ຂີ້ໝິ້ນ ເປັນພືດລົ້ມລຸກທີ່ມີເຫງົ້າສີເຫຼືອງເຂັ້ມຢູ້ໃຕ້ດິນ ສົ່ງກິ່ນຫອມສະເພາະຕົວ ມີວິຕາມິນແຮ່ທາດຫຼາຍຊະນິດ ເຊັ່ນ: ວິຕາມິນເອ ວິຕາມິນບີ ວິຕາມິນອີ ແຄລຊຽມ ຟອດຟໍຮັສ ແລະ ເກື່ອແຮ່ຕ່າງໆ , ນອກນັ້ນ ຍັງມີຊັບພະຄຸນ 10 ຢ່າງ ຈະມີແນວໃດນັ້ນ ເຮົາມາອ່ານເບິ່ງກັນເລີຍ.

1. ຕ້ານໂລກມະເຮັງ: ຂີ້ໝິ້ນມີສານເຄີຄິວມິນ (curcumin) ເຊິ່ງເປັນສານຕ້ານອະນຸມູນອິດສະຫຼະ ມີລິດຊ່ວຍປ້ອງກັນຄວາມສ່ຽງເປັນໂລກມະເຮັງ ຈາກການສຶກສາພົບວ່າ ສານເຄີຄິວມິນມີຊັບພະຄຸນຕໍ່ຕ້ານເນື້ອງອກ ຕ້ານຂໍ້ອັກເສບ ຕ້ານການແຂງໂຕຂອງເລືອດ ແລະ ເປັນສານຕ້ານອານອັກເສບ

2. ປ້ອງກັນການເປັນໂລກເບົາຫວານ : ໄດ້ມີການສຶກສາວິໃຈພົບວ່າ ຂີ້ໝິ້ນຊ່ວຍຫຼຸດຄວາມສ່ຽງໃນການເປັນໂລກເບົາຫວານ ພຽງກິນຂີ້ໝິ້ນເປັນປະຈຳກໍ່ຈະສາມາດປ້ອງກັນໂລກເບົາຫວານໄດ້.

3. ຫຼຸດລະດັບຄໍເລັດເຕີລອນ: ຂີ້ໝິ້ນສາມາດຊ່ວຍຫຼຸດລະດັບຄໍເລັດເຕີລອນໃນຮ່າງກາຍໄດ້ ໂດຍສາມາດຄວບຄຸມລະດັບ LDL ໃນເລືອດ ຫຼື ຄໍເລັດເຕີລອນຊະນິດບໍ່ດີ ອີກທັງຍັງຊ່ວຍເພີ່ມໄຂມັນດີໃນເລືອດອີກດ້ວຍ.

4. ຊ່ວຍຍ່ອຍອາຫານ: ຂີ້ໝິ້ນເປັນສະໝຸນໄພທີ່ມີລົດເຜັດຮ້ອນມີລິດຂັບລົມ ແກ້ອາການທ້ອງອືດທ້ອງເຟີ້ໄດ້ດີ ທັງຍັງຊ່ວຍບັນເທົາອາການອາຫານບໍ່ຍ່ອຍ.

5. ຮັກສາກົດໄຫຼຍ້ອນ: ຂີ້ໝິ້ນຊ່ວຍປົວແຜໃນກະເພາະອາຫານ ແລະ ກົດໄຫຼຍ້ອນໄດ້ ຊ່ວຍບັນເທົາອາການເຈັບທ້ອງເນື່ອງຈາກກະເພາະອາຫານເປັນແຜ ອີກທັງຍັງຊ່ວຍຕ້ານການເກີດແຜໃນກະເພາະອາຫານ ແລະ ລຳໃສ້ໃຫຍ່

6. ຮັກສາສິວ: ຂີ້ໝິ້ນຊ່ວຍຮັກສາຮອຍແຜຈາກສິວ ພຽງນຳຜົງຂີ້ໝິ້ນມາຜະສົມກັບນ້ຳລ້າ ແລ້ວທາໜ້າປະໄວ້ປະມານ 15 ນາທີ ແລ້ວລ້າງອອກຈະຊ່ວຍຮັກສາສິວຊ່ວຍໃຫ້ໜ້າໃສ.

7. ຮັກສາອາການອັກເສບຂອງຜິວໜັງ: ຂີ້ໝິ້ນມີມີຊັບພະຄຸນໃນການຍັບຢັ້ງການຈະເລີນເຕີບໂຕຂອງເຊື້ອແບັກທີເລຍ ແລະ ເຊື້ອລາ ຊ່ວຍຫຼຸດການອັກເສບຜື່ນຄັນ.

8.ບັນເທົາອາການປວດໂລກຂໍ້ເຂົ່າເສື່ອມ: ໄດ້ມີການວິໃຈພົບວ່າ ຂີ້ໝິ້ນສາມາດໃຊ້ບັນເທົາອການປວດຈາກໂລກຂໍ້ເຂົ່າເສື່ອມ ແລະ ຊ່ວຍໃຫ້ການທຳງານຂອງເຂົ່າດີຂື້ນ.

9. ຮັກສາໂລກລິສິດວງທະວານ : ຂີ້ໝິ້ນຊ່ວຍປ້ອງກັນການເກີດໂລກລິສິດວງທະວານ ພຽງກິນຂີ້ໝິ້ນກໍ່ຈະຊ່ວຍແກ້ລິສິດວງທະວານໄດ້.

10. ນ້ຳມັນຫອມລະເຫີຍຈາກຂີ້ໝິ້ນ : ຂີ້ໝິ້ນເປັນສະໝູນໄພທີ່ມີນ້ຳມັນຫອມລະເຫີຍທີ່ມີປະໂຫຍດຕໍ່ສຸຂະພາບຫຼາຍເຊັ່ນ: ສານເຄີຄູມິນ (turmerone), ຊິງຈິເບີລິນ (zingiberene), ສານຊິເນອອລ (Cineole) ແລະ p-cymene

ຂໍ້ມູນຈາກ: news.com.la