ໃນຍຸກທີ່ມີການພັດທະນາທາງດ້ານເສດຖະກິດ - ສັງຄົມ ມະນຸດ ມີການແກ້ງແຍ່ງ ແຂ່ງຂັນກັນໃນທຸກດ້ານ ເພື່ອເປົບປຽບ ເອົາຊະນະກັນ ແລະ ກັນ ເຮັດໃຫ້ມີສີ່ງໃໝ່ໆທີ່ໄດ້ຮັບການປະດິດສ້າງຂື້ນ ຊື່ງນັບທັງສີ່ງທີ່ຮັບໃຊ້ຜົນປະໂຫຍດດ້ານບວກໃຫ້ແກ່ສັງຄົບ ແລະ ດ້ານລົບລວມໄປນຳ, ໄປຄຽງຄູ່ກັນນັ້ນ ພະຍາດກໍ່ມີການກາຍພັນຂຶ້ນມາ ຊື່ງນັບມື້ຮ້າຍແຮງຂຶ້ນເລື້ອຍໆ ຈົນກາຍເປັນໄພຂົ່ມຂູ່ຕໍ່ການດຳລົງຊີວິດຂອງຄົນເຮົາ ການກິນຢູ່ຕ້ອງລະວັງຫຼາຍຂຶ້ນ ເຖິງປານນັ້ນຍັງມີພະຍາດຖາມຫາ ພະຍາດຫລາຍຊະນິດ ຍັງບໍ່ທັນມີຢາຮັກສາໃຫ້ຫາຍຂາດໄດ້ ມີແຕ່ວິທີການຫລີກລ້ຽງ ຫລື ປ້ອງກັນບໍ່ໃຫ້ເກີດຂື້ນ ເທົ່ານັ້ນ, ໜື່ງ ຈາກພະຍາດ ທີ່ມະນຸດພວມຢ້ານກວາ ແລະ ຫາທາງຫລີກຈາກມັນ ກໍ່ຄື ມະເຮັງ ທີ່ເປັນພະຍາດກຳລັງຂົ່ມຂູ່ມວນມະນຸດຢ່າງເອົາເປັນເອົາຕາຍ, ແຕ່ໂລກພວກນີ້ ສ່ວນໃຫຍ່ກໍ່ເກີດມາຈາກການກິນຢູ່ຂອງຄົນນັ້ນແລ.
       ເພື່ອປ້ອງກັນໂລກຮ້າຍມະເຮັງ ທີ່ທຸກຄົນບໍ່ເພິ່ງປາຖະໜາ ພວກເຮົາໄດ້ນຳເອົາຂໍ້ມຸນ ທີ່ເປັນຄຳແນະນຳ ມາແບ່ງປັນ ໃຫ້ບັນດາທ່ານໄດ້ຮັບຮູ້ ແລະ ເປັນບົດຮຽນນຳກັນ ໂດຍແນະນຳໃຫ້ກິນພັກ 5 ຊະນິດນີ້ ຜູ້ຊ່ຽວຊານບອກວ່າຍິງກິນຍິ່ງດີ ມະເຮັງຢ້ານອີກວ່າຊັ້ນ ມີຜັກຫຍັງແດ່ມາເບິ່ງກັນ.
1. ຜັກຂົມກະເດົາ: ຜັກຊະນິດນີ້ມີລົດຊາດຂົມ ແຕ່ໃຫ້ປະໂຫຍດມະຫາສານຕໍ່ຮ່າງກາຍ ບໍ່ວ່າຈະເປັນບຳລຸງຮ່າງກາຍ, ຂ້າເຊື້ອໂລກ, ຫຼຸດອາການໄຂ້, ແກ້ອາການຍຶ່ງທ້ອງ ພິເສດຍັງຊ່ວຍຫຼຸດຄວາມສ່ຽງໃນການເກີດຊີ້ນປົ່ງ ແລະ ມະເຮັງອີກດ້ວຍ.

2. ຜັກຊີ: ຜັກຊີ ມີສັບພະຄຸນທາງຢາຄືແກ້ບັນຫາຍຶ່ງທ້ອງ, ວິນຫົວ ຊ່ວຍເພີ່ມຄວາມຕ້ານທານໃນຮ່າງກາຍ, ຊ່ວຍຢັບຢັ້ງການຂະຫຍາຍຕົວຂອງເຊວມະເຮັງ.

3. ຜັກຂະແຍງ: ຜັກຊະນິດນີ້ ຊ່ວຍຕ້ານອະນຸມຸນອິດສະຫຼະ ມີລິດຕ້ານເຊວມະເຮັງໄດ້ເປັນຢ່າງດີ ຢ່າລືມກິນໃຫ້ຫຼາຍໆຖ້າບໍ່ຢາກຕົກເປັນເຫຍື່ອຂອງໂລກມະເຮັງ.

4. ຜັກຕີ້ວ: ຜັກຊະນິດນີ້ ບາງທ້ອງຖິ່ນມັກນຳມາກິນກັບລາບ ມີສານອະນຸມຸນອິດສະຫຼະ ຊ່ວຍຕ້ານໂລກມະເຮັງໄດ້.


5. ໃບຂີ້ເຫຼັກ: ໃບຂີ້ເຫຼັກ ເປັນພືດຊະນິດໜຶ່ງທີ່ໄດ້ຮັບການຍອມຮັບວ່າ ຊ່ວຍຢັບຢັ້ງການຈະເລີນເຕີບໂຕຂອງເຊວມະເຮັງໄດ້ດີ ແລະ ຍັງຊ່ວຍຮັກສາໂລກມະເຮັງບາງຊະນິດເຊັ່ນ: ມະເຮັງປອດ, ກະເພາະອາຫານ ແລະ ມະເຮັງລຳໄສ້ໄດ້ອີກດ້ວຍ.

ຂໍ້ມູນຈາກ http://www.workingandlife.com