1.ໝາກໜອດ: ຫາກທ່ານດື່ມນ້ຳໝາກໜອດເປັນປະຈຳ ກໍ່ຈະຊ່ວຍເຮັດໃຫ້ເຮົານອນຫຼັບສະບາຍຂຶ້ນ ເພາະໝາກໜອດມີສານເຊໂຣໂທນິນ ເຊິ່ງເປັນສານທີ່ມີໜ້າທີ່ຄວບຄຸມການນອນຫຼັບ ຊ່ວຍຫຼຸດຄວາມເຄັ່ງຕຶງ ແລະຊ່ວຍຫຼຸດອາການຊຶມເສົ້າ ເມື່ອກິນໝາກໜອດແລ້ວຈຶ່ງເຮັດໃຫ້ຮ່າງກາຍຫຼັບງ່າຍຂື້ນ.

2.ໝາກຍຳໄຍ: ລຳໄຍ ມີສານກາບາແລະ ກົດແກລລິກຊ່ວຍຮັກສາໂລກກ່ຽວກັບລະບົບປະສາດ ເຊັ່ນ: ໂລກວິຕົກກັງວົນ ໂລກນອນບໍ່ຫຼັບ ແລະ ຍັງເຮັດນ້າທີ່ຮັກສາຄວາມສົມດຸນຂອງສະໝອງ ຈຶ່ງຊ່ວຍເຮັດໃຫ້ສະໝອງຜ່ອນຄາຍ ຫຼຸດຄວາມເຄັ່ງຕຶງ ວິຕົກກັງວົນ ນອນຫຼັບສະບາຍ ອີກທັງຍັງມີວິຕາມິນບີ 12 ທີ່ມີສ່ວນຊ່ວຍໃນການບຳລຸງປະສາດ ແລະ ສະໝອງ ຮັກສາອາການວິຕົກກັງວົນ ຄາຍຄວາມເຄັ່ງຕຶງ.

2. ກ້ວຍຫອມ: ກ້ວຍຫອມ ເປັນໝາກໄມ້ທີ່ມີໂພເທສຊຽມທີ່ຈະຊ່ວຍຄາຍຄວາມເຄັ່ງຕຶງ ຫຼຸດຄວາມວິຕົກກັງວົນເມື່ອຮູ້ສຶກຜ່ອນຄາຍກໍ່ເຮັດໃຫ້ນອນຫຼັບສະບາຍຕະຫຼອດຄືນ ທັງຍັງມີກົດອະມິໂນ ແລະ ທິບໂຕເຟັ່ນ ທີ່ຈະຊ່ວຍຄາຍຄຽດ ແລະຮູ້ສຶກຜ່ອນຄາຍຫຼາຍຂື້ນ.

3. ໝາກເຊີລີ້: ເຊີລີ້ມີລິດເປັນສານຕ້ານອະນຸມູນອິດສະຫຼະຫຼາຍ ອີກທັງຍັງມີສານເມລາໂທນິນຈຶ່ງຊ່ວຍຄາຍຄວາມຄຽດ ຫຼຸດຄວາມວິຕົກກັງວົນຕ່າງໆໄດ້ອີກ ທັງຍັງຊ່ວຍຫຼຸດອາການຊຶມເສົ້າໄດ້ດີອີກດ້ວຍ.

4. ໝາກໄມ້ຕະກູນເບີລີ້: ສະຕໍເລີລີ້ ບລູເບີລີ້ ຣາສເບີລີ້ ແລະ ແບລັກເບີລີ້ ເປັນໝາກໄມ້ທີ່ຊ່ວຍຕ້ານອະນຸມູນອິດສະຫຼະສູງ ໄດ້ມີການສຶກສາວິໃຈລົງໃນວາລະສານການແພດວ່າ ຜູ້ປ່ວຍໄດ້ຮັບການຮັກສາເປັນເວລາປີ ດ້ວຍສານຕ້ານອະນຸມູນອິດສະຫຼະ ຫຼື ຢາຫຼອກ ຫຼັງຈາກ 2 ປີທີ່ຜູ້ປ່ວຍໄດ້ຮັບການຮັກສາດ້ວຍສານຕ້ານອະນຸມູນອິດສະຫຼະ ສົ່ງຜົນໃຫ້ພາວະຊຶມເສົ້າມີອາການທຸເລົາລົງ.

ຂໍ້ມູນຈາກ: news.com.la