ເຊື່ອວ່າຫຼາຍໆຄົນຕ້ອງມີພຶດຕິກຳແບບນີ້ແນ່ນອນ ສຳລັບກ່ອນນອນຕ້ອງມີກິດຈະກຳເຮັດກ່ອນນອນ ບໍ່ດັ່ງນັ້ນຈະນອນບໍຫຼັບ ຫຼືອາດມີຄວາມຈຳເປັນຕ້ອງເຮັດກ່ອນນອນ ເຊິ່ງບາງພຶດຕິກຳກໍສົ່ງຜົນຕໍ່ການນອນຫຼັບ ແລະສົ່ງຜົນຕໍ່ສຸຂະພາບຮ່າງກາຍຂອງເຮົາໄດ້

1.    ບໍ່ຖອດໂມງນອນ: ບາງຄັ້ງອາດລືມຖອດໂມງກ່ອນນອນ ແຕ່ຮູ້ບໍວ່າ ໂມງ ຈະສົ່ງພະລັງງານກັບຮ່າງກາຍຂອງເຮົາ ອາດລົບກວນຕໍ່ການນອນຫຼັບໄດ້

2.    ລົມໂທລະສັບຈົນຫຼັບ: ການລົມໂທລະສັບຈົນນອນຫຼັບ ຫຼືການວາງເຄື່ອງມືສື່ສານໄວ້ໃກ້ໂຕ ຄື່ນໂທລະສັບນອກຈາກຈະລົບກວນການນອນຫຼັບແລ້ວ ຍັງທຳລາຍສະໝອງຂອງຄົນເຮົາອີກດ້ວຍ

3.    ບໍ່ລ້າງເຄື່ອງສຳອາງກ່ອນນອນ: ສາວໆຫຼາຍຄົນ ມັກຈະບໍ່ລ້າງເຄື່ອງສຳອາງອອກກ່ອນນອນ ແຕ່ຮູ້ບໍວ່າ ມັນຈະທຳລາຍຜິວໃນໄລຍະຍາວ ເພາະກາງຄືນເປັນເວລາທີ່ເຮົາຈະໄດ້ພັກຜ່ອນຜິວ

4.    ດື່ມນໍ້າຫຼາຍໆກ່ອນນອນ: ອາດເຮັດໃຫ້ປວດເບົາຕະຫຼອດໝົດຄືນ ແລະຖ້າໃຜຄ້ານ ກໍຈະກັ້ນນໍ້າປັດສະວະໄວ້ຈົນຕື່ນນອນຄ່ອຍໄປ ມັນຈະອັນຕະລາຍກັບຮ່າງກາຍຂອງເຮົາໄດ້

5.    ອ່ານໜັງສືກ່ອນນອນ: ອາດເຮັດໃຫ້ສະໝອງເຮັດວຽກໜັກກ່ອນນອນ ແລະນອນຫຼັບໄດ້ຍາກ

6.    ຄວນກິນເຂົ້າແລງກ່ອນນອນ 2-3​ ຊົ່ວໂມງ: ເພາະຫາກເຈົ້າກິນເຂົ້າແລງແລ້ວຮີບເຂົ້ານອນນັ້ນ ຈະເຮັດໃຫ້ກະເພາະເຮັດວຽກໜັກໃນເວລາທີ່ເຮົາຫຼັບ

7.    ບໍ່ຄວນໃສ່ເສື້ອຊ້ອນນອນ: ສຳລັບໃຜທີ່ມັກນຸ່ງເສື້ອຊ້ອນນອນ ຄວນເຊົາເຮັດພຶດຕິກຳແບບນີ້ດ່ວນ ເພາະມີການວິໄຈພົບວ່າ ການໃສ່ເສື້ອຊ້ອນເກີນ 12​ ຊົ່ວໂມງ ຈະມີຄວາມສ່ຽງເປັນມະເຮັງເຕົ້ານົມໄດ້

ເຫັນບໍວ່າ ເລື່ອງນ້ອຍໆ ທີ່ຫຼາຍຄົນເຮັດຈົນກາຍເປັນນິໄສ ອາດຈະສ້າງອັນຕະລາຍໃຫ້ກັບຮ່າງກາຍຂອງເຈົ້າໄດ້ ຮູ້ແບບນີ້ແລ້ວ ກໍຢ່າລືມປ່ຽນພຶດຕິກຳນີ້ດ່ວນ

ຂໍ້ມູນຈາກ: http://www.teeno.loungos.com