ເຄື່ອງສັບແກ໊ບປືນໃຫ້ລັ່ນ, ກົນໄກສັບແກ໊ບປືນ ທີ່ມີຮູບເໝືອນຫົວນົກນ້ອຍ

ນົກ 3 (ນ.) ຊື່ມັນແນວໜຶ່ງ ຫົວນ້ອຍຍາວ ເກີດຕາມໂຄກ ຫົວຝັງຢູ່ໃນດິນ ມີເຄືອທາວຂຶ້ນຕົ້ນໄມ້ ຫຼືພຸ່ມໄມ້ ເອີ້ນມັນນົກ, ມັນທຽນ

ນອກ 1 (ບຸ.) ກົງກັນຂ້າມກັບໃນ, ຊື່ກັນກັບທາງໃນ

ນອກ 2 (ວ.) ອື່ນ, ຈາກ, ບໍ່ແມ່ນໃນ ເຊັ່ນ: ບ້ານນອກ, ນອກຈາກປະເທດລາວ

ນາງ 1 (ນ.) ເປັນຄຳຢູ່ໜ້ານາມເພດຍິງທົ່ວໄປວ່າ ນາງ ເຊັ່ນ: ນາງມະທີ ນາງອະມິດ ຕະຕາ ນາງສີສຸພັນນະກັນລະຍາ

ນາງ 2 (ນ.) ເປັນຄຳຮຽກງ່າໄມ້ທີ່ປົ່ງໃໝ່ໆ ແລະ ຍັງອ່ອນຢູ່ ເຊັ່ນ: ໜໍ່ໄມ້ທີ່ຍັງບໍ່ທັນພົ້ນດິນ ເອີ້ນໜໍ່ໄມ້ນາງດິນ, ງ່າ ຫຼືກິ່ງໄມ້ທີ່ຍັງອ່ອນ ເອີ້ນນາງ ເຊັ່ນ: ນາງຈິກ ນາງຮັງ ນາງດູ່ ນາງແດງ

ນາງ 3 (ນ.) ເປັນຄຳຮຽກສັດຈໍາພວກແມງຕ່າງໆ ຫຼືບົ້ງທີ່ກໍາລັງປົ່ງປີກ ແຕ່ຍັງອ່ອນຢູ່ ວ່າ ເປັນນາງ ດັ່ງລູກຕໍ່ລູກແຕນ

ນາງ 4 ສ. ໃຊ້ຮຽກເດັກນ້ອຍຜູ້ຍິງ ດ້ວຍຄວາມອີດູວ່າ ນາງນັ້ນນາງນີ້ ແລະ ຮຽກສັດທີ່ມີແຕ່ຕົວແມ່ວ່າ ນາງນີ ນາງຊະນີ ນາງທະນີ

ນາງ 5 (ນ.) ຊື່ປາເນື້ອອ່ອນແນວໜຶ່ງ ບໍ່ມີເກັດວ່າ ປານາງ

ນ່າງ (ນ.) ຊື່ຕາຂ່າຍ ຫຼືເຄື່ອງສານດ້ວຍປໍປ່ານ ເປັນຕາຫ່າງໆ ສໍາລັບກາງເອົາສັດປ່າ ຈໍາພວກກວາງ, ຟານ

ນອງ (ວ.) ຫຼາຍເຫຼືອລົ້ນ, ມີມາບໍ່ຂາດສາຍ, ໃຄ່, ບວມຂຶ້ນ, ເຕັມ ເຊັ່ນ: ນໍ້າເຕັມຝັ່ງ ເອີ້ນນໍ້ານອງ

ນ້ອງ 1 (ນ.) ຜູ້ເກີດລຸນ ຜູ້ເກີດຖັດກັນມາ, ຜູ້ເກີດຮ່ວມພໍ່ແມ່ດຍວກັນ

ນ້ອງ 2 (ນ.) ແຮ່ຂອງສັດສີ່ຕີນ ເຊັ່ນ: ນ້ອງງົວດ ນ້ອງຄວາຍ ເອີ້ນນ້ອງ

ນ້ອງ 3 (ວ.) ຫຼຸດ, ເກືອບ, ຍັງຈັກໜ່ອຍ ເຊັ່ນ: ນ້ອງເພນ, ເກືອບເພນ

ນາຍ 4 (ນ.) ຍາຍ ເຊັ່ນ: ປູ່ຍ່າຕານາຍ ຄຳວ່ານາຍ ປ່ຽນມາຈາກ ຍາຍນັ້ນເອງ

ນາຍ 2 (ນ.) ຄຳນໍາໜ້າຜູ້ຊາຍ ທີ່ມີອາຍຸພົ້ນກະສຽນແລ້ວຂຶ້ນໄປ ເອີ້ນນາຍ ເຊັ່ນ: ນາຍສີ, ຜູ້ຖືທ້າຍເຮືອ ເອີ້ນນາຍທ້າຍ

ນອຍ (ນ.) ຊື່ໄມ້ເຄືອແນວໜຶ່ງ ໝາກຍາວເປັນລ່ຽມຫຼາຍລ່ຽມ ໃຊ້ກິນເປັນອາຫານໄດ້ ເອີ້ນ ໝາກນ້ອຍ ໝາກລອຍ

ນ້ອຍ 1 (ວ.) ບໍ່ໃຫຍ່, ກິ, ກິດ, ສັ້ນ

ນ້ອຍ 2 (ນ.) ເປັນຄຳແທນຊື່ເດັກນ້ອຍ ຈະເປັນນາງ ຫູື ທ້າວກໍ່ໄດ້ ເຊັ່ນ: ອີ່ນ້ອຍ, ບັກນ້ອຍ

ນ້ອຍ 3 (ນ.) ເມຍຄົນທີ່ສອງຂຶ້ນໄປ ຮຍກເມຍນ້ອຍ

ເນີຍ (ນ.) ນໍ້າມັນທີ່ເຮັດຈາກນໍ້ານົມສັດໃຊ້ເປັນອາຫານ

ນັດ 1 (ນ.) ຊື່ພືດມີໝາກແນວໜຶ່ງ ຕົ້ນເປັນພຸ່ມໝາກເປັນຕາໆ ໃບເປັນກາບມີໜາມ ເອີ້ນ ໝາກນັດ

ນັດ 2 (ນ.) ຢາຝຸ່ນແນວໜຶ່ງ ໃຊ້ເປົ່າເຂົ້າດັງເພື່ອແກ້ຫວັດ ເອີ້ນຢານັດ

ນັດ 3 (ກ.) ເປົ່າຢານັດເຂົ້າດັງ ເພື່ອແກ້ຫວັດ ເອີ້ນນັດຢາ

ນັດ 4 (ນ.) ​ເທື່ອ​, ບາດ, ຄັ້ງ ​ເຊັນ: ປືນ​ຫ້າ​ນັດ

ນັດ 5 (ກ.) ກໍານົດ​ກັນ​ໄວ້, ຕົກລົງ​ກັນ​ໄວ້, ບອກ​ກັນ​ໄວ້, ສັນຍາ​ກັນ​ໄວ້

ນວດ 1 (ນ.) ​ເຜິ້ງຫູ​ງປະສົມ​ນໍ້າມັນ ສໍາລັບ​ໃຊ້​ທາ​ຮິມ​ສົບ ​ເພື່ອ​ບໍ່​ໃຫ້​ສົບ​ແຕກ ​ແລະ ​ໃຫ້​ຫອມ

ນວດ 2 ກ​. ​ໃຊ້​ຄວາຍ​ຢ່ຳ​ຮວງ​ເຂົ້າ​ໃຫ້ຫຼົ່ນ ​ເອີ້ນນວດ​ເຂົ້າ, ຄັ້ນ, ບີບ

ເນນ (ນ.) ຈົວ, ຜູ້​ຖື​ເພດ​ດັ່ງ​ດຽວກັບ​ພິກຂຸ​ແຕ່​ຖືພຽງສິນ 10

ນວນ 1 (ນ.) ​ເນື້ອຂອງມາກ​ໄມ້​ຕ່າງໆ ຫຼື​ເນື້ອທີ່​ຫຸ້ມ​ເມັດໝາກ​ໄມ້ ​ເອີ້ນນວນ ​ເຊັ່ນນວນໝາກມີ້ ນວນໝາກຂາມ ນວນໝາກລໍາ​ໄຍ

ນວນ 2 (ວ.) ສີຂາວ ​ແກມ​ເຫຼືອງ​ແກ່, ງາມ​ຜ່ອງ​ໃສ

ນວນ 3 (ວ.) ອ່ອນ​ນຸ່ມ​ນິ້ມ ​ເຊັ່ນ: ໜ່ວຍໝາກຕ້ອງ​ທີ່​ແຂງ​ເອົາ​ໄມ້ຕີ​ໃຫ້​ອ່ອນ ​ເອີ້ນນວນ

ນັບ (ກ.) ກວດໃຫ້ຄົບຈໍານວນ, ກະກໍານົດ

ນົບ (ກ.) ເອົາຝາມືທັງສອງແປະເຂົ້າກັນແລ້ວຍົກຂຶ້ນສະແດງຄວາມ ໂຄລົບ

ນົບພະເຄາະ (ນ.) ດາວທັງເກົ້າປະການຄື: ເພັດ, ພີລາ, ມໍລະກົດ, ແກ້ວບຸດ, ໂກແມນ, ນິນ, ມຸກດາ,ເພທາຍ,ໄພທູນ

ນາມ 1. ຊື່, ພະນາມ, ຊື່ຂອງຄົນທໍາມະດາສາມັນ ເຊັ່ນ: ທ່ານສີ, ຊື່ຂອງສະຖານທີ່ ເຊັ່ນ: ໄຮ່ນາ ຮົ້ວສວນ ຊື່ຂອງສິ່ງຂອງ ເຊັ່ນ: ເສື້ອຜ້າ ເອີ້ນນາມ ຈັດເປັນຮູບປະທໍາ

ນາມ 2 (ນ.) ສິ່ງທີ່ບໍ່ມີຮູບ ຄືມີແຕ່ຊື່ ເຊັ່ນ: ເວທະນາ, ສັນຍາ, ສັງຂານ, ວິນຍານຕາຮູ້ບໍ່ໄດ້ ຮູ້ໄດ້ສະເພະທາງໃຈ ເອີ້ນນາມມະທໍາ

ນາມ 3 (ນ.) ເຄື່ອງຫາປາຢ່າງໜຶ່ງ ສານດ້ວຍປ່ານປໍ ຕາຫ່າງ ດັ່ງດຽວກັນກັບມອງແຕ່ສັ້ນກວ່າມອງ ຄືມີສ່ວນຍາວຄ່າລໍາເຮືອ ເອີ້ນນາມ

ນາມມະທໍາ (ນ.) ສິ່ງທີ່ບໍ່ມີຮູບ ຄືຮູ້ບໍ່ໄດ້ດ້ວຍອໍານາດຂອງຕາ ຫູ ດັງ ລິ້ນ ກາຍ ແຕ່ຮູ້ໄດ້ດ້ວຍອໍານາດໃຈ ຫຼືປັນຍາ

ນາມບັດ (ນ.) ແຜ່ນເຈ້ຍອ່າວແຂງແນ່ ແລະ ຂະໜາດນ້ອຍທີ່ພິມ ບອກຊື່ບຸກຄົນນາມສະກຸນ ຫຼືບ່ອນຢູ່ ບ່ອນເຮັດການໄວ້ ເພື່ອແນະ ນໍາຕົວ

ນຸ່ມ (ວ.) ອ່ອນ, ນວນ

ນົມ (ນ.) ອະໄວຍະວະສ່ວນທີ່ຢູ່ໜ້າເອິກຂອງຄົນ ແລະ ສັດ ຖ້າເປັນ ຂອງຜູ້ຍິງ ແລະ ສັດຕົວແມ່ໃຫຍ່ ມີນໍ້າຂາວໆໄຫຼອອກ ສໍາລັບໃຫ້ ລູກເກີດໃໝ່ກິນ, ຂອງຜູ້ຊາຍ ແລະ ຂອງສັດຕົວຜູ້ບໍ່ມີນໍ້າ

ນົມງົວ (ນ.) ຊື່ພັນໄມ້ເຄື່ອແນວໜຶ່ງ ດອກຫອມອີກແນວໜຶ່ງ ເປັນຕົ້ນໄມ້ ດອກບໍ່ຫອມໝາກຄ້າຍຄືເຕົ້ານົມງົວ ແຕ່ນ້ອຍກວ່າ ເອີ້ນຕົ້ນນົມງົວ

ນົມແມວ (ນ.) ຊື່ຕົ້ນໄມ້ແນວໜຶ່ງ ດອກ ແລະ ໜ່ວຍ ຄືດອກລໍາ ດວນ ກິ່ນຫອມຂິວ

ນົມໜູ (ນ.) ສ່ວນຂອງປືນທີ່ສູບແກັບ ເພື່ອໃຫ້ໄຟເຂົ້າໄປໄໝ້ໝື້ທາງ ໃນ, ສ່ວນຂອງເຄື່ອງໃຊ້ເປັນຕຸ່ມມີຮູນ້ອຍ ເພື່ອໃຫ້ນໍ້າມັນດຽກອອກ ມາ ເຊັ່ນ: ນົມໜູຕາກຽງພາຍຸນົມໜູເຄື່ອງຍົນ ເຄື່ອງລົດ

ນີ້ວ (ນ.) ສ່ວນສຸດຂອງມື ແລະ ຕີນ ທີ່ແຕກອອກເປັນ 5 ກິ່ງຄື: ນິ້ວໂປ້ ນິ້ວຊີ້ ນິ້ວກາງ ນິ້ວນາງ ນິ້ວກ້ອຍ