ຫົວສີໄຄ ເປັນພືດທຳມະຊາດຊະນິດໜຶ່ງທີ່ໃຫ້ປະໂຫຍດຫຼາຍຢ່າງ ໃຊ້ເປັນສ່ວນປະກອບໃນການປຸງແຕ່ງອາຫານ, ເປັນເຄື່ອງດື່ມ ທີ່ຊ່ວຍບຳລຸງຮ່າງກາຍໃຫ້ແຂງແຮງ ທັງມີຄຸນ ປະໂຫຍດເປັນຢາປົວພະຍາດຕື່ມອີກ. ນອກນັ້ນ ຍັງມີປະໂຫຍດດີໆ ຈົນເຈົ້າຕ້ອງຢາກກິນຫົວສີໄຄທຸກມື້ແນ່ນອນ.

1.ບຳລຸງໝາກໄຂ່ຫຼັ ແລະ ຂັບຍ່ຽວ: ຫົວສີໄຄ ມີຊັບພະຄຸນຊ່ວຍບຳລຸງໝາກໄຂ່ຫຼັງໃຫ້ແຂງແຮງ ຊ່ວຍໃຫ້ໝາກໄຂ່ຫຼັງທຳງານໄດ້ດີ ອີກທັງຍັງຊ່ວຍໃນການຊຳລະລ້າງ ແລະ ກຳຈັດຂອງເສຍທີ່ເປັນອັນຕະລາຍຕໍ່ຮ່າງກາຍ.

2. ບັນເທົາອາການປວດ ແລະ ການອັກເສບ: ຫົວສີໄຄ ເປັນສະໝຸນໄພທີ່ມີປະສິດທິພາບໃນການບັນເທົາອາການປວດ ແລະ ການອັກເສບຈາກໂລກໄຂຂໍ້ ຊ່ວຍຫຼຸດອາການບວມອັກເສບ ຫຼຸດການປວດເມື່ອຍ.

3. ແກ້ອາການນອນບໍ່ຫຼັບ ຊາຫົວສີໄຄຈະຊ່ວຍເຮັດໃຫ້ເຮົາຮູ້ສຶກຜ່ອນຄາຍກ້າມເນື້ອຈາກຄວາມເມື່ອຍລ້າ ແລະຍັງຊ່ວຍບຳລຸງເສັ້ນປະສາດຈຶ່ງເຮັດໃຫ້ນອນຫຼັບສະບາຍຂື້ນ.

4. ໄລ່ແມງໄມ້: ຫົວສີໄຄຫອມເປັນສະໝຸນໄພທີ່ນິຍົມນຳມາສະກັດນ້ຳມັນຫອມລະເຫີຍ ຫຼາຍກ່ວາຫົວສີໄຄບ້ານ ມີກິ່ນຫອມລະຫວ່າງບ່ອນໃບກັບກາບ ສາມາດໃຊ້ເປັນຢາທາໄລ່ຍຸງ ໄລ່ແມງໄມ້ ແລະ ຍັງເປັນພິດຕໍ່ຄົນອີກດ້ວຍ ໂດຍທຸບຫົວສີໄຄພໍຫຍາບໆ 4-5 ຕົ້ນ ແລ້ວນຳໄປວາງຕາມມຸມອັບກິ່ນ ນ້ຳມັນທີ່ລະເຫີຍອອກຂອງຫົວສີໄຄຈະຊ່ວຍໄລ່ຍຸງ.

5. ແກ້ຫວັດ: ຫົວສີໄຄເປັນສະໝຸນໄພທີ່ຊ່ວຍແກ້ຫວັດໄດ້ດີເນື່ອງຈາກມີປະໂຫຍດໃນການຫຼຸດໄຂ້ ບັນເທົາອາການຫວັດ ເຊິ່ງມີການໃຊ້ຢ່າງກ້ວາງຂວາງໃນການບັນເທົາອາການຫວັດໂດຍຈະຊ່ວຍຂັບເຫື່ອ.

6. ຮັກສາໂລກເບົາຫວານ: ຫົວສີໄຄໄດ້ຮັບການວິໃຈແລ້ວວ່າ ມີສ່ວນຊ່ວຍຮັກສາໂລກເບົາຫວານປະເພດທີ 2 ຫົວສີໄຄຈະຊ່ວຍຮັກສາລະດັບອິນຊູລິນ ໃນລະດັບທີ່ເໝາະສົມ ແລະ ເພີ່ມຄວາມທົນທານຕໍ່ກລູໂຄສຂອງຮ່າງກາຍ.

7. ບຳລຸງລະບົບປະສາດ ແລະ ສະໆໝອງ: ຫົວສີໄຄເປັນຢາບຳລຸງລະບົບປະສາດຊັ້ນດີ ບັນເທົາຄວາມເຄັ່ງຕຶງ ຊ່ວຍຫຼຸດຄວາມວິຕົກກັງວົນຄວາມເມື່ອຍລ້າທີ່ເກີດຈາກຄວາມເຄັ່ງຕຶງ.

8. ຫຼຸດຄໍເລັດເຕີລອນ: ຫົວສີໄຄມີຊັບພະຄຸນປ້ອງກັນພາວະໄຂມັນໃນເລືອດສູງ ໂດຍຈະຊ່ວຍຮັກສາລະດັບໄຕກລີເຊີໄຣ ແລະ ຫຼຸດຄໍເລັດເຕີລອນບໍ່ດີ LDL ຈຶ່ງຊ່ວຍປ້ອງກັນການສະສົມຂອງໄຂມັນໃນເສັ້ນເລືອດ.

9. ແກ້ວິນຫົວ ໜ້າມືດ: ຫົວສີໄຄເປັນສະໝຸນໄພທີ່ມີກິ່ນຫອມສະເພາະໂຕ ສາມາດຊ່ວຍບັນເທົາອາການວິນວຽນຫົວ ໂດຍທຸບຫົວສີໄຄພໍຫຍາບໆ 4-5 ຕົ້ນ ເພື່ອໃຫ້ໄດ້ກິ່ນແລ້ວນຳໄປສູດດົມກິ່ນທີ່ລະເຫີຍອອກມາຂອງຫົວສີໄຄ ຈະຊ່ວຍແກ້ອາການວິນຫົວ ແລະ ປຸ້ນທ້ອງໄດ້ດີ.

ຂໍ້ມູນຈາກ: news.com.la