ຕົ້ນໝາກຈອງເປັນໄມ້ຢືນຕົ້ນ, ມີຮູບຊົງຄ້າຍພີຣະມິດ, ມີຖິ່ນກໍາເນີດໃນພາກຕາເວັນຕົກຂອງຈີນ. ອອກດອກເປັນຊໍ່ສີຂາວ. ໝາກມີລັກສະນະຄືໝາກມົນກົມ, ມີຫຼາຍສີຕັ້ງແຕ່ສີເຫຼືອງ, ຂຽວ, ແດງອົມສົ້ມ ແລະ ນໍ້າຕານ, ໂດຍເນື້ອອ່ອນນຸ້ມຈະມີລັກສະນະກອບ ແລະ ອວບນ້ຳ (ແຕ່ບາງສາຍພັນຈະເປັນເນື້ອຊາຍ) ມີລົດຫວານອົມສົ້ມເລັກນ້ອຍ, ເນື້ອມີກິ່ນຫອມ, ມີແກ່ນຂະໜາດນ້ອຍລັກສະນະແປເປັນສີດໍາ ຫຼື ສີນໍ້າຕານອອກດໍາ.

 ໝາກຈອງເປັນໝາກໄມ້ທີ່ມີລົດຫວານ, ມີນໍ້າຕານທີ່ຮ່າງກາຍສາມາດນໍາໄປໃຊ້ເປັນພະລັງງານໄດ້ທັນທີເຮັດໃຫ້ບໍ່ຮູ້ສຶກຢາກ, ໝາກຈອງຈຶ່ງເປັນອີກໜຶ່ງໝາກໄມ້ທີ່ເໝາະສໍາລັບຜູ້ທີ່ຕ້ອງການຫຼຸດນໍ້າໜັກ.

  ໝາກຈອງເປັນໝາກໄມ້ທີ່ມີປະໂຫຍດຫຼາຍສໍາລັບຜູ້ປ່ວຍທີ່ເປັນພະຍາດກ່ຽວກັບລໍາຄໍ, ຮ່າງກາຍອ່ອນແອ, ເປັນພະຍາດເລືອດຈາງ ແລະ ວັນນະໂລກ.
   ໝາກຈອງນອກຈາກຈະຮັບເປັນໝາກໄມ້ໄດ້ແລ້ວຍັງສາມາດນໍາໄປແປຮູບເປັນຜະລິດຕະພັນຕ່າງໆເຊັ່ນ: ກະແລັມ, ໝາກໄມ້ອົບແຫ້ງ…

ສັບພະຄຸນ:
– ເສີມສ້າງພູມຄຸ້ມກັນຊ່ວຍໃຫ້ຮ່າງກາຍແຂງແຮງຂຶ້ນ.
– ຊ່ວຍບັນເທົາອາການເຈັບປ່ວຍຕ່າງໆໃນຮ່າງກາຍ.

– ຊ່ວຍຟອກເລືອດໃຫ້ສະອາດ ເຮັດໃຫ້ໄຂ່ຫລັງເຮັດວຽກໄດ້ດີຂຶ້ນ.
– ຊ່ວຍປັບສົມດູນຂອງນໍ້າຕານໃນເລືອດ.
– ຊ່ວຍຂັບປັດສະວະ.

ຄຸນຄ່າທາງໂພສະນາການຂອງໝາກຈອງຕໍ່ 100 ກຼາມ.
– ພະລັງງານ 42 ກຼາມ
– ໂປຣຕີນ 0.5 ກຼາມ
– ຄາໂດໄຮເດສ 10.65 ກຼາມ

– ໄຂມັນ 0.23 ກຼາມ
– ເສັ້ນໄຍ 3.6 ກຼາມ
– ແຄວຊຽມ 8 ມີນລີກຼາມ 2%
– ຟອດຟໍຣັດ 11 ມີນລີກຼາມ 2%

– ວິຕາມິນເຄ 17 ໄມໂຄຼກຼາມ 2%
– ວິຕາມິນບີ 1 0.009 ມີນລີກຼາມ 1%
– ວິຕາມິນບີ 2 0.01 ມີນລີກຼາມ 1%
– ວິຕາມິນບີ 3 0.07 ມີນລີກຼາມ 1%

– ວິຕາມິນຊີ 3.8 ມີນລີກຼາມ 5%
– ທາດເມັກນິຊຽມ 8 ມີນລີກຼາມ 2%
– ວິຕາມິນອີ 0.12 ມີນລີກຼາມ 1%

ຂໍ້ມູນຈາກ: onenewslaos.com